IBRANI 1:10 - Sura' Madatu

¹⁰ Nakuapa: Kamumo, o Puang, tonna tipamulanna umparandanganni te lino sia iatu langi’ panggaraga limamMi;

IBRANI 1:10 Referans Kwoze

KADADIAN 1:1

Iatonna tipamulanna, Napadadii Puang Matua tu langi’ sola lino.

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

YESAYA 48:13

Sia limangKu duka mangka umparandanganni tu lino sia lima kanangKu umpalumbangi tu mai langi’, iake Kutambai, ma’dio ren nasangmi.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

ZAKHARIA 12:1

Inde sia tu kada Napa’petanggungan Puang Matua, iamotu kadanNa PUANG diona Israel. Susite tu kadanNa PUANG, tu umballa’ langi’ sia umparandanganni lino sia ungkombong penaanna tolino lan ba’tengna.

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

YESAYA 51:13

Ammu kalupai tu PUANG, To tumampamu, tu umpalumbang langi’ sia umparandanganni lino, ammu tontong bang tu’tu’ allo ungkataku’ kamasarranganna to ma’pakario-rio, ke tumayai la pasanggangi? Umbamira tu kamasarranganna to ma’pakario-rio?

SARAMBU PEADA’ 8:29

sia iatonNa pantokki tu mintu’ anggenna tasik, kumua da nalendai uai iato tu pepasanNa, tonNa pamanassai tu mintu’ parandanganna te lino,

KADA OMBO’ LAKO RASULU’ YOHANES 3:14

Surasanni malaeka’ kombongan Laodikia susite: Iamote tu kada lu dio mai Puang tu disanga Amin, iamo sa’bi maruru’ sia tongan, pamulanna mintu’ pa’padadinNa Puang Matua.

PA’PUDIAN 19:1

Lu lakona pangala sengo. Pa’pudianna Daud.

PA’TOLE 4:19

Sia da duka mumentingara langngan langi’ sia mentiro langngan mata allo sia bulan na bintoen, iamotu mintu’ ma’dandan maritik dao langi’ sia da nanaranko la umpenombai sia umpengkaolai, tu Nataai PUANG, Kapenombammu, lako mintu’ bangsa nasambo langi’ –

YESAYA 40:12

Mindamora ussuka’i pala’na tu uai sia mindamora undangkanni limanna tu langi’ sia ungkararoi tu barra’-barra’ lan lino sia untimbangi dating tu mintu’ buntu sia umpalangnganni timbangan tu mai tanete?

YESAYA 51:6

Mentingarakomi langngan langi’, sia mentirokomi rokko kuli’na padang; belanna iatu langi’ la pa’de poton susi rambu sia iatu lino la buruk susi tamangkale sia iatu mai to untorroi, mate susi kasisi’; apa iatu kasalamaran lu dio mai Kaleku tontong sae lakona, sia iatu kamaloloangKu tae’ nala disanggang.

IBRANI 12:27

Iatu kada pissanpa umpatu kadipopembalianna mintu’ apa tibendon, iamotu apa dipadadi, kumua anna tontong tu tang tibendonna.