8 Iatu to ma’kampana Efraim dio oloNa Kapenombangku, iamo nabi – misa’ poyana to ma’poya dio mintu’ lalanna, sia kamabirisan lan banuanNa Kapenombanna.
Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.
Iatu melona dio lu tau iato mai susi bang to duri na iatu ma’bulo sanglampana mandu kadake na rompo pondan. La rampo tu allona to ma’kampamu, sia ukungammu! Attu iato la narampoi kamagiangan tu tau iato mai.
E Yerusalem, Kupadaomo bentengmu tu pa’kampa, tu tang la ma’pakappa allo bongi tontong sae lakona. E kamu, tu umpakilalanna PUANG, da mimengkata’ka’len.
Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.
Iakenna tae’ Kupogau’i dio tingayona tu penggauran tae’ bangpa to senga’ misa’ duka umpogau’i tae’ra nala kasalan tu tau iatu mati’; apa totemo natiromo, anna kabiri’Na’ sola Ambe’Ku.
E ma’rupa tau, iatu iko Kuangka’moko to ma’kampana to Israel: Iammu rangi kada sun dio randan dipudukKu, la mupakilala tu tau iato mai tete dio sangangKu.
Iatu iannato buntu tumangna kasalanna tu mai nabinna, sia kakadakeanna tu mai to minaanna, tu mangka umpatibollo rarana to malambu’ lan tangnga-tangngana Yerusalem.
Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.
Kukuami: A’a Puangta PUANG tonganna ma’kada tu mintu’ nabi lako tau iato mai, nakua: tae’ mila untiro pa’dang sia tae’ nala urrampoikomi karorian, sangadinna karapasan tontong la Kukamaseangkomi lan inan iate.
Den pissan nadilamun tu misa’ tau, pakalan natiromi tau iato mai tu sangtuntunan tau; napembuangammi tinde to mate tama liangna Elisa, anna male mallai. Iatonna rumbumi tu batang rabukna Elisa, tuomi sule, anna malimbangun bendan.
Apa mebali tu kamandang lako taunNa Puang Matua nakua: Moi Napadadi PUANG tu pentiroan dao langi’, umba nakua la dadi tu iannato? Apa nakua tu Elisa: Manassa la natiro matammu, apa tae’ mukande lenni.
Apa mebali tu kamandang, tu nanii datu sissare takia’na, lako taunNa Puang Matua, nakua: Moi Napadadi PUANG tu pentiroan dao langi’, umba nakua la dadi tu iannato? Apa nakua tu Elisa: Manassa la natiro matammu, apa tae’ mukande lenni.
Iamoto, iatu golenna Naaman la le’ke’ lako kalemu sia lako ampo bati’mu sae lakona. Iatonna soro’mo tu Gehazi dio mai kalena, golenanmi, mabusa susi ambun makko.
Iamoto malemi rokko sia unnukkun pempitu diong salu Yordan, susitu kadanna taunNa Puang Matua; mondomi sule tu kalena susito kalena misa’ pia mangura sia maseromo.
Nakuami tu taunna: Umbara la kukua umpalenna’i te lako muane saratu’? Ma’kadami tu Elisa nakua: Ben bangmi te mai to buda anna kandei. Belanna inde sia tu kadanNa PUANG Nakua: La nakande tau, anna denpa sesanna.
Apa ma’kada tu Elisa nakua: Alai tu ta’pung. Napatamami kurin tu ta’pung, nakua: Totemo palennaranmi te tau buda anna kandei. Moi misa’ tae’mora kadakena lan tu kurin.
Tassu’mi tu Elisa namale lako to’ kalimbuang, nabuangi tu sia tama nama’kada nakua: Inde sia tu kadanNa, PUANG: La Kupamelo te uai iate, tae’mo nala umpaden kamatean sia katangmemba’karan.
Naalami tu bayu lamba’na Elia, tu rondon dio mai kalena, anna sambakki tu uai sia metamba nakua: Umbara tu PUANG, Kapenombanna Elia, manassa iamo Ia? Nasambakkimi tu uai anna tipa’dua lu rekke sia lu sau’, anna ma’din ullambanni Elisa lian.
Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang Nakua: Manassa la munaran sia mubela umpogau’i to; malemoko, mupogau’i.
Iatu Zedekia, anakna Kenaana, mangkamo unggaragan kalena tanduk bassi, anna ma’kada nakua: Inde sia tu kadanNa PUANG: Tete dio te apa iate la miserokanni tu Aram sae lako misabu’ina nasang tu tau iato mai.
Napasipulungmi datu to Israel tu mai nabi, agi-agi a’pa’ ratu’ tau, anna mekutana lako tau iato mai, nakua: La laoraka kurarii tu Ramot dio Gilead, da’i bangmiraka to? Mebalimi tu tau iato mai nakua: Laomokomi, belanna la Nasorong PUANG tu kota iato tama limanna datu.
Totemo suai tu tau umpasirampun mintu’ to Israel langngan buntu Karmel lako kaleku, sia nabi Baal a’pa’ ratu’ llimangpulo sola nabi Asyera a’pa’ratu’ tu biasa kumande dio medana Izebel.
Iatonna masai allomo lan taun ma’pentallunna, rampomi tu kadanNa PUANG lako Elia, nakua: Maleko umpa’petiroan kalemu lako Ahab, belanna la Kupasaemo tu uran dao te kuli’na padang.
Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.
Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.
Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.
Iatu aku susina’ anak domba tang paissan, tu direnden la ditunu sia tae’ kutandai tu kasipakulu-kuluanna tau iato mai la unneana’, tu ma’kada nakua: Maikomi tasanggangi tu kayu iato sola buanna, melo ke tasabu’i lan mai tondok to tuo, damo nakilalai tau tu sanganna.