IBRANI 4:12 - Sura' Madatu

¹² Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

IBRANI 4:12 Referans Kwoze

YEREMIA 23:29

Tang susiraka api tu kadangKu, kada Napa’petanggungan PUANG, ba’tu susi misa’ pepa’tong unnisak-nisak buntu batu’?

YESAYA 55:11

Susi duka tu kadangKu sunmo dio randan pudukKu, kumua tae’ anna la sule lo’bang lako Kaleku, sangadinna umpalolang apa Kuporai sia umpalalo mintu’ tu apa Kusuanni.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

PA’PUDIAN 119:130

Kadipapayananna kadamMi umpamasiang sambu’ penaanna tau. Sia umbenni tangnga’ kinaa tu to tang unnampui tangnga’ kinaa.

1 PETRUS 1:23

belanna mangkamokomi didadian pole tangia kumua dio mai taruk la sanggang, sangadinna tang la sanggang, tete dio kada marendengNa sia matontonganNa Puang Matua.

YESAYA 49:2

Napopendadi la’bo’ mataran tu pudukku; Naongannina’ limanNa, Napadadina’ misa’ tinaran matadi’, Napalanna’i tambilanNa.

KADA OMBO’ LAKO RASULU’ YOHANES 1:16

Lima kananNa untoe pitu bintoen, nalan mai pudukNa nanii tassu’ misa’ pa’dang mataran patomali, sia lindoNa parrang susi mata allo ke attu mapannang.

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.

ROMA 1:16

Belanna tang ussa’dinganna’ siri’ untongananni tu Kareba-kaparannuan, apa iamo kamatotoranNa Puang Matua tu umpabu’tu kamakarimmanan lako mintu’ to ma’patongan, ondonganna lako to Yahudi sia to Yunani duka.

PA’PUDIAN 149:6

Iatu pa’pudi-pudian lako Puang Matua la dio bang pudukna, sia iatu limanna sitetang la’bo’ mataran patomali.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

EFESUS 5:13

Belanna iatu mintu’ dipasalana, napasombo masiangna. Apa iatu dipasombona, inang masiang ia.

LUKAS 8:11

Na iatu pa’pasusian inde sia tu battuananna: Iatu banne iamo kadanNa Puang Matua.

PA’PUDIAN 139:2

Mitandai tu diona torro ke’de’ku; sia mambelapa Mitandaimi tu lalan tangnga’ku.

YOHANES 6:51

Akumote tu roti tuo, tu lu dao mai suruga; iake denni tau misa’ ungkandei te roti iate, la tuo sae lakona; na iatu roti la Kupa’bengan iamotu kaleKu, la napotuo issinna te lino.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

PA’PUDIAN 45:3

Mandu maballokomi kamu anna mintu’ ma’rupa tau, iatu kamabalelean dipasitutu’mo randan pudukmi, iamoto anna pamasakkekomi Puang Matua tontong sae lakona.

KADA OMBO’ LAKO RASULU’ YOHANES 19:21

Sia mintu’ tu to senga’ mate napongko pa’dangna To-ussakei darang iato, iamotu pa’dang sun lan mai pudukNa. Na mintu’ manuk-manuk iato nadia’imo duku’na tau iato mai.

KADA OMBO’ LAKO RASULU’ YOHANES 2:16

Iamoto mengkatoba’ko; iake tae’i la saeNa’ mati’ madoi’, angKu rarii pa’dang dio te pudukKu tu tau iato mai.

IBRANI 13:7

Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

KADA OMBO’ LAKO RASULU’ YOHANES 2:23

Sia mintu’ anakna la Kusabu’i, anna mintu’ kombongan la unnissanni, kumua Akumo tu umparessa ba’tang sia penaanna tau sia Akumo tu la umpapakkannikomi situru’ penggauran simisa’-misa’mi.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

1 TESALONIKA 5:23

Anna Puang Matuamora tu oto’na kamarampasan, umpamasero tangkarauangkomi; anna makalima’na penaammi sia deatammi sia batang kalemi la makarimman, naurunganni tae’ attanganna ke attu kasaeannami Puangta Yesu Kristus.

2 KORINTUS 4:2

sangadinna kirampanammo tu mintu’ apa kabunian, tu umpabu’tunna kamasirisan, sia tae’ kipogau’i tu pakira-kira ba’tu untuka’i kadanNa Puang Matua, sangadinna umpamanassakan tonganna, angki pa’petandan kaleki lako sukaran inaanna mintu’ tau dio oloNa Puang Matua.

SARAMBU PEADA’ 5:4

apa ma’katampakanna mapai’ susi apsantin sia mataran susi pa’dang mataran patomali.

YAKOBUS 1:18

Situru’ lalan penaanNa anNa mangkamo undadiangki’ tete dio kada kamanapparan kumua anta dadi butung bunga’ bua dio tu mintu’ pa’padadinNa.

TOMANGADA’ 12:11

Iatu kadanna to kinaa susito panusuk; iatu pa’pulung kadanna susito petangki’ manda’ dilammak; mintu’nato nakamaseanni tu to mangkambi’ misa’ri.

2 KORINTUS 2:17

Belanna kami te tae’ kisusitu tau pira tu umpopandakaran kadanNa Puang Matua, sangadinna malambu’ tongankan ma’kada-kada, susitu lu diona mai Puang Matua, sia dio oloNa Puang Matua kinii umpokadai tete dio Kristus.

PA’PUDIAN 110:2

PUANG la umpopangayo tekken kapayungan lan mai Sion tanda kuasammu: La sikambi’Ko parenta dio lu to’ ualimMu.

1 KORINTUS 1:24

apa lako to ditambai, la to Yahudi la to Yunani, iatu Kristus, iamo kuasanNa Puang Matua sia kakinaanNa Puang Matua.

PENGGAURANNA RASULU’ 5:33

Iatonna rangii tinde tau te kada iate, lendu’mi re’dekna ara’na sia la morai umpatei tu mai rasulu’.

YOHANES 12:48

Minda-minda tu untumpuNa’ sia tang untarima kadangKu, den sia Misa’ dio la urra’ta’i: iatu kada Kupokada, iamo la umpasalai ke allo katappurannai lino.

PENGGAURANNA RASULU’ 7:38

Iamoto tu lan kombongan dio padang pangallaran sola tu malaeka’ umpa’kadai dio buntu Sinai, sia sola nene’ to dolota, tu untarima mintu’ kada tuo kumua nadiparampo lako kaleta.

EFESUS 5:26

kumua anNa pemaseroi tonna mangka umbasei pa’dioran uai tete dio kadanna Puang Matua,

IBRANI 6:5

sia ussa’ding kada meloNa Puang Matua sisola kamatotoranna attu la sae,

TO PARENGNGE’ 3:16

Nagaragammi Ehud kalena tu misa’ pa’dang mataran patomali, agi sangsiku landona, natakinni lanna lu pakeanna dio pupu kananna.