HOSEA 9:6 - Sura' Madatu

⁶ Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

HOSEA 9:6 Referans Kwoze

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

YESAYA 5:6

La Kupopempangala’ sia tae’ duka anna la dipetangkei sia la dibingkung, anna duri manna sola a’da’ tuo lan; la Kukuan duka tu salebu’ da anna pato’doi uran.

HOSEA 9:3

Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 7:16

Messaile sia tu tau iato mai, apa tae’ nalu langngan; butungi to misa’ pana disanga melo, apa tae’mo gai’na. Iatu mai arungna la tibambang nakande pa’dang natumang kada layukna. Dionamo to nanii tau ullo’boi lan lu tondok Mesir.

YESAYA 7:23

Sia la dadi dukato allo iato, kumua iato pa’lak nanii sangsa’bu garonto’ anggoro’ dolona, tu keangga’ sangsa’bu batunna salaka, la nanii duka tuo duri sia a’da’.

HOSEA 11:11

La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.

HOSEA 7:13

Upu’ allona tu tau iato mai, belanna male umboko’iNa’! Sumpu sumandakna, belanna sepangmo dio mai Kaleku. Moi mangkamo Kurampanan, tontong duka ma’kada mo’rang lako Kaleku.

YESAYA 34:13

Lan mintu’ tongkonan layukna natuoi duri sia lan mintu’ tambakukunna den lelating sia a’da’; mintu’nato nanii torro serigala sia padang pa’porianna burung unta.

YESAYA 32:13

sia belanna pa’lakna taungKu tu natuoi duri sia a’da’ sia belanna mintu’ banua nanii pa’maruasan lan tondok sode-sodena.

YESAYA 27:12

Attu iato la manglullu’ tu PUANG randuk dio mai Salu kapua landa’ lako salu Mesir; apa iatu kamu e to Israel, la Naruruk simisa’komi.

YESAYA 19:13

Dipabagamo tu mai arungna Zoan, salingmo tu mai arungna Nof; mintu’ tu mai tedong pariu’na lembangna umpapusamo to Mesir.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

SARAMBU PEADA’ 24:31

Manassa pa’lak iato nasitutu’i duri sia nasamboi riu, sia iatu rinding tembo’na puramo tuan.

PA’PUDIAN 107:34

Sia padang lompo Napopempadang ma’sin, natumang kakadakeanna to umpa’tondokki.

2 DATU 13:7

Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

1 SAMUEL 13:6

Iatonna tiromi to Israel lan kamasussan sia kapussakammo tu to buda, membunimi tu to buda lan lu lo’ko’ sia lan lu sapak batu sia dao lu buntu batu sia diong lu garuang sia diong lu bubun marangke.

YEREMIA 2:16

Sia iatu kararo ulunna naku’ku’i nasangmo to Memfis sia to Tahpanhes.

YEREMIA 42:22

Iamoto la miissan tongan, kumua la matekomi nakande pa’dang sia karorian sia ra’ba biang dio to’ inan miporai minii male mentiruran dio.

YEREMIA 44:1

Iatu kada urrampoi Yeremia la dipokadan mintu’ to Yehuda, tu torro dio tana Mesir, iamotu dio lu Migdol, dio Tahpanhes, dio Memfis sia dio lu lili’na Patros, nakua:

YEREMIA 46:14

Pa’peissananni lan lu mintu’ Mesir, patale’i dio Migdol, sia patale’ dukai dio Memfis sia Tahpanhes, kumua: ma’pampangangko ammu tumanan, belanna kumandemo tu pa’dang tiku lao.

YEREMIA 46:19

Ma’parandanko, belanna la dipali’ko, e to ma’tondok, e anakna baine Mesir, belanna la mempadang lo’bang tu Memfis sia la disanggang, naurungan moi misa’ tau tae’mo la torro lan.

YEHEZKIEL 30:13

Inde sia tu kadanNa Puangta PUANG, Nakua: Manassa la Kusanggang tu mintu’ rapang-rapang dipodeata sia Kuputtai tu kapenomban tang tongan dio mai Memfis; sia tae’mo tu to Mesir la dadi arung. Sia la Kuparampoi kamatakuran tu tondok Mesir,

YEHEZKIEL 30:16

La Kupadukkui api tu Mesir, sia la ma’parondo tongan tu Sin; na iatu Tebe la dipoka-poka; na iatu Nof la nalaoi ualinna, ke allo!

HOSEA 2:6

Sia la undi unnula’i tu to nasigau’-salan, apa tae’ nalambi’i; nadaka’, apa tae’ naapparanni. Undinna la ma’kada nakua: La moraina’ male angku sule lako muane doloku, belanna iatu dolona mandu melo na iate totemona.

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

ZEFANYA 1:11

Tumangi’komi, e kamu to untorroi Issong batu, belanna iatu mintu’ to ma’balili sanggang sia mintu’ to untimbang doi’ dipisanni.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

YEREMIA 44:12

La Kupisanni tu mintu’ to Yehuda torronapa tu mentingo la male lako tondok Mesir la mentiruran dio, sia la sanggang nasang dio tondok Mesir; iatu tau iato mai la tibambang nakande pa’dang sia nasanggang karorian; la to bitti’ la kapua la mate nakande pa’dang sia la dadi misa’ tampakan ropu sia apa metakuran sia sapuan pala’ sia kaditattan.

YEREMIA 44:13

Manassa la Kuukung tu tau iato mai tu torro lan tondok Mesir, susitu Yerusalem mangkamo Kuparampoi kandean pa’dang, karorian sia ra’ba biang.