IBRANI 13:15 - Sura' Madatu

¹⁵ Iamorato anna tete dio Yesu, tala tontong umpemalaranni langngan Puang Matua tu pemala’ pa’pudi-pudian, tu bua tassu’ dio puduk unnaku sanganNa.

IBRANI 13:15 Referans Kwoze

PA’PUDIAN 50:14

Pennoloanni lako Puang Matua tu pa’kurre sumangasan, sia palesso’i tu mintu’ pangallonammu lako Puang Patodoranna.

ROMA 12:1

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

YESAYA 57:19

Aku umpadenni tu pa’pudi-pudian nagente’ lila: Marampa’, marampa’ tu to mambela sia to mandappi’, kadanNa PUANG; sia la Kupamatana tu tau iato mai.

2 OSSORANNA DATU 33:16

Napabendanmi sule tu inan pemalaranNa PUANG, sia dao inan iato nanii umpemalaranni tu ba’tu pira-pira pemala’ kasalamaran sia pemala’ pa’pudian, sia nasua tu to Yehuda la umpengkaolai PUANG, Kapenombanna to Israel.

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

SURA’ KATOMINAAN 7:12

Iake den tau umpemalaranni tu iannato napopemala’ pa’pudian, la napemalaran situang pemala’ pa’pudian ba’tu pira-pira pa’ranggina tang diragii dipasigerok minna’, sia pa’ranggina manipi’ tang diragii dipasapui minna’, sia ta’pung manisak, tu dipasiraunnamo minna’, iamotu pa’ranggina dipasigerok minna’.

MATIUS 11:25

Iatonna iato umpakendekmi pa’pudian tu Yesu, Nakua: O Ambe’, Puangna langi’ na lino, KupudiKomi, belanna Misamboan to paissan sia to manarang te ianna te, anna lako pia Minii umpasomboi.

2 OSSORANNA DATU 7:6

Iatu mintu’ to minaa pada bendan dio lu to’ pentoeanna, na iatu mintu’ to Lewi sitangke oni-onianNa PUANG, tu nagaragai Daud la umpudi PUANG, ke napa’pesuanomi Daud umpenanian pa’pudi-pudian tete dio pentoeanna tu tau iato mai, nakua: Belanna iatu kamasokananNa tang leluk sae lakona. Na iatu mintu’ to minaa umpannoni tarompe’na sitingoan tau iato mai, anna bendan nasang tu mintu’ to Israel.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

EFESUS 2:18

belanna bannang dioRi anta belai patomalinta umpennoloi Ambe’, Naria to Penaa misa’.

PA’PUDIAN 118:19

Bungkaranna’ tu mai ba’ba kamaloloan, la kuolai tama, la umpudi PUANG.

PA’PUDIAN 18:49

Tu urrampananna’ dio mai mintu’ ualingku! Ondongpi Kamu duka umpamadaoanna’ na iatu mintu’ to umbalina’, sia Kamumo tu ullussuranna’ dio mai to masa’ga’.

NEHEMIA 12:43

Allo iato napemalaran tau iato mai tu pemala’ buda; anna siparannu-rannuan, belanna Napaparannu tongan Puang Matua tu penaanna; ia duka tu mai baine sia iatu mai pia parannu-rannu, naurunganni iatu kaparannuanna tau lan Yerusalem mambela nanii karangian.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

ROMA 6:19

– Ma’kada to linona’ umpokadai te iannate tu belanna kalanggaranna pa’kaleammi. – Belanna susitu kamangkammi umpopengkaunan lesoan kalemi lako kamaruttakan sia kabulitukan umpabu’tu kabulitukan, susi dukamoto totemo popengkaunammi tu lesoan kalemi lako kamaloloan umpabu’tu kamaseroan.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

NEHEMIA 12:40

Iatu to menani duang torroan bendan lan banuanNa Puang Matua; ia duka tu aku sia sesena pangulu kusisolan,

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

2 OSSORANNA DATU 29:31

Ma’kadami tu Hizkia nakua: Mangkamokomi umpamarimbangan kalemi lako PUANG. Maimokomi, baami tu mai pemala’ sia pemala’ pa’pudian lako banuanNa PUANG. Iatu kombongan umbaa pemala’ sia pemala’ pa’pudian; sia mintu’ tu to masorok penaanna, umbaa pemala’ ditunu pu’pu’.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

LUKAS 10:21

Iatonna iato parannu penaanNa tu Yesu belanna Penaa Masallo’, nakua: Ma’kurre sumanga’Na’ lako Kalemi, O Ambe’, Puangna langi’ sola lino, belanna mintu’na te Misamboan to matarru’ sia to manarang, amMi pasomboi lako pia. O Ambe’Ku, belanna susimoto tu pa’poraiamMi dio oloMi.

PA’PUDIAN 119:108

O PUANG, timangi tu mintu’ pemala’ tanning inaa nasa’bu’ tongka’ dililaku; sia patuduna’ tu mai atoranMi.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

YEREMIA 33:18

sia dio mai tu mintu’ to minaa to Lewi tae’ len nala ka’tu tau dio oloKu umpemalaran pemala’ ditunu pu’pu’ sia untunu kande dipemalaran sia umpennoloan pemala’ pangrere’ lan mintu’ allo.

IBRANI 12:28

Iamoto, belanna untarimaki’ parenta tang tibendon, sipatuki’ ma’kurre sumanga’, anna tete inde to anta kullei menomba susitu Naporainna Puang Matua, naturu’ pa’pakaraya sia kamatakuran.

KADIBILANGAN 7:62

sia misa’ dolong-dolong bulaan sangpulo sikele’ timbanganna ponno dupa diong;