IBRANI 11:25 - Sura' Madatu

²⁵ napola’biran ia dipakario-rio sola taunNa Puang Matua, ke la umposende sangattu’mira kasolleranna kasalan;

IBRANI 11:25 Referans Kwoze

PA’PUDIAN 84:10

O Puang Matua, balulang toto’ki, tiroi sia mantai tu rupanna to ditokkoMi.

2 KORINTUS 5:17

Iamoto iake denni misa’ tau tuo lan Kristus, iamo pa’padadi ba’ru; iatu mai apa malaun pa’demo; na tonganna dipopendadi ba’rumo.

AYUB 36:21

Kanandai, da milulako kakadakean, belanna iamo napobannang to narampoikomi kamandasan.

KADA OMBO’ LAKO RASULU’ YOHANES 18:7

Tumba tu kaumpamadoanna kalena sia kasolleranna, pada dukato tu kamaparrisan sia tangi’ la mibenni, belanna nakua lan penaanna: Unnisungna’ susi datu baine; tangiana’ to balu, sia inang tae’ angku la sitiro katumangiran.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

1 PETRUS 2:10

iamotu kamu dolona tangia taunNa, apa totemo taunNamo Puang Matua; tu dolona tang unnappa’ kamamasean, apa totemo te dikamaseimo.

YAKOBUS 5:5

Mangkamokomi tuo ma’pemammi’ lan te lino, sia masua’ kumande; umpelompoi bangpokomi kalemi, naallo pa’reresammo.

YAKOBUS 1:20

Belanna iatu kasengkeanna tolino tae’ naumpabu’tu kamaloloan Natuntun Puang Matua.

IBRANI 11:37

Sia ditumbui batu, sia digare’ge’, sia diroso, sia mate dipongko pa’dang, sia salamba-salao ma’tamangkale balulang domba sia balulang bembe’, nakapu’duran sia dipakario-rio sia dipakitai pa’di’.

IBRANI 10:32

Apa kilalai tonna dolona, tonna dipemasiangimo tu penaammi, mipengkullei tonganni umpatanan penaammi lan parri’ paria;

IBRANI 4:9

Iake susito tontong ia tu misa’ kapelayoan allo katorroan lako taunNa Puang Matua.

2 TIMOTIUS 1:8

Iamoto da mumasiri’ umpa’peissananni tu diona Puangta, sia da mupomasiri’i tu diona aku te dirante bassi, sangadinna la pada-padako umperasai kamaparrisan tu belanna Kareba-kaparannuan situru’ kamatotoran dio mai Puang Matua.

KOLOSE 1:24

Totemo parannuna’ diona te kamaparrisan kuperasai belanna kamu, sia kupaganna’ lan kaleku tu tang ganna’na pa mintu’ kamaparrisanNa Kristus, belanna batang kaleNa, iamotu kombongan.

ROMA 5:3

Apa tangia manna to, sangadinna la ussattuan dukaki’ kamaparrisan, belanna taissan kumua iatu kamaparrisan umpabu’tu penaa kalebu,

LUKAS 16:25

Apa nakua Abraham: E anakku, kilalai tommu tuopa mangkamoko unnala kataanan melomu, susi duka tu Lazarus mangkamo unnalai tu kadakena, apa totemo iamo dipakatana, natang mutananmo iko tu parri’mu.

MATIUS 13:21

apa tae’ namennuaka’ lan penaanna, sangadinna sattu’ri, nanii mananna’. Ianna sae peroso ba’tu pa’pakario-rio tu diona kada iato, ta’pa napamo’dongmi tu penaanna.

YESAYA 21:4

Ma’bara-bara tongan tu penaangku sia narampoina’ taku’; napopembalianna’ kamatakuran tu ulu karoen kukamali’.

PA’PUDIAN 47:9

Puang Matua umparentai tu mintu’ bangsa, sia Puang Matua unnisungi isungan kapayungan maindanNa.

DANIEL 3:18

Apa iake susinna tae’ Nabelai la miissan, e datu, kumua tae’ kila umpakarayai tu mai deatammi sia umpenombai tu rapang-rapang dipodeata bulaan, tu mangka mipabendan.

PENGGAURANNA RASULU’ 7:34

Kutiro tonganmo tu kadipakario-rioanna taungKu dio Mesir, sia Kurangi tu sarrona, angKu mengkalao la urrampananni; dadi totemo maimoko, la Kusuamoko lako Mesir.