HOSEA 9:13 - Sura' Madatu

¹³ Iatu Efraim, susitu mangka Kutiro, butung Tirus, tu ditanan lan misa’ pa’lak; apa totemo inang la nasorong Efraim tu anakna lako to papatean.

HOSEA 9:13 Referans Kwoze

YEHEZKIEL 27:3

sia ma’kadako lako Tirus, tu dio babangan tama tasik, tu sipa’balukan mintu’ bangsa ma’biring tasik; kumua: Inde sia tu kadanNa Puangta PUANG, Nakua: E Tirus, mutangnga’ kumua: Sundun tongan balloku.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

HOSEA 10:14

Iamoto anna dadi tu kamarukkan unnea bangsamu, sia la disanggang tu mintu’ kota bentengmu, susi Salman ussanggang Bet-Arbel, tonna bendan kasirarian, tonna pessambakanni tu indo’ sola anakna.

HOSEA 9:16

Iatu Efraim dipandasamo sia marangkemo tu daka’na; tae’mo anna la membua. Ianna la kianakpa, manassa la Kupatei tu sun dikalena tu napakaboro’.

YEREMIA 9:21

Iatu mammaran mata menteka’mo tama pentiroangki, sia tarru’mo tama tongkonan layukki, sia ummangsanni pia dio lu lalan, sia to mangura dio lu padang;

2 DATU 15:16

Attu iato nataloi Menahem tu tondok Tifsah, anna pongkoi tu mintu’ pa’tondokan sia iatu mai to lan lili’na randuk dio mai Tirza, belanna tae’ nabungkaranni babangan. Iamoto napongkoi tu tau iato mai sia naballak tu tambukna mintu’ baine ma’tambuk.

YEREMIA 7:15

sia la Kusualekomi dio mai oloKu, susitu mintu’ siulu’mi Kusuale, iamotu mai bati’na Efraim.

AYUB 27:14

Iake samemba’ka-ba’ka’nai tu anakna iamo kandena pa’dang, sia iatu bati’na tang napedia’i kande;

BATING 2:22

Susito la lao lako allo pa’maruasan Mitambai nasang tu apa umpatirambanna’ tiku lao; iatonna allo kasengkeanNa PUANG tae’ bang misa’ tau lussu’, sia tae’ bang misa’ torro mana’pa. Iatu mai pia’-pia’ kudaranai sia kupelobo’i, nasabu’i nasangmo ualingku.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.