IBRANI 3:5 - Sura' Madatu

⁵ Iatu Musa maruru’ lako makalima’na apa lan banuanNa Puang Matua susi to ruranan, la umpa’peissananni tu mintu’ apa la dipokada undinna,

IBRANI 3:5 Referans Kwoze

KADIBILANGAN 12:7

Apa tae’ Kupasusi to tu taungKu Musa tu manappa’ lan mintu’ banuangKu.

IBRANI 3:2

tu maruru’ lako To unturo ta’bai susi Musa lako (makalima’na) apa lan banuanNa Puang Matua.

KATASSURAN 14:31

Attu iato natiro to Israel tu penggauran matoto’ Napogau’ PUANG lako mintu’ to Mesir; anna kataku’i tau iato mai tu PUANG sia napatongan tu PUANG sia iatu Musa, taunNa.

PA’PUDIAN 105:26

Nasuami tu Musa, taunNa sia Harun to Napilei langsa’.

PENGGAURANNA RASULU’ 28:23

Iatonna allu’mi lako Paulus tu allo sangallo, lendu’mi budanna tau sae lako tu naninna Paulus torro. Napamanassami sia nakatottongi tongan lako tinde tau tu diona ParentaNa Puang Matua sia randuk lan mai sura’ Sukaran alukna Musa sia lan mai sura’na nabi nanii umpamalesoanni tau tu diona Yesu, tempon dio mai melambi’ sae lako makaroen, kumua napatonganni.

IBRANI 8:5

Tu umpogau’ pentoean kamenomban lan rapang-rapang sia bayo-bayona mintu’ apa dao suruga, susi Musa mangka narampoi kadanNa Puang Matua, tonna marassan unggaraga kema iato Nakua: Tiro meloi, ammu garagai tu mintu’nato, unturu’ rapang-rapang dipakitangko dao buntu.

1 TIMOTIUS 1:12

Ma’kurre sumanga’na’ lako Kalena tu umpamatoto’na’, Iamotu Kristus Yesu Puangta, belanna Nakatappa’imo’, anNa patamana’ lan te pentoean iate,

YOSUA 1:2

Iatu Musa taungKu, matemo; totemo la ke’de’ko ammu lambanni te Yordan, la iko la mintu’ bangsa iate lako tu tondok la Kukamaseanni, iamotu to Israel.

PA’TOLE 34:5

Pakalan matemi tu Musa, taunNa PUANG, dio, lan tondok Moab, susitu kadanNa PUANG.

IBRANI 9:24

Belanna iatu Kristus tangia tamamo inan maindan panggaraga lima, tu rapang-rapang batangna inan maindan, sangadinna tama batang suruga, la mennolo totemo dio oloNa Puang Matua belanna kita.

ROMA 3:21

Apa totemo manggi’opara ma’tete Sukaran aluk inang mangka payanmo ia tu kamaloloanNa Puang Matua, tu nakatottongi Sukaran aluk sia nabi,

YOHANES 5:39

Minannung tu lanna Sura’ Madatu, belanna misanga lan mai la minii ungkabu’tui katuoan tontong sae lakona; anna ia duka tu Sura’ iato ungkatottongi tu diona Aku.

LUKAS 24:44

Nakuami lako tinde tau: Iamote tu kada KupokadangKomi tonta sisolapa, kumua tae’ nasalai tang disundunninna te mintu’nate, tu disura’na lan sura’ Sukaran alukna Musa sia lan sura’na mintu’ nabi sia lan sura’ nanian pa’pudian diona Aku.

LUKAS 24:27

Naparanduk diomi mai Musa sia mintu’ nabi Nabattuananni lako tu dipokadanna lan mintu’na sura’ diona Ia.

YOSUA 8:31

susitu napasan Musa, taunNa PUANG, lako to Israel, situru’ tu apa disura’ lan sura’ Sukaran alukna Musa; iamotu misa’ inan pemalaran dio mai batu tang dipa’, tu tae’pa nadiparumbui bassi lako. Dao inan pemalaran iato dinii umpemalaran pemala’ ditunu pu’pu’ lako PUANG sia untunu pemala’ kasalamaran.

1 KORINTUS 4:2

Na iatu dituntunnapa dio to makaritutu, la payanan manappa’.

PENGGAURANNA RASULU’ 7:37

Musa iamoto tu ma’kada lako to Israel kumua: Misa’ nabi la napabu’tuangkomi Puang Matua lan mai rapummi tu susinna te aku.

LUKAS 12:42

Nakuami Puang: Mindara tu to ma’kampa banua maruru’ sia kinaa, tu naangka’ puangna la ungkapalai mintu’ kaunanna, la umpapantanni kande, ke allu’naomi?

MATIUS 25:21

Nakuami tu puangna lako: iamo melonato, e kaunan masokan sia maruru’! sala sidi’na munii duka maruru’; dadi la kupamanassamoko ungkambi’i tu budanna: tamamoko kaparannuanna puangmu.

MATIUS 24:45

Mindara tu kaunan maruru’ sia kinaa, tu napakuasa puangna umpoissan mintu’ rurananna la umpapantanni kande ke attunnaomi?

YOSUA 8:33

Mintu’ to Israel sola mintu’ pekaamberanna sia mintu’ pangulunna sia to ma’paolainna salu bendan nasang dio kanan kairinna patti, sitingoan mintu’ to minaa to Lewi, tu umbulle patti basseNa PUANG, la to sae la pa’tondokan; iatu sesena sitingngoan tanete Gerizim sia sesena sitingoan tanete Ebal, susitu napepasanan Musa, taunNa PUANG, dolona, la umpassakke to Israel.

YOSUA 1:15

sae lako mangkanna Nakamasei PUANG katorroan tu mintu’ siulu’mi susi kamu, anna pomana’ dukai tau iato mai tu padang, tu la Nakamaseanni PUANG, Kapenombammi. Mangkato mimane sule lako padang mana’mi ammi pomana’i, tu nabenkomi Musa, taunNa PUANG, sambalinna lu Yordan, dio rampe matallo.

YOSUA 1:7

Samari la batta’ tonganko sia lalongko, ammu turu’ tongan-tonganni tu mintu’ sukaran aluk iate, tu napasan Musa, taungKu, lako kalemu; da musepang dio mai, lako kairi ba’tu kanan, ammu maupa’ umba-umba muola.

PA’TOLE 3:24

O Puangku PUANG, Kamumo umparandukki umpatiroanni te taumMi tu kapasareonganamMi sia Kuasa matoto’Mi; belanna umbara deata, tu den dao langi’ ba’tu dao kapadanganna tu umbelai umpogau’ penggauran matoto’ susito, susitu Mipogau’?

NEHEMIA 9:14

Sia Mipaissanni dukamo tu allo katorroan maindanMi sia Mipepasanammo tu pepasan sia apa dipondok sia sukaran aluk nalopian Musa, taumMi.

KATASSURAN 40:16

Napogau’mi Musa tu mintu’na te; susitu Napepasanan PUANG, susimo napogau’ to.

IBRANI 1:1

Iatonna mangkamo ma’kada tu Puang Matua tonna dolo-dolona lako nene’ to dolota tu ba’tu pempiran-piran nalaoan nabi-nabi sia ma’rupa-rupa lalan Napake dio randan pudukna nabi-nabi,

IBRANI 3:4

Belanna mintu’ banua tau umbangunni, apa iatu umbangun angge maritik, Iamo Puang Matua.

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.