IBRANI 12:25 - Sura' Madatu

²⁵ Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 12:25 Referans Kwoze

IBRANI 8:5

Tu umpogau’ pentoean kamenomban lan rapang-rapang sia bayo-bayona mintu’ apa dao suruga, susi Musa mangka narampoi kadanNa Puang Matua, tonna marassan unggaraga kema iato Nakua: Tiro meloi, ammu garagai tu mintu’nato, unturu’ rapang-rapang dipakitangko dao buntu.

IBRANI 11:7

Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.

ZAKHARIA 7:11

Apa manoka ma’perangi tu tau iato mai, umpatanan palempengna la mangea sia nasissing tu talinganna, da naperangii.

SARAMBU PEADA’ 13:18

Kamakario-rioan sia siri’ la urrampoi tu to untumpu peada’, apa iatu to umpalan penaa pa’pakilala la dipakala’bi’.

PA’TOLE 30:17

Apa iake sorong boko’i tu penaammu sia tang ma’perangi, sangadinna dinaranko la umpenombai kapenomban senga’ sia umpengkaolai,

KATASSURAN 20:22

Nakuami PUANG lako Musa: La ma’kadako lako to Israel susite: Iatu kamu mikanassai, kumua Aku tu ma’kada lako kalemi dao mai langi’.

MATIUS 8:4

Nakuami Yesu lako: Kanandai tonganni, da mupokada lenni, moi lako misa’ duka tau, sangadinna malemoko umpa’pekitanan kalemu lako to minaa sia pemalaranni tu pemala’ napa’peannan Musa, tu la mendadi tanda lako tu tau.

SARAMBU PEADA’ 8:33

Perangii tu pa’pakilala, ammu kinaa, da mutang umpalan penaai.

SARAMBU PEADA’ 1:32

Belanna katorokossikanna tu to tang paissan la umpatei, sia katangmatangkinanna tobaga la ussanggangi.

SARAMBU PEADA’ 1:24

Belanna manokakomi tongku meoli, sia moi misa’ tau tae’ umpalan penaai tongku angka’ limangku.

2 OSSORANNA DATU 7:19

Apa iake sorong boko’komi dio mai Kaleku sia miboko’i tu apa Kupondok sia Kupa’parentan, Kupatuduangkomi, ammi male umpengkaolai tu kapenomban senga’, sia tukku umpenombai,

1 DATU 12:16

Iatonna tiromi mintu’ to Israel tu diona datu tang napasiolamo tu palakunna, mebalimi lako datu nakua: Tae’mo tasangbilangan tu Daud, sia tae’mo tasangmana’ tu anakna Isai! E, to Israel, sulemokomi lako tendami! Karitutui kalenami tu tongkonammi, e Daud! Sulemi tu mintu’ to Israel lako to’ tendana.

YOSUA 22:16

Inde sia tu kadanna mintu’ kombonganNa PUANG: Umbara susitu katangmarurusammi, ammi balira Kapenombanna to Israel, na totemo sorongboko’komi dio mai PUANG, belanna umpabendanammokomi kalemi misa’ inan pemalaran. Susimoto minii umbali-bali PUANG totemo.

KADIBILANGAN 32:15

Iake miboko’i tu Puang, manassa la Napatorropa masai lan padang pangallaran sia kamu tu la umparampoi kamandasan te mintu’ bangsa.

KATASSURAN 16:29

Pengkilalai, kumua Napa’kamaseanmo PUANG tu allo katorroan lako kalemi; iamoto anna lan allo ma’pennannan Nabenkomi tu roti silasa lan to duang allo. Iamoto ammi pantan mari’pi bang dio to’ inanmi; moi misa’ tau tae’ nama’din tassu’ lan mai to’ inanna, to ke allo ma’pempitu.

