IBRANI 12:10 - Sura' Madatu

¹⁰ Belanna tonganna kumua naada’miki’ lan sangattu’, umba tu nasanganna melo; apa Puang unnada’ki la tapomelona, anta appa’ kamaseroanNa.

IBRANI 12:10 Referans Kwoze

2 PETRUS 1:4

Tete indemorato anta dikamaseimo mintu’ pangallu’ mala’bi’ sia mandu kapua, kumua anna pangallu’ iato minii umpotaa pasirua mendeata, ke ullendokammokomi kalemi dio mai kasanggangan bu’tu lan te lino belanna kamailuan.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

SURA’ KATOMINAAN 19:2

Ma’kadako lako mintu’ kasirampunan to Israel sia kuanni kumua: La maserokomi, belanna maseroNa’, te Aku PUANG, Kapenombammi.

KOLOSE 1:22

apa totemo mangkamokomi Napasikaelo diona kamateanNa lan kale tolinoNa, la umpopennolo maserokomi sia tae’ attanganmi sia sayuammi dio oloNa Puang Matua,

EFESUS 4:24

ammi angkaran kedo ba’ru, tu dipadadi situru’ pa’poraianNa Puang Matua lan kamaloloan sia kamaseroan tongan.

PA’PUDIAN 17:15

Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

1 PETRUS 2:5

la susi dukakomi batu tuo dibangun mendadi misa’ banua mempenaa sia kombongan masallo’na tominaa, dikua ammi pemalaran pesuru’ mempenaa, tu Naporai Puang Matua belanna Yesu Kristus.

PA’PUDIAN 119:75

Kuissan, o PUANG, kumua mintu’ pangra’ta’Mi malolo nasang. Sia tete dio kamarurusamMi ammi pa’dikkimo’.

BATING 3:33

Belanna tangia lalan penaanNa Napandasai sia Naparossoi tu mai ma’rupa tau.

IBRANI 12:14

Ula’i tu kasikaeloan lako mintu’ tau na kadipamaseroan, na iake tae’i tu kadipamaseroan, tae’ duka misa’ tau untiro lindo Puang.

RUT 1:3

Matemi tu Elimelekh, muanena Naomi, anna torro te baine iate sola anakna muane da’dua.