IBRANI 3:10 - Sura' Madatu

¹⁰ Iamo bannangnato angKu sengke lako bangsa iate, Kuma’kada kumua: Nenne’ bang pusa tu penaanna tau iato, tae’ siapa naissanni tau iato tu lalanKu;

IBRANI 3:10 Referans Kwoze

PA’PUDIAN 95:10

Patangpulo taunna nanii umpa’di’i penaangKu tu to tama bilangan iato. Kukuami: Tau iato mai misa’ bangsa pusa tu penaanna, tu tang untandai lalanKu.

EFESUS 4:30

Sia da mipamasussai tu Penaa Masallo’Na Puang Matua, tu dinii mangka untodingkomi landa’ lako allo kadila’bakan.

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

PA’PUDIAN 78:8

Sia da nasusi nene’ to dolona tu tau iato mai, iamotu misa’ osso’ matoro sia battuk, iamotu misa’ osso’ tang ma’to’ tu penaanna, sia tae’ anna la’ka’ lako Puang Matua tu penaanna.

PA’PUDIAN 67:2

Anna Puang Matuamora ungkamaseiki’ sia umbura’ki’ lindo masakke, sia umpaarrangiki’ rupanNa, Sela

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

YOHANES 8:45

Apa Aku te, belanna umpokadaNa’ tonganna, anna tae’ mipatonganNa’.

MARKUS 3:5

Mentiro tikumi tu Yesu lako tau iato mai situang kasengkeanNa sia Napomasussa tu kamakarrasanna penaanna tu tau, Nakuami lako tu to kope limanna: Angka’i tu limammu! Naangka’mi namatoto’ tu limanna.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

PA’PUDIAN 147:20

Tae’ misa’ bangsa senga’ Nanii umpogau’i susito, iamoto anna tae’ naissanni tau tu mintu’ atoranNa. Haleluya!

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

ROMA 3:7

Apa iake sakendek-kendeknai tu kamanapparanNa sia kamala’biranNa Puang Matua napamanassa kabuttokangku, ma’apapi kudipakannai ukungan susito kasalan?

PA’PUDIAN 78:40

Ba’tu pempiran tu tau iato mai battuk lako Kalena dio lu padang pangallaran, sia umpa’di’i penaanNa Puang dio lu padang talo,

KADADIAN 6:6

menassanmi tu PUANG, belanna mangka umpadadi tolino untongkonni kuli’na padang sia iamoto tu umpatu’pe penaanNa.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;

MATIUS 20:24

Iatonna rangi tinde sangpulona tu iannato, saemi kasengkeanna lako sola duai tu to massiulu’.