2 TIMOTIUS 4:4

napasalai talinganna tu tonganna, anna patanan lu lakoi ulelean tang tongan.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

PENGGAURANNA RASULU’ 7:35

Musa iamoto tu natumpu tau, nakua: Mindara unnalako Pangulu sia to mangra’ta’ kara-kara? na ia tonganmo Nasua Puang Matua dadi pangulu sia to parampanan nasande’ tu malaeka’ nakita lan to’ duri.

YEHEZKIEL 5:6

Apa tang mekaaluk umbali-bali atorangKu losong na iatu mintu’ bangsa sia umbali-bali apa Kupondok losong na iatu mintu’ tondok tiku lao, belanna natibemo tau iato mai tu atorangKu sia tae’mo nalolang unturu’ mintu’ apa Kupondok.

YEREMIA 11:10

Tibalikmo tu tau iato mai lako kakadakeanna nene’ to dolona, tu mengkailing umperangii kadangKu, sia menturu’ lako tu deata la umpenombai; iatu to Israel sia to Yehuda umpokamo basseKu, tu Kutanan Kusibassei nene’ to dolona.

YESAYA 64:9

O PUANG, da Misengke tarru’ bang sia da Mitontong ungkilalai tu kakadakeangki. Tiromi sia mantami: kami sola nasang te, taumMi.

YESAYA 48:6

Murangimo tu iannato; tiro meloi tu mintu’nato; tae’raka misipatu la ungkatonganni, kumua tongannate? Randuk totemo la Kuparangiiko tu apa ba’ru, iamotu mai rasia tu tae’pa muissanni.

SARAMBU PEADA’ 15:32

Minda-minda untumpu peada’, iamo umpamatuna katuoanna; apa minda-minda umperangii peta’tan, unnappa’ tangnga’ kinaa.

IBRANI 3:17

Mindara tu mangka Nasengkei lan patangpulo taunna? Tangiaraka tu mai to mangka umpogau’ kasalan naurungan siapanan tu batang rabukna dio padang pangallaran iato?

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

KADA OMBO’ LAKO RASULU’ YOHANES 22:9

Nakuami lako kaleku: Da mususi to. Aku te padaki’ taunNa Puang Matua, sia susi duka mintu’ sangsiulurammu, nabi sia mintu’nato ungkaritutui mintu’ kada lan sura’ iate. Puang Matua Ia mupenombai.

KADA OMBO’ LAKO RASULU’ YOHANES 19:10

Tukkumo’ umpenombai, apa nakua lako kaleku: Da mususi to! Aku te, padaki’ taunNa Puang Matua, sia susi duka mintu’ sangsiulurammu tu untoena apa Nakatottonginna Yesu; Puang Matua Ia tu la mupenombai! Belanna iatu apa Nakatottonginna Yesu, iamo napopenaa pa’nubua’.

1 PETRUS 1:22

Tu mangkamokomi usseroi deatammi diona kamengkaolammi lako kamanapparan miurunganni ungkarampa’i tonganni tu mintu’ siulu’, iamoto sipatu la lantuk penaa tongankomi siala mase,

PA’TOLE 4:36

Dao mai langi’ Napa’perangian tu gamaranNa lako kalemu, la umpakilalako, sia Napatiroangko tu api kapuaNa dao kuli’na padang sia murangimo tu kadanNa lan mai to’ api.

PA’TOLE 18:19

Minda-minda tae’ naperangii tu mintu’ kada, tu la napokada tete dio sangangKu, manassa la Kupa’tuntunni tu tanggunganna.

IBRANI 1:1

Iatonna mangkamo ma’kada tu Puang Matua tonna dolo-dolona lako nene’ to dolota tu ba’tu pempiran-piran nalaoan nabi-nabi sia ma’rupa-rupa lalan Napake dio randan pudukna nabi-nabi,

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

IBRANI 12:19

sia lako oni tarompe’ pua sia gumalugunna kada, naurunganni meta’damo tu to urrangii, kumua damo nadipalanda’ tu kada.

YOSUA 22:15

Iatonna rampomo tu tau iato lako to Ruben, to Gad sia sesena suku Manasye dio tondok Gilead, sipa’kadami tau iato nakua: