IBRANI 8:6 - Sura' Madatu

⁶ Apa totemo te Naappa’mo Yesu tu misa’ pentoean mandu mala’bi’ sitinaya kamendadianNa Toparitangngana basse mandu melo, tu diarra’i lan mintu’ pangallu’ mandu melo.

IBRANI 8:6 Referans Kwoze

IBRANI 7:22

Susi dukamo Ia mendadi bassean ulangna basse mandu melo.

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

2 PETRUS 1:4

Tete indemorato anta dikamaseimo mintu’ pangallu’ mala’bi’ sia mandu kapua, kumua anna pangallu’ iato minii umpotaa pasirua mendeata, ke ullendokammokomi kalemi dio mai kasanggangan bu’tu lan te lino belanna kamailuan.

TITUS 1:2

tete dio kapa’rannuanan lako katuoan sae lakona, tu mangka Naallu’ dolomo Puang Matua tang balle na iatu tipamulanna attu,

LUKAS 22:20

Susi dukato tonna mangkamo kumande, Naalami tu irusan, Nakua: Iate irusan iate iamo irusan titanan basse ba’ru lan raraKu tu dipato’do belanna kamu.

ROMA 9:4

iamotu mai to Israel tu unnampui kadianakan sia kamala’biran sia basse sia Sukaran aluk sia kamenomban sia mintu’ pangallu’,

YEREMIA 50:5

Tau iato mai la umpekutanan Sion sia iatu lindona la mentingo lako; la sae anna mengkara’pa lako PUANG tete dio misa’ basse matontongan, tu tae’mo nala dikalupai len.

EFESUS 2:12

Attu iato salian rindingkomi dio mai Kristus sia tae’ mitamai katongananna to Israel sia butung to saekomi tu diona basse Naallu’ Puang Matua sia tae’ mima’rannuan sia tae’ miposande’ Puang Matua lan te lino.

1 TIMOTIUS 2:5

Belanna iatu Puang Matua Misa’ri, na iatu ToparitangngaNa Puang Matua na tolino Misa’ri, tolino duka sia, iamotu Kristus Yesu,