IBRANI 5:12 - Sura' Madatu

¹² Iake ditangnga’i tu masainna, pato’komi dadi guru, apa sipatukomi naada’i pole tau tu pamulanna pangadaran diona kadanNa Puang Matua; susimokomi to sipatupa dipairu’ bumbungan, tangiapa kande makarra’.

IBRANI 5:12 Referans Kwoze

IBRANI 6:1

Iamoto melo ke tatorroi urrundunanni tu tipamulanna pangadaran diona Kristus, anta patarru’mi lako kasundunan: da taparandanganni polei, iamotu pangadaran kamengkatobaran dio mai penggauran mate, sia kapatonganan lako Puang Matua,

1 PETRUS 2:2

susi pia’-pia’ mane dadi, la susi dukakomi to ungkaduangi bumbungan massang, dikua anna ia mipolobo’ landa’ lako kasalamaran,

IBRANI 5:13

Minda-minda tu unniru’pa bumbungan, tae’pa anna tandai kada tongan, belanna piapa.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

PA’PUDIAN 34:11

Iatu anak singa kapu’duran sia ussa’ding tangdia’, apa iatu to undaka’ PUANG tae’ nala kapu’duran len apa maelo.

MATIUS 17:17

Mebalimi tu Yesu Nakua: E bati’ to tang ma’patongan sia to leko’ penaanna, sangapaPa’ la ussisolangkomi? Sia sangapaPa’ la umpama’tanangkomi penaa? Solanni mai.

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

EZRA 7:10

Belanna napabatta’mo Ezra tu penaanna la umparessai tu Sukaran alukNa PUANG sia la unturu’i sia umpa’pangadaranni tu mintu’ apa dipondok sia atoran dio lu to Israel.

2 SAMUEL 16:23

Attu iato iatu kada napokada Ahitofel butung to umpekutanan kadanNa Puang Matua; susimoto tu mintu’ pa’timbanganna Ahitofel naangga’ la Daud, la Absalom.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

1 KORINTUS 14:19

Apa ianna lan kombongan kula’biran limang buku kada lan mai tangnga’ku kupokada, angku ada’i dukato senga’, na iatu sangpulo sa’bunna kada, ke ma’kadana’ susitu pa’kamase diona ma’rupa-rupa basa.

ROMA 3:2

Buda, ma’rupa-rupa napolosong. Ma’pempissanna kumua mintu’na kadanNa Puang Matua mangkamo dipakambiranni.

PENGGAURANNA RASULU’ 7:38

Iamoto tu lan kombongan dio padang pangallaran sola tu malaeka’ umpa’kadai dio buntu Sinai, sia sola nene’ to dolota, tu untarima mintu’ kada tuo kumua nadiparampo lako kaleta.

MARKUS 9:19

Mebalimi Yesu lako tinde tau, Nakua: E bati’ to tang ma’patongan! sangapaPa’ la ussisolangkomi? sia sangapaPa’ la umpama’tanangkomi penaa? Solanni mai!

FILIPI 3:1

Senga’pi to, e kamu sangsiulurangku, poparannukomi Puang. Iake kutolei ussurasangkomi tu apa mangka kupakilalangkomi, tae’ kupomasorroi to, ammi nii ungkanassai kapatonganammi.

YESAYA 28:13

Iamoto anna patui kadanNa PUANG tu tau iato mai, kumua: Iatu atoran sukaran aluk sanatompo-tompoinna sukaran aluk, atoran sukaran aluk natompoi atoran sukaran aluk, iatu parenta sanatompo-tompoinna parenta, parenta natompoi parenta; sidi’ inde te, sidi’ inde to, kumua anna bare boko’ tu tau iato mai, anna tisumbang sia tipessambak sia natekke poya anna ditingkan.

1 KORINTUS 14:20

E, kamu siulu’ku, da mimapia-pia lan tangnga’mi, sangadinna lan kakadakean sipatukomi la mapia-pia; apa lan tangnga’mi sipatukomi la matona’.

GALATIA 4:3

Ten dukamoto te kita, iatonta piapa, mengkaolaki’ lako aluk lino dolo.

IBRANI 5:11

Iatu diona to, budapa tu la tapokada, apa masussa la urrundunanni, belanna matukkunkomi ma’perangi.

IBRANI 10:32

Apa kilalai tonna dolona, tonna dipemasiangimo tu penaammi, mipengkullei tonganni umpatanan penaammi lan parri’ paria;