IBRANI 12:5 - Sura' Madatu

⁵ Sia tang mikilalaimo diona tu pa’pakilala umpakilalakomi susito umpakilala pia, nakua: E anakku, da mupamaringnganni tu peada’Na Puang, sia da muranggang penaa, ke narampoiko pa’di’;

IBRANI 12:5 Referans Kwoze

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

1 KORINTUS 11:32

Apa iake diukungki’, napangada’iki’ Puang, kumua da anta dipasiukung te lino.

PA’PUDIAN 94:12

Maupa’ tu to Miada’, o PUANG, sia to Mipatudu lan mai sukaran alukMi.

YAKOBUS 1:12

Maupa’ tu to batta’ untanggung peroso, belanna ke mangkami disudi, la unnappa’ katuoan dadi makotana, tu Naallu’ Puang Matua lako mintu’ to ungkamali’I.

PA’PUDIAN 119:109

Tontong bang narandanni kasanggangan tu sunga’ku, apa tae’ angku kalupai len sukaran alukMi.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

PA’PUDIAN 119:75

Kuissan, o PUANG, kumua mintu’ pangra’ta’Mi malolo nasang. Sia tete dio kamarurusamMi ammi pa’dikkimo’.

PA’PUDIAN 118:18

Napa’dikki tonganna’ PUANG, apa tae’ anNa eloranna’ lako kamatean.

IBRANI 12:7

Pama’tananni penaa tu iannato, anna mendadi peada’ lako kalemi; iatu Napogau’ Puang Matua lako kalemi, susimo Napogau’ lako tu mai anakNa; belanna anak umbara tu tang naada’ ambe’na?

SARAMBU PEADA’ 3:1

E anakku, da mutang kilalai tu pa’pangada’ku sia la nakaritutui penaammu tu mintu’ pepasanku,

SARAMBU PEADA’ 4:5

Daka’i tu kakinaan, daka’i tu pakita penaa, da mutang kilalai sia da muboko’i tu kada sun dipudukku.

PA’PUDIAN 119:83

Moi susimo’ to bila ditapai, apa tae’ duka sia angku kalupai tu mintu’ apa Mipondok.

PA’PUDIAN 119:16

Kupoparannu tu apa Mipondok, sia tae’ angku la ungkalupai lenni tu kadamMi.

AYUB 34:31

Apa iake den misa’ tau ma’kada lako Puang Matua nakua: Mangkamo’ matampo, apa tae’mo kula ma’gau’ masa’ga’;

LUKAS 24:6

Tae’ Ia Naindete, sangadinna malimbangunmo dio mai to’ to mate. Pengkilalai umbara nakua kadanNa lako kalemi tonna diopa Galilea,

LUKAS 24:8

Pakalan nakilalaimi tinde tau tu kadanNa;

PA’PUDIAN 119:67

Iatonna tang urrampoipa’ parri’, pusana’, apa totemo umpengkaolaimo’ kadamMi.

BATING 3:39

Ma’apai nasumarro tu tolino lan katuoanna? Melo ke pantan sumarroi diona kasalanna.

GALATIA 6:9

Da tamasorro umpogau’ melo, belanna la tapeburai duka ke attunna ke tae’i tamalilu.

1 TIMOTIUS 1:20

Susimo Himeneus sola Aleksander to, tu mangka kusorong lako deata bulituk, kumua anna diada’ da anna ma’kada solang.

IBRANI 13:22

Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.