IBRANI 4:15 - Sura' Madatu

¹⁵ Belanna tae’ taampui tu Tominaa Kapua tang ungkaturu-turui kamalammaranta, sangadinna Iamotu mangka narampoi peroso lan mintu’na susi kita, apa tae’ Ia Nakasalan.

IBRANI 4:15 Referans Kwoze

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

1 YOHANES 3:5

Miissan kumua dipasombo tu Kristus anNa lendokanni tu mintu’ kasalan; lan Kalena tae’ kasalan.

1 PETRUS 2:22

Iamo Ia, tu tang umpogau’ kasalan, tae’ duka naombo’ dio mai randan pudukNa tu kada patua’ ba’tang;

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.

IBRANI 5:2

sia tu ma’dinna umpama’tanan penaa to tang paissan sia to pusa, belanna ia duka nakapu’ kamalammaran;

YOHANES 8:46

Mindarokomi ma’din ungkanassaiNa’ diona kasalan? Iake umpokadaNa’ tonganna, ma’apai natae’ mipatonganNa’?

YESAYA 53:9

Iatu lamunanna dipalan lu to’ panglamunanna mintu’ to palutu tombang, apa iatonna mate lan lu tangnga to sugi’, belanna tae’ napogau’ kakadakean sia tae’ pa’pakena tassu’ dio pudukna.

LUKAS 22:28

Apa tontongkomi Kusisolan lan mintu’ kadipakario-rioangKu.

LUKAS 4:2

Narosomi deata bulituk patangpulo allona. Iato lan mintu’na allo iato tae’ bang apa Nakande. Iatonna lendu’mo tu allo iato mane tangdia’ri.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

KATASSURAN 23:9

Sia da mupandasa to sae, apa mitandaimo tu penaanna to sae, belanna mangkamokomi to sae dio tondok Mesir.

MATIUS 12:20

Iatu tille kumpang tae’ Nara’pakki, sia iatu palita ma’millo mannamo tae’ duka Nala umpa’dei, sae lako Napopatalona tu pangra’ta’Na Puang Matua.

MATIUS 4:1

Pakalan Nabaami Penaa tu Yesu lako padang pangallaran, anna rosoI deata bulituk.

ROMA 8:3

Apa iatu tang nalambi’na Sukaran aluk, belanna langga’ diona pa’kalean, Napasundun Puang Matua, tu ussua AnakNa kaleNa unnala a’gan pa’kalean mengkaola lako kasalan, tu belanna iamoratu kasalan, anNa pakannai ukungan tu kasalan, lan pa’kalean,

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.