IBRANI 12:15 - Sura' Madatu

¹⁵ Kanandai tonganni, dikua da anna den misa’ tau untoyangan kalena dio mai pa’kamaseanNa Puang Matua, sia da anna den misa’ uaka’ mapai’ tuo anna pabu’tu kamasussan, naurunganni buda tongan tau natumang;

IBRANI 12:15 Referans Kwoze

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

PA’TOLE 29:18

Iamoto da naden dio lu kamu tu muane ba’tu baine, ba’tu pa’rapuan ba’tu suku, tu sorong boko’ penaanna totemo dio mai PUANG, Kapenombanta, la umpenombai deatanna bangsa iato; da miden misa’ mentaruk tu la umpaden ipo ba’tu apsantin

GALATIA 5:4

Ka’tumo ulangmi dio mai Kristus tu kamunna la morainna nabilang malolo Sukaran aluk; salianmokomi dio mai pa’kamaseanNa Puang Matua.

2 KORINTUS 6:1

Apa iatu kami pada mengkarangna, kipalaku duka lako kalemi, da ammi tarima tang keangga’i tu pa’kamaseanNa Puang Matua.

2 YOHANES 1:8

Kanandai tu kalemi, anna da mikapa’dean tu apa mangkamo takarang, sangadinna kumua nasundun miappa’ tu saro ra’ta’mi.

1 KORINTUS 15:33

Da mipusa: iatu ulelean ma’kapettok untumang gau’ melo.

2 PETRUS 3:14

Iamoto, e pa’kaboro’ku, tayanni tu mintu’nato sia pengkullei, ammi diapparan torro marampa’ tang attangan sia tang sayuan dio oloNa Puang, miurunganni marampa’.

IBRANI 4:1

Iamoto su’ding denpi tu pangallu’ diona kataman kapelayoanNa, sipatu takaselangan kumua denkomi manii misa’ payan tinampe.

1 KORINTUS 5:6

Iatu kaussattuammi kalemi tae’ namelo. Tae’raka miissanni kumua iatu ragi sidi’ umpamessu’ ta’pung sanglemun?

YEREMIA 2:21

Tang mangkarokoka Kutanan susi garonto’ anggoro’ pa’tonno’, susi banne tang karauan; ma’patumbai ammu dadi tangke tang membuanna garonto’ anggoro’ pangala’ lako Kaleku!

SARAMBU PEADA’ 4:23

Karitutui tu penaammu losong na mintu’ apa sipatu dikaritutui, belanna lan mai nanii bu’tu tu kalimbuang katuoan.

IBRANI 4:11

Iamoto tapengkullei tama kapelayoan iato, da taden misa’ tobang, susi to a’gan kabattukanna.

2 KORINTUS 13:5

Paressa kalenai tu kalemi, ba’tu lan siakomi kapatonganan, ontongpi sudi kalenai tu kalemi. Ba’tu tae’raka miissanni kumua Narondongkomi Yesu Kristus? Bokoranna ke attangangkomi.

1 KORINTUS 10:12

Iamoto minda-minda tu ussanga kalena bendan, la napengkilalai da’ anna tobang.

1 DATU 14:16

Sia la Nasa’biangan tu to Israel natumang kasalanna Yerobeam sia kasalan tu napa’pesuan lako to Israel umpogau’i.

IBRANI 6:11

Inde sia tu diongna penaangki, to kumua pantan umpa’pekitanangkomi kamasarasan susi dukato, miurunganni unnappa’ kapa’rannuanan sundun sae lako katampakanna,

PA’TOLE 32:32

Tonganna iatu garonto’ anggoro’na diala dio mai garonto’ anggoro’na Sodom sia dio mai pa’lak anggoro’na Gomora; iatu buanna bua anggoro’ keipo, sia mapai’ tu mai burena.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

KOLOSE 3:5

Pamatemi tu mintu’ lesoan kale a’gan lino, iamotu: pa’pangngan buni, kamaruttakan, kamoraian, pa’poraian kadake, sia kabasisi-inaan, tu samanna memala’ lako deata;

EFESUS 5:3

Apa iatu gau’ sala sia mintu’ penggauran maruttak ba’tu kabasisi-inaan, da naden len disa’bu’ kumua denkomi umpogau’i, susi tu gau’ sipato’na to masallo’.

GALATIA 2:13

Sia iatu mai to Yahudi senga’ menturu’ belo puduk sola, naurunganni napapusa kabelo-pudukanna tinde tau tu Barnabas.

1 KORINTUS 13:8

Iatu pa’kaboro’ tae upu’na; apa iatu pa’nubua’ la diputtai sia iatu ma’rupa-rupa basa la radan sia mintu’na kapaissanan la diputtai.

KATASSURAN 32:21

Ma’kadami Musa lako Harun nakua: Napatumbaroko te to buda ammu pasaeanri kasalan kapua susite?

2 PETRUS 3:11

Belanna susinna la kasangganganna to tu mintu’ apa, naumbara la mipakuanni tu kalemi unturu’ gau’ masallo’ sia kamengkaolan?

2 PETRUS 1:10

Iamoto e sangsiulurangku, la mandu mipengkullei umpamatoto’i tu kaditambaiammi sia kaditonnorammi; belanna iake mipogau’i susito, inang tae’ mila tilende’ len.

YESAYA 5:7

Iatu pa’lak anggoro’Na PUANGna mintu’ ma’dandan maritik iamotu bati’na Israel na iatu mintu’ to Yehuda iamo misa’ tananan Naposende; untayan parenta malambu’, apa to’doan raraora; umpeagi kamalamburan, apa kamarukkanora narampoi.

YESAYA 5:4

Apapara tu tang Kugauranni tu pa’lak anggoro’Ku? Matumbai tongKu peagi-agii tu bua anggoro’ anna bua langga’na manna bang?

YOSUA 6:18

Apa iatu kamunna la mipatoyang tongan tu kalemi dio mai tu apa pepayu, da mialai tu apa pepayu ke marassankomi ussabu’i, miurungan umpapepayuan mintu’ to’ tenda to Israel anna ruai kasanggangan.

LUKAS 22:32

apa mangkamoko Kupassambayangan, da napinda tu kapatonganammu, dadi iammu mangkamo mengkatoba’, pabatta’i tu penaanna mintu’ siulu’mu.

TITUS 1:15

Iatu to masallo’, mintu’na apa masero lako kalena; apa iatu to masareppak sia tang ma’patongan, moi misa’ tae’ masero lako kalena, sangadinna la tangnga’na, la sukaran inaanna, masareppak duka.