HOSEA 9:7 - Sura' Madatu

⁷ Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

HOSEA 9:7 Referans Kwoze

MIKHA 7:4

Iatu melona dio lu tau iato mai susi bang to duri na iatu ma’bulo sanglampana mandu kadake na rompo pondan. La rampo tu allona to ma’kampamu, sia ukungammu! Attu iato la narampoi kamagiangan tu tau iato mai.

2 DATU 9:11

Iatonna tassu’mo Yehu lako tu naninna taunna puangna, ma’kadami misa’ tu tau iato mai lako nakua: Manaman siarokoka? Ma’aparika na iate to bomboan sae umpellambi’iko? Mebalimi lako tau iato mai nakua: Inang mitandaimo tu tau susito sia buangan kadanna.

MARKUS 3:21

Iatonna rangimi sangdadianNa tu iannato, sunmi la unnalai, belanna nakua: katama-taman.

YEHEZKIEL 13:3

Inde sia tu kadanNa Puangta PUANG Nakua: Upu’ allona tu mai nabi baga, tu unturu’ tanan penaanna kalena, moi natae’ apa natiro. –

BATING 2:14

Iatu nabimmu untiroangko patiro mendeata tu apa tae’ gai’na sia tae’ patunna, tae’ natuarasangko tu kakadakeammu la undampai tu dalle’mu, untiroangko patiro mendeata, tu tae’ gai’na sia ma’pakena bang.

YEREMIA 10:15

Mintu’nato tae’ gai’na sia misa’ panggaraga pa’popetaa; iake narampoi ukungan, sabu’mi.

YESAYA 10:3

Apa apara la mipogau’, ke allo kadiukungan sia ke naruakomi kasanggangan bu’tu mambela? Mindara la minii mallai umpalaku pa’tunduan sia umbara la minii umpalumpunni meloi tu kamala’birammi?

2 KORINTUS 5:13

Belanna iake butungkan to katamataman, napomala’bi’ Puang Matua, apa iake malinokan mipomaupa’.

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

YEHEZKIEL 13:10

Belanna, ondongpi belanna napapusa tu taungKu nakua: Marampa’!, na inang tae’ tu kamarampasan, iake umbangunni misa’ rinding tembo’ nasapu’ kapu’;

YEREMIA 29:26

Mangkamoko Naangka’ PUANG dadi to minaa ussonda to minaa Yoyada, ammu dadi to ma’kampa lan banuanNa PUANG la ungkampai mintu’ to katama-taman sia tu lolang susi nabi, ammu sangkalai sia pangkai bassi.

KADA OMBO’ LAKO RASULU’ YOHANES 16:19

Na tondok kapua iato piak tipa’tallu, sia ro’pok tu tondokna mintu’ bangsa, sia iatu tondok Babel kapua iato tae’ anna dikalupai dio oloNa Puang Matua, naurungan diben irusan uai anggoro’, iamotu kamaparranganna kasengkeanNa.

ZEFANYA 3:4

Mintu’ nabinna ma’kada punala bang, iamoto ma’gau’ tang maruru’; iatu to minaanna urruttakki mintu’ apa maindan sia ullullu’ Sukaran aluk.

AMOS 8:2

Ma’kadami tu Puang, Nakua: Apara mutiro, e Amos? Mebalimo’, kukua: Den misa’ baka ponno bua matasak. Ma’kadami tu PUANG lako kaleku, Nakua: Nalambi’mo tu ma’katampakanna Israel, taungKu, Tae’mo Kula ullendu’i lenni.

HOSEA 9:8

Iatu to ma’kampana Efraim dio oloNa Kapenombangku, iamo nabi – misa’ poyana to ma’poya dio mintu’ lalanna, sia kamabirisan lan banuanNa Kapenombanna.

YEHEZKIEL 38:23

La Kupasombo tu Kaleku, kumua pasareongan sia madatu sia umpa’petandan Kaleku lako buda bangsa anna tandai, kumua Akumo tu PUANG.

YEHEZKIEL 25:17

La Kuparampoi pepakkan metakuran sola ukungan mapannang tu tau iato mai. Anna tandai, kumua Akumo tu PUANG, ke Kuparampoi pepakkanKu.

YEREMIA 46:21

Sia mintu’ surodadu disaroi dio lu tau iato mai susitu anak sapi maloppok, apa tau iato mai memboko’, anna mallai sola nasang sia tang naatta tumanan, belanna narampoimo allo kamandasanna, iamotu allo kadiukunganna.

YEREMIA 16:18

Iamoto la dolo Kupabala’i penduan tu kakadakeanna sia kasalanna tau iato mai, belanna naruttakkimo batang rabuk megallianna sia megi’giranna tu tondokKu sia napasitutu’i apa iato tu mana’Ku.

YEREMIA 11:23

sia moi misa’ tae’mo la torro tu tau iato mai; belanna iake taun kadiukungannamo, Aku la umparampoi kasanggangan tu to Anatot iato.

YEREMIA 8:11

Iatu bangkena anakna baine taungKu samaraa-raanna nadampi, nakua: Marampa’, marampa’! Apa tae’ tu kamarampasan dio.

YEREMIA 6:14

Iatu bangkena taungKu samaraa-raanna nadampi, nakua: Marampa’-marampa’! Apa tae’ tu kamarampasan dio!

YESAYA 44:25

Akumo tu undampa tanda-tandana to untannun kamo’rangan sia Aku dukamo tu umpatolle mintu’ to pakita-kita; mintu’ to paissan Kupamaling sia iatu kapaissananna baga.

YESAYA 34:8

Belanna Naparampomo PUANG tu attu pa’pabala’ sia taun pa’pakkan la urra’ta’ kara-karana Sion.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

YEREMIA 23:13

Tonganna Kutiro tu apa umpa’dikki penaa dio lu mintu’ to minaa Samaria: iatu tau iato mai ma’nubua’ tete dio Baal sia umpapusa taungKu Israel.

YEREMIA 25:14

Belanna ia duka tu tau iato mai la napokaunan bangsa makuasa sia datu mala’bi’, susimoto la Kupapakkanni sitinaya mintu’ kedona sia penggauranna.

YEHEZKIEL 9:10

Iamoto tae’mo Kula ungkasayangi sia tae’mo Kula ungkatirinnai; la Kupasule langngan ulunna tu gau’na.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 5:9

La mempadang lo’bang tu Efraim, ke allo kadiukungan. La Kupa’peissanan tu apa mangka dipamanassa la urrampoi tu mintu’ suku Israel.