IBRANI 5:11 - Sura' Madatu

¹¹ Iatu diona to, budapa tu la tapokada, apa masussa la urrundunanni, belanna matukkunkomi ma’perangi.

IBRANI 5:11 Referans Kwoze

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

2 PETRUS 3:16

Susimo lan mintu’ sura’na to, ke nasa’bu’i te iannate. Den duka lan ba’tu pira passalan tu masussa dibattuananni; iatu to tang mandalan paissanna sia tang bantang nabulang leko’ susitu mai sura’ senga’, naurunganni umpabu’tu kasanggangan lako kalena.

PENGGAURANNA RASULU’ 28:27

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule, angKu pamalekei.

YOHANES 16:12

Budapa tu la Kupokada lako kalemi, apa tang la mikullepa te totemo te.

YOHANES 6:6

Ia sia Napokadai susito, belanna la morai untobai, belanna Naissan kalena Ia apa tu la Napogau’.

LUKAS 24:25

Nakuami Yesu lako: E to baga sia to banda’ inaa umpatonganni tu mintu’na apa mangka napokada nabi!

MARKUS 8:21

Nakuami Yesu ungkuanni: tae’paraka namasiang lan penaammi?

YESAYA 6:10

Pabattukki tu penaanna bangsa iate sia patarui tu talinganna, sia pasipi’da’i tu matanna, da napatiro sia da naparangi sia da napaissan, naurungan tae’ anna mengkatoba’ sia tae’ nadipamaleke.

1 DATU 10:1

Iatonna rangimi datu baine dio mai Syeba tu kareba diona Salomo tu siumpu’ sanganna PUANG saemi la umpeponto bannangi.

IBRANI 5:10

anNa gantii Puang Matua Tominaa Kapua unturu’ lalanna Melkisedek.

IBRANI 5:12

Iake ditangnga’i tu masainna, pato’komi dadi guru, apa sipatukomi naada’i pole tau tu pamulanna pangadaran diona kadanNa Puang Matua; susimokomi to sipatupa dipairu’ bumbungan, tangiapa kande makarra’.