IBRANI 12:22 - Sura' Madatu

²² Apa rampo lu lakomokomi buntu Sion sia tondokNa Puang Matua matontongan, iamotu Yerusalem dao suruga, sia lako kasipulunganna massa’bu-sa’bu malaeka’,

IBRANI 12:22 Referans Kwoze

FILIPI 3:20

Apa dao suruga tu tondok kadadianta, dao duka mai tanii untayan To pakarimmanan, Iamotu Puang Yesu Kristus,

GALATIA 4:26

Apa iatu Yerusalem dao, tae’ nakaunan, iamo indo’ta.

KADA OMBO’ LAKO RASULU’ YOHANES 14:1

Tiramban kutiroi tu Anak domba bendan dao buntu Sion, sia sisola tau saratu’ patangpulo nna’pa’ sa’bunna, tu to disura’ dio kidena tu sanganNa Anak domba sia sanganNa Ambe’Na.

PA’PUDIAN 48:2

Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

KADA OMBO’ LAKO RASULU’ YOHANES 21:2

Kutiromi tu tondok maindan, Yerusalem ba’ru, songlo’ dao mai suruga, dao mai Puang Matua, sakka’ pakean susi misa’ baine ma’kapa’ umbeloi kalena, anna parannu tu muanena.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

KADA OMBO’ LAKO RASULU’ YOHANES 22:19

sia iake denni tau umpa’deanni pira tu kada lan sura’ pa’nubua’ iate, manassa la Napaputta Puang Matua tu taana dio mai kayu katuoan sia dio mai tondok maindan, susitu disura’ lan sura’ iate.

KADA OMBO’ LAKO RASULU’ YOHANES 3:12

Iatu to patalo, la Kupadadi misa’ lentong lan banuanNa KapenombangKu, sia inang tae’ ia nala tassu’ inde to lan mai; sia la Kusurasan tu sanganNa KapenombangKu sia sanga tondokNa KapenombangKu, iamotu Yerusalem ba’ru tu songlo’ dao mai suruga dao mai KapenombangKu, sia iapa tu sanga ba’rungKu.

IBRANI 13:14

Belanna inde te tae’ tondok matontonganta, sangadinna undaka’ki’ pa’tondokan undi.

IBRANI 11:10

Belanna urrannuan tondok diparandanganni, tu Nabangun sia Napabendan Puang Matua.

YOËL 2:32

La dadi kumua minda-minda tu meongli’ ussa’bu’ sanganNa PUANG, iamo la dikarimmanni. Belanna dao buntu Sion sia dio Yerusalem la den katilendokan, susitu mangka Napokada PUANG; sia iatu naala bilanganna to tilendok, iamo la Natambai PUANG.

HOSEA 1:10

Apa undinna iatu to Israel la buda susi karangan dio biring tasik, tu tang dikemba’ disuka’ ba’tu diia’. Anna dadi dio inan dinii umpokadanni tau iato mai kumua: Kamu te tangia taungKu, inde dukato la dinii ussangai anakNa Puang Matua matontongan.

DANIEL 7:10

Sia misa’ salu api tikula’dak-la’dak, na lolong dio oloNa; massa’bu-sa’bu diala pessangsa’bu umpengkaolai sia sangpulo sa’bu-sa’bunna diala pessangpulo sa’bu bendan dio oloNa. Unnisungmi tu to ma’paolai salu anna bungka’i tu mintu’ sura’.

YESAYA 60:14

Iatu anak to umpandasako dolona la sae mengkanorong lako kalemu sia iatu mintu’ to mangka umbelle’ko la tukku menomba diong to’ lentekmu, anna gente’ko: Kotana PUANG, iamotu Sion To maserona to Israel.

YESAYA 59:20

Apa la sae tu Puang susi misa’ Pela’bak lako Sion sia lako mintu’ bati’na Yakub tu untobaran salana, kadanNa PUANG.

YESAYA 28:16

Iamoto anna ma’kada tu Puangta PUANG susite Nakua: Kutanan lan Sion tu batu parandangan, misa’ batu mangka disudi, misa’ batu petau keangga’, tu mangka dibantangi parandanganna; na minda-minda umpatonganni, tae’ anna tigiang len.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

2 DATU 19:4

Lala sia manii Naperangii PUANG Kapenombammi, tu mintu’ kadanna kamandang lompo, tu nasua puangna, datu Asyur umparampoangki’, kumua anna be’sei tu Puang Matua matontongan, anna ukkungi Puang tu belanna kada iato Narangimo PUANG, Kapenombammi; melo ke mipassambayanganni tu to torrona siapa, tu denna siapa.

KADA OMBO’ LAKO RASULU’ YOHANES 21:10

Nasolammi tu penaangku langngan misa’ buntu kapua sia malangka’, anna patiroanna’ tu Yerusalem, tondok maindan, songlo’ dao mai suruga lu dao mai Puang Matua.

