IBRANI 10:36 - Sura' Madatu

³⁶ Belanna sipato’komi unnampui kabantangan penaa, dikua anna iake mangkamokomi umpogau’i tu pa’poraianNa Puang Matua, ammi appa’i tu apa diallu’.

IBRANI 10:36 Referans Kwoze

IBRANI 12:1

Iamoto belanna napatama limbuki’ pada budanna to titanan sa’bi makamban susi gaun, dadi la talendokan tu mintu’ magasanna, sia kasalan tu maraa ussalembe’ki’ sia la taparri-parri ma’dondo lan kapassilomban dipapatuangki’,

PA’PUDIAN 37:7

Parapa’i tu penaammu dio oloNa PUANG sia tayanNi; da mukaredei tu to maupa’ lalanna, sia iatu umpalolang tangnga’ kelok.

1 KORINTUS 13:7

Nasamboi nasang tu mintu’na sia napatongan nasang tu mintu’na, sia narannuan nasang tu mintu’na sia napama’tanan nasang penaa tu mintu’na.

LUKAS 21:19

ke umpatontong bangkomi penaammi, ungkarimmanni katuoammi.

IBRANI 6:15

Nasusito tonna mangka umpeagi ma’tan penaai, naappa’mi tu pangallu’ iato.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

KADA OMBO’ LAKO RASULU’ YOHANES 14:12

Lan mintu’na te sipatu mintu’ to masallo’ umpa’pekitanan kabattaran, iamotu to ungkaritutui mintu’ parentaNa Puang Matua, sia kapatonganan lako Yesu.

1 YOHANES 2:17

Lino iate la lanna’ sola mintu’ kamaballoanna, apa iatu to umpogau’ pa’poraianNa Puang Matua tontong sae lakona.

GALATIA 6:9

Da tamasorro umpogau’ melo, belanna la tapeburai duka ke attunna ke tae’i tamalilu.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

KOLOSE 1:11

Anna mintu’ kamatotoran dipamatotorangkomi situru’ tu kuasa kamala’biranNa lako kabattaran penaa sia pesuka’ kalando situang kaparannuan,

ROMA 8:25

Apa iake urrannuangki’ apa tang mempayan lako kaleta, batta’ penaanta umpeagii.

IBRANI 9:15

Iamora bannangnato anna Ia mendadi Toparitangngana basse ba’ru, kumua anna iatu to ditambai ma’din unnappa’ mana’ matontongan tu mangka dialluranni, tonna rampoi kamatean Napangla’bakan kasalan tu napogau’ to naluang basse dolo.

KOLOSE 3:24

apa miissan kumua dio mai Puang la minii untarimai tu mana’, pakkanna lako kalemi. Belanna kaunankomi lako Puang Kristus.

IBRANI 13:21

anna Iamora umpasakka’komi lan mintu’ melona, ammi pogau’i tu pa’poraianNa; sia Ia dukamora umpadenni lan kaleta tu Naporainna tete dio Yesu Kristus. Lu lako Kalena tu kamala’biran tontong sae lakona! Amin.

IBRANI 6:12

dikua da ammi matukkun, sangadinna la unturu’komi sangka’na tu mai to umpomana’ mintu’ tu Naallu’na Puang Matua belanna kapatongananna sia kama’tanan penaanna.

EFESUS 6:6

da ammi susito belo puduk, butung to ussede tau, sangadinna susikomi taunNa Kristus masorok penaanna umpogau’ pa’poraianNa Puang Matua,

ROMA 12:2

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

KADA OMBO’ LAKO RASULU’ YOHANES 13:10

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

1 PETRUS 1:9

belanna milambi’ tu patunna kapatonganammi, iamora tu kamakarimmananna deatammi.

IBRANI 6:17

Iannamorato, belanna morai tongan tu Puang Matua umpapayan katanglelukanNa lalan penaanNa lako mintu’ to umpomana’ pangallu’, Naarra’imi sumpa,

KOLOSE 4:12

Salama’na Epafras mati’ kalemi, iamo misa’ sangtondokmi sia taunNa Kristus, tu tontong mengkulle umpassambayangangkomi, kumua ammi bantang sia matakko sia unnampui kamanassan lan mintu’ pa’poraianNa Puang Matua.

PENGGAURANNA RASULU’ 13:22

Iatonna sayumi Puang Matua, Napabendanan pole’mi tu Daud la napodatu; Napamanassami diona Daud, sia Nakua: Kukabu’tuimo tu Daud, anakna Isai, iamoto naala penaangKu, iamo la umpogau’ mintu’ pa’poraiangKu.

YOHANES 7:17

Iake den tau morai umpogau’ pa’poraianNa Puang Matua, la natandai te pangadaran iate, kumua lu dioraka mai Puang Matua, ba’tu tuo lu dio bangraka mai Kaleku.

LUKAS 8:15

Na iatu lu rokkona padang lunak, iamotu tau, ianna rangimi tu kada, napalanmi penaa matoto’na sia penaa malolona sia napatontong namembua melo.

MATIUS 21:31

Mindannara tinde pia sola duai tu umpogau’ pa’poraianna ambe’na? Nakuami tinde tau: Iamo ia tu undinna. Nakuami Yesu lako tinde tau: Tonganna tongan Kukua mati’, kumua moi passima sia baine sala’kedo nadoloi dukakomi tama ParentaNa Puang Matua.

MATIUS 12:50

Belanna minda-minda tu umpogau’ pa’poraianNa Ambe’Ku dao suruga, iamoto tu siulu’Ku muane sia anak darangKu sia indo’Ku.

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

PA’PUDIAN 40:1

Lu lakona pangala sengo. Misa’ pa’pudian natono’ Daud.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

PENGGAURANNA RASULU’ 13:36

Belanna iatonna mangkamo Daud umpogau’ pa’poraianNa Puang Matua tonna linona, matemi anna dipeliang dio sa’dena nene’ to dolona, naburuk.

MARKUS 3:35

Belanna minda-minda tu umpogau’ pa’poraianNa Puang Matua iamoto tu siulu’Ku muane sia anak darangKu sia indo’Ku.

ROMA 12:12

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

IBRANI 11:39

Na mintu’ tau iato, moi anna dipokada melo tu sanganna belanna kapatongananna, apa iatu apa dialluranni tae’pa anna appa’i.