IBRANI 8:5 - Sura' Madatu

⁵ Tu umpogau’ pentoean kamenomban lan rapang-rapang sia bayo-bayona mintu’ apa dao suruga, susi Musa mangka narampoi kadanNa Puang Matua, tonna marassan unggaraga kema iato Nakua: Tiro meloi, ammu garagai tu mintu’nato, unturu’ rapang-rapang dipakitangko dao buntu.

IBRANI 8:5 Referans Kwoze

KATASSURAN 25:40

La mupengkilalai tongan, ammu garagai tu mintu’nato susitu pandiri mangka dipatiroangko dao buntu iato.

KOLOSE 2:17

belanna mintu’nato bayo-bayona bangri tu mintu’na apa la sae, apa iatu batangna iamotu Kristus.

IBRANI 10:1

Belanna iatu Sukaran aluk bayo-bayona bangri mintu’ rongko’ la sae, tangia kumua batangna tonganno mintu’ apa iato, anna tete dio pesuru’ susi duka bangsiato, tu nenne’ dipemalaran rundun taun, inang tae’ nabelai umpasundun mintu’ to umpennoloi.

KATASSURAN 26:30

Mangkato la mupabendanmo tu kema iato susitu pandiri mangka dipatiroangko dao buntu iato.

1 OSSORANNA DATU 28:19

Mintu’ te (kadanna Daud) disura’ lan misa’ sura’, ditarima dio mai limanNa PUANG, tu Nanii umpa’patuduanna’ tu diona mintu’ garaganna unturu’ pandiri.

KATASSURAN 27:8

La murinding papan; susitu mangka Napatiroangko Puang dao buntu, susi dukamo la napogau’ tau iato mai.

1 OSSORANNA DATU 28:12

Sia ia duka tu pandiri diona tu mintu’ apa natangnga’ lan ba’tengna, iamotu mintu’ tarampakna banuanNa PUANG, mintu’ bilik tiku lao sia bilik pangnannan lan banuanNa Puang Matua sia pangnannan mintu’ apa dipamarimbangan,

IBRANI 9:9

tu misa’ rapanganna attu totemo, situru’ susi lan rapangan iato dipemalaran ba’tu pira-pira pemala’ sia pesuru’, tu tang nakulle umpasundun to umpogau’i, susitu nasa’dingna lan penaanna,

KADIBILANGAN 8:4

Inde sia tu garaganna tongkonan palita iato, iamotu bulaan pa’kombong ditampa, la batangna la iatu bunganna, situru’ tu apa Napa’patuduan PUANG lako Musa, susimoto tu tongkonan palita mangka nagaragai.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.

PENGGAURANNA RASULU’ 7:44

Iatu tenda kasa’bian nakambi’ nene’ to dolota dio padang pangallaran, susitu Napa’peannan tu To ma’kada lako Musa kumua la nagaragai susitu pa’pasusian mangka natiro.

KATASSURAN 25:9

Susitu mintu’ la Kupadulluangko, susitu pandirinna kema iato sia susitu pandirinna mintu’ pareananna, susi dukamoto la mugaragai.

MATIUS 2:12

Iatonna patudumi Puang Matua tinde tau lan tindona kumua da nasule lako Herodes, sulemi tinde tau lako tondokna unnola lalan senga’.

IBRANI 13:10

Den tu inan kapemalaranta, na iatu mintu’ to umpogau’ kamenomban dio kema iato, tae’ anna pato’ ungkandei tu kande dio mai inan kapemalaran iato.

KADA OMBO’ LAKO RASULU’ YOHANES 15:5

Undinnato kutiromi tibungka’ tu banuanNa Puang Matua lan tenda tananan sa’bi dao suruga;

YOSUA 22:28

Kikuapa ma’kada kumua: Iake undinna nama’kada tu tau iato lako kami sia lako bati’ki susito, la ma’kadakan kumua: Tiromi tu a’ganna inan pemalaranNa PUANG, tu nagaraga nene’ to doloki; tae’ nala dipoinan pemala’ ditunu pu’pu’ sia pemala’ pangrere’, sangadinna la dipotanda sa’bi lan alla’ta.