IBRANI 5:7 - Sura' Madatu

⁷ Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

IBRANI 5:7 Referans Kwoze

YOHANES 17:1

Susimoto tu kadanNa Yesu, Namentingara langngan langi’ anNa ma’kada, Nakua: O Ambe’, nalambi’mo attunna, pakala’bi’mi tu AnakMi, anNa pakala’bi’komi AnakMi.

MATIUS 27:46

Agi-agi te’te’ tallu Nametamba tu Yesu umpemandui gamaranNa, Nakua: Eli, Eli lama sabakhtani! battuananna: O PuangKu, o PuangKu, ma’apari amMi tampemoRa’.

MARKUS 15:34

Iatonna te’te’ tallumo, metambami tu Yesu umpemandui gamaranNa, Nakua: Eloi, Eloi, lama sabakhtani?, ke dipallemba’i battuananna: O PuangKu, o PuangKu ma’apari MitampemoRa’?

IBRANI 12:28

Iamoto, belanna untarimaki’ parenta tang tibendon, sipatuki’ ma’kurre sumanga’, anna tete inde to anta kullei menomba susitu Naporainna Puang Matua, naturu’ pa’pakaraya sia kamatakuran.

YOHANES 11:35

Tumangi’mi tu Yesu.

MATIUS 27:50

Metamba pole’omi tu Yesu umpemandui gamaranNa, namane ussorong PenaanNa.

MARKUS 15:37

Apa metamba tu Yesu umpemandui gamaranNa, naka’tu penaanNa.

PA’PUDIAN 22:24

E kamu mintu’ to ungkataku’ PUANG, pudiMi, e kamu mintu’ tarukna Yakub pakala’bi’Mi, sia kasiri’I, e mintu’ bati’na Israel!

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

LUKAS 23:46

Metambami tu Yesu umpemandui gamaranNa, nakua: O Ambe’, Kusorong lako Kalemi tu penaangKu. Iatonna mangkamo ma’kada susito, sinoemi penaa.

PA’PUDIAN 69:1

Lu lakona pangala sengo. Unturu’ baenan sengo bunga bakung. Pa’pudianna Daud.

YESAYA 53:11

Belanna kakapuanna pa’di’na anna tiroi tu iannato sanamosona; sia tete dio kapaissananna tu tau malambu’Ku anna buda tau nabilang malolo, sia iamo la urrengnge’i tu kakelokanna tau iato mai.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

YESAYA 49:8

Nakua kadanNa PUANG: Kutanannimoko talinga lan attu kamasorokan sia Kutunduiko lan attu kamanamanan: la Kurinding pala’ko sia la Kupadadiko basse lako bangsa iato mai, la umpasulei tama dandanna tu padang iato sia napourungi umpoapa polei sule tu padang mana’ talona tau iato mai,

SURA’ KATOMINAAN 2:2

Anna baai lako anakna Harun, to minaa; ke mangkai naalai to minaa sangka’pan tu ta’pung manisak iato sia minna’ sisola tu dupa, natunui tu pemala’ iato dao inan pemalaran iamo pemala’ kapengkilalan la dipopemala’ pantunu, la dipobau busarungngu’ dio oloNa PUANG.

2 YOHANES 1:7

Belanna buda tu to ma’papusa sumalongmo lan lino, tu tae’ naakui kumua iatu Yesu Kristus sae lan a’gan tolino. Iamora te tu pa’papusa sia uali Kristus.

1 YOHANES 4:3

na umba-umba tu penaa, tae’ naakui tu Yesu, iamoto tu tang lu dio mai Puang Matua, sangadinna iamote tu penaanna uali Kristus tu mangka mirangi la bu’tu sia totemo te denmo lan lino.

GALATIA 4:4

Apa iatonna lambi’mi kagannaranna attu, Nasuami Puang Matua tu AnakNa tu dadi dio mai misa’ baine, tu dikianakan naonganni Sukaran aluk.

YOHANES 11:42

Inang Kuissanmo kumua tontongKomi umperangiiNa’, apa belanna iari te to buda bendan untalimbungNa’, angKu pokadai te, anna patonganni kumua Kamu ussuaNa’.

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

PA’PUDIAN 88:1

Misa’ nanian pa’pudianna bati’na Korah. Lu lakona pangala sengo. Unturu’ baenan sengo: Mahalat Leanot, Misa’ gelong bangunan ada’na Heman, to Ezrahi.

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

IBRANI 10:5

Iamo bannangnato tonna mentama te lino tu Kristus, Nakuami kumua: Iatu pesuru’ sola pemala’ tae’ Mianga’i, – apa mangkaMo’ Mipatepuan misa’ batang kale –.

IBRANI 10:10

Pa’poraian iannamorato anta pissan bangri mangka diseroi pesuru’ batang kaleNa Yesu Kristus.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.