KADA OMBO’ LAKO RASULU’ YOHANES 7:2

Kutiro pole’omi misa’ malaeka’ senga’ kendek dio mai kadellekan allo untoe peca’Na Puang Matua matontongan; metambami umpekapuai gamaranna lako tu a’pa’ malaeka’ mangka diben kuasa ussanggang lino sia tasik,

YUDAS 1:14

Diona dukamo tau iato mai namangka ma’nubua’ tu Henokh, bati’ ma’pempitunna Adam, nakua: Tiromi, saemo tu Puang sola to masallo’Na ma’pulo-pulo sa’bu,

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YESAYA 51:16

Kupadiomo pudukmu tu kadangKu sia Kuongannimoko pala’ limangKu, Akumo tu umpalumbang langi’ sia umparandanganni lino sia ma’kada lako Sion, kumua: Kamumo tu taungKu.

PA’PUDIAN 87:3

Ba’tu sangapa tu apa mala’bi’ tu napotuleran tau diona a’gammu, o kota Puang Matua! Sela

PA’PUDIAN 84:2

Tangpada mala’bi’na tu banuamMi, o PUANGna mintu’ ma’dandan maritik!

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

PA’TOLE 33:2

Ma’kadami nakua: Iatu PUANG mengkalao dao mai Sinai sia bu’tu unnarrangi tu tau iato dio mai Seir; sombomi parrang dao mai ma’buntunna Paran sia rampomo bu’tu lu dio mai ma’pulo-pulo sa’bunna to masero pindan. Dio kananNa natiro tu api dukku.

PA’TOLE 5:26

Belanna mindaraka tolino tu urrangi gamaranNa Kapenomban matontongan lan mai tangnga to’ api, susite kita, anna tontong siapa tuo?

IBRANI 10:31

Masang, ke tobangi tu tau tama limanNa Puang Matua matontongan.

IBRANI 9:14

ontong polepa tu raraNa Kristus, tu mangkamo umpemalaran Kalena tang sayuan lako Puang Matua tete dio Penaa matontongan, usseroi tu batu ba’tangta dio mai penggauran mate, kumua anta mengkaola lako Puang Matua matontongan.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

1 TESALONIKA 1:9

Belanna ia kalenamo unnuleleanni tu diona kami, tumba tu diona kamitarimangki sia tumba tu kamembokorammi dio mai deata, ammi lu lako Puang Matua, la umpenombai tu Puang Matua matontongan sia tongan,

ROMA 11:26

Na susito la dipamakarimman nasang tu mintu’ to Israel, susitu disura’ nakua: Dio mai Sion la Nanii sae tu Pela’bak; Iamo la umpale mintu’ kakelokan dio mai Yakub.

ROMA 9:26

La dadi dio tu inan mangka dinii umpokadanni kumua: Kamu te tangia taungKu, indemoto la dinii ussangai anakna Kapenomban matontongan.

MATIUS 5:35

ba’tu lino, belanna iamo pelleseanNa, ba’tu Yerusalem, belanna iamo kotana Datu kabarre-alloan;

YESAYA 14:32

Apara la nabalianni tau tu sumbungan pudukna bangsa iato? Napabantangmo PUANG tu Sion, kumua anna mintu’ taunNa tu dipandasa, male mentilindung tama.

PA’PUDIAN 68:17

E mintu’ buntu ma’botto-botto, ma’apari ammi sambiri matai, tu buntu Naturo ta’ba Puang Matua Nanii torro? Ondongpi la mari’pi sae lakona inde to tu Puang Matua.

MATIUS 16:16

Mebalimi Simon Petrus, nakua: Kamumo Kristus, AnakNa Puang Matontongan.

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.

YESAYA 24:23

Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.

YESAYA 27:13

Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.

YEREMIA 17:25

manassa dio mai te babangan kota iate la tama tu mai datu sia arung, tu la unnisung dao isungan kapayunganna Daud, ma’kareta sia ma’darang, la iatu mai datu sia mintu’ arungna la mintu’ to Yehuda sia mintu’ to untongkonni Yerusalem, sia iate kota iate la natorroi tau sae lakona.

EFESUS 2:19

Nasusito tae’mo mitosae sia to mentiruran, sangadinna sangtondokmokomi tu mai to masallo’ sia sikurinmokomi lan banuanNa Puang Matua,

2 TIMOTIUS 4:18

Puang la ullendokanna’ dio mai mintu’ penggauran kadake sia ungkarimmannina’ landa’ sae tama Parenta lanNa suruga; anna lu lako Puang tu kamala’biran tontong sae lakona. Amin.

IBRANI 11:16

Apa iatu manassana tau iato mai ungkaduangi misa’ tondok mandu melo, iamotu dao suruga; iamoto anna tae’ Nakasirisanni Puang Matua nasa’bu’ Puangna, belanna Naparandanammo misa’ tondok.