IBRANI 2:3 - Sura' Madatu

³ umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;

IBRANI 2:3 Referans Kwoze

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

ROMA 2:3

E iko tu umpasalanna to ma’gau’ susito anna iko kalena umpogau’i, musangaraka la tilendokko dio mai ukunganNa Puang Matua?

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

PENGGAURANNA RASULU’ 4:12

Tae’ naden kamakarimmanan dio misa’ duka tau; belanna lan nasambo langi’ tae’ sanga senga’ dipa’kamasean lako to lino tu sipatunna la tapomakarimman.

YEHEZKIEL 17:15

Apa naeamo, belanna mesua lako Mesir, anna benni darang buda sia tau buda. La maupa’ siaraka? Ma’dinraka tilendok tu to umpogau’i susito? Sia iatu to umpoka basse ma’dinraka la tilendok?

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

IBRANI 1:2

nama’katampakanna attu iate, ma’kadaMi lako kaleta Nalopian AnakNa tu Napamanassa umpomana’ mintu’na, tete dio dukari anNa padadii tu angge maritik.

LUKAS 1:2

susitu mangka naossorangkan tu to untiro kalenai dio mai randukna sia umpa’pangadaranni tu kada iato.

KADA OMBO’ LAKO RASULU’ YOHANES 7:10

metamba-tambami umpekapuai gamaranna nakua: Mintu’na kadipangkeran lu lako Puang Matua tu unno’ko’ dao isungan kapayungan, sia lako Anak domba, oto’na kamakarimmanan.

TITUS 2:11

Belanna iatu pa’kamaseanNa Puang Matua, tu umpasaena kamakarimmanan lako mintu’ tolino, bu’tumo,

1 TIMOTIUS 1:15

Manappa’ te kada iate sia sipatu tongan ditarima, tu nakua: saemo tu Kristus Yesu tama te lino ungkarimmanni to kasalan; na iatu mintu’na tau iato, akumo tu losongna kasalan.

MATIUS 23:33

E ula’ sia bati’ ula’. Umba la mikua umpallaian kalemi dio mai ukungan naraka?

YESAYA 62:11

Belanna Napa’perangian PUANG landa’ lako randan langi’, Nakua: Pokadanni anak dara Sion kumua: tiromi, iatu kasalamarammu la rampomo; iatu polean diomo Kalena sia iatu pepakkan dolomo dio oloNa.

YESAYA 51:5

Mengkareke’mo lako kalemi tu kapataloan dio mai Kaleku sia kasalamaran dio mai Kaleku la bu’tumo, sia limangKu la umpaolai salunna tu mintu’ bangsa; mintu’ randan tasik untayanNa’ sia urrannuan limangKu.

YESAYA 12:2

Inang Puang Matua tu oto’na kamakarimmanangku, marannuna’, sia tae’ kumataku’, belanna PUANG PUANG tu oto’na kamatotorangku sia pa’pudiangku sia Iamo kupomakarimman.

IBRANI 4:1

Iamoto su’ding denpi tu pangallu’ diona kataman kapelayoanNa, sipatu takaselangan kumua denkomi manii misa’ payan tinampe.

PENGGAURANNA RASULU’ 2:22

E to Israel, perangii tu kadangku: Iatu Yesu to Nazaret, misa’ To Napamanassa Puang Matua lako kalemi umpake kamatotoran sia tanda mangnga sia tanda kalle-kallean tu Napaden Puang Matua Napapayananni Yesu dio tingayomi, susitu miissan kalenamo;

PENGGAURANNA RASULU’ 1:22

tempon dio mai nadio’Na Yohanes sae lako allo kadipakendekanNa dio tingayota, sipatu misa’ tu tau iato la tasolan ungkatottongi tu diona kamalimbangunanNa Yesu.

YOHANES 15:27

Sia kamu duka la dadi sa’bingKu, belanna misisolamMo’ tempon dio mai mulanna.

LUKAS 24:19

Nakuami lako: Apamo ia? Mebalimi nakua: Napa tu apa dadi lako Yesu to Nazaret, misa’ nabi matoto’Na Puang Matua nala diona penggauranNa, nala diona kada dio oloNa Puang Matua sia dio tingayona mintu’ tau;

MARKUS 1:14

Iatonna dipa’petarungkuammo tu Yohanes, saemi Yesu lako tana Galilea umpatiranda kareba kaparannuan lu dio mai Puang Matua.

YEHEZKIEL 17:18

Napamatunamo tu sumpa, belanna napoka tu basse; moi namangkamo sitoe lima, umpogau’i tu mintu’ apa iato; tae’ nala tilendok.

YESAYA 51:8

Belanna tau iato mai la maimbak susito sampin naimbakan busung sia sangtinti bulu domba nakande ulli’; apa iatu kamaloloangKu tontong sae lakona sia iatu kasalamaran dio mai Kaleku tontong la disiosso’i.

YESAYA 20:6

Sia iatu mintu’ pa’tondokan biring tasik allo iato la ma’kada nakua: Tiromi, susimoto te to tarannuan sia lako duka tanii mallai umpalaku pa’tunduan la dirampanan dio mai datu Asyur, umbara la takua tilendok te?

1 TESALONIKA 5:3

Ianna kua tau: Marampa’ sia salama’, pakalan to ke saemi kasanggangan urrampoi, susito baine ma’tambuk mangurria’; anna tae’ nabelai la urrampanan kalena.

LUKAS 1:69

Sia Napabendanammiki’ tanda kamarendengan lan banuanna Daud, taunna,

MATIUS 4:17

Tempon iamoto naranduk tu Yesu mangada’i sia nakua: Mengkatoba’komi belanna mengkareke’mo tu Parenta Suruga.

ROMA 11:14

kubela sia manii umpabu’tuan kapangimburuan sangrara sangbukungku sia ungkarimmanni tu tau pira.

1 KORINTUS 1:21

Apa belanna diona kakinaanna kalena te lino anna tang untandai tu Puang Matua lan kakinaanNa, iamoto anna iatu pa’poraianNa Puang Matua la ungkarimmanni tu to ma’patongan tete dio tu pa’popetaana pangadaran iato.

IBRANI 1:1

Iatonna mangkamo ma’kada tu Puang Matua tonna dolo-dolona lako nene’ to dolota tu ba’tu pempiran-piran nalaoan nabi-nabi sia ma’rupa-rupa lalan Napake dio randan pudukna nabi-nabi,

IBRANI 1:14

Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

1 YOHANES 1:1

Iatu apa denmo tempon dio mai, tu kirangimo, tu nata’paimo matangki, tu mangkamo kitiro sia mangkamo nakaka’ limangki iamotu diona Bisara katuoan,

YUDAS 1:17

Apa kamu te, e pa’kaboro’ku, la mikilalai tu apa napokada dolomo mintu’ rasulu’Na Puangta Yesu Kristus;