IBRANI 13:23 - Sura' Madatu

²³ La miissan kumua iatu Timotius, siulu’ta dirampananmo; iake madoi’ sae, la malena’ mati’ sola ussitiroangkomi.

IBRANI 13:23 Referans Kwoze

FILEMON 1:1

Iate sura’ lu dio mai Paulus, misa’ to ditarungku belanna Kristus Yesu, sia lu dio mai Timotius, siulu’ta, diparampo lako Filemon, tu kipakaboro’, sia sangayokaki lan pengkarangan,

1 TESALONIKA 3:2

Angki sua Timotius siulu’ta, iamo misa’ to ma’kamayanNa Puang Matua lan kadipalolanganna Kareba-kaparannuanNa Kristus, la umpakananna’ sia umpakilalakomi diona kapatonganammi,

2 TIMOTIUS 1:8

Iamoto da mumasiri’ umpa’peissananni tu diona Puangta, sia da mupomasiri’i tu diona aku te dirante bassi, sangadinna la pada-padako umperasai kamaparrisan tu belanna Kareba-kaparannuan situru’ kamatotoran dio mai Puang Matua.

KADA OMBO’ LAKO RASULU’ YOHANES 7:14

Kukuami lako kalena: Puangri ia untandai. Nakuami lako kaleku: Iamote tu to tassu’ lan mai kadipakario-rioan sia mangkamo umbasei bayu lamba’na sia nabusai rara Anak domba.

FILEMON 1:22

Sipoduanna to, la mupasakkaranna’ inan kunii ma’bongi, belanna kurannuan diona passambayangmi angku dipa’kamasean sule lako kalemi.

1 TIMOTIUS 6:12

Pembela-belai lan rari melona kapatonganan, pellambi’i tu katuoan matontongan, tu ditambammoko, sia mangkamoko unnaku pangakuan tongan dio tingayona buda sa’bi.

ROMA 15:28

Iangku mangkamo umpasundunni tu iannato sia umparampo mana’pai buanna sia umpamanassai lako tau iato, la malena’ lako Spanyol unnola mati’ tondokmi.

ROMA 15:25

Apa totemo te la malena’ lako Yerusalem ungkamayai to masallo’.

KOLOSE 1:1

Iate sura’ lu dio mai Paulus, rasulu’Na Kristus Yesu situru’ pa’poraianNa Puang Matua sia dio mai siulu’ta Timotius,