HOSEA 9:12 - Sura' Madatu

¹² Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

HOSEA 9:12 Referans Kwoze

HOSEA 7:13

Upu’ allona tu tau iato mai, belanna male umboko’iNa’! Sumpu sumandakna, belanna sepangmo dio mai Kaleku. Moi mangkamo Kurampanan, tontong duka ma’kada mo’rang lako Kaleku.

HOSEA 9:16

Iatu Efraim dipandasamo sia marangkemo tu daka’na; tae’mo anna la membua. Ianna la kianakpa, manassa la Kupatei tu sun dikalena tu napakaboro’.

PA’TOLE 32:25

Dio salian banua la kumande tu pa’dang, sia lan inan nanii katirambanan, urrampoi tu pia muane, anak dara, pia sumusu sia to ubanan.

PA’TOLE 31:17

Allo iato la re’dek ara’Ku unta’pai, angKu boko’i sia Kubunian lindoKu, anna pisan tu tau iato sia buda kamandasan sia kapussakan urrampoi. Allo iato la ma’kada nakua: Tangiaraka napobannang to tu kamandasan urrampoiki’, belanna tae’ tu Kapenombanta tasisolan?

HOSEA 9:13

Iatu Efraim, susitu mangka Kutiro, butung Tirus, tu ditanan lan misa’ pa’lak; apa totemo inang la nasorong Efraim tu anakna lako to papatean.

BATING 2:20

O PUANG, tiroi sia pemarangai! Mindara tu Mipasusito? Sipaturaka tu baine ungkande anakna, iamotu pia naria? Sipaturaka lan inan maindanNa Puang dipatei tu to minaa sia nabi?

YEREMIA 15:7

Tonganna Aku unta’pii barang tu tau iato mai lan mintu’ babangan tondok; Aku umpasisayuranni anak, sia ummangsanni tu taungKu. Apa tae’ duka natibalik tu tau iato mai dio mai lalanna.

AYUB 27:14

Iake samemba’ka-ba’ka’nai tu anakna iamo kandena pa’dang, sia iatu bati’na tang napedia’i kande;

2 DATU 17:23

sae lako attu Nanii PUANG umpatoyang to Israel dio mai oloNa, susitu mangkamo Napokada nalopian mintu’ taunNa, iamotu mai nabi. Iamoto nadipali’ tu to Israel dio mai tondokna lako tondok Asyur sae lako allo totemo.

2 DATU 17:18

Iamoto anna mandu tu kare’dekanna ara’Na PUANG lako to Israel, naurungan Napatoyang tu tau iato mai dio mai oloNa; tae’ bangmo tinampe sangadi to ma’suku Yehuda mannamo.

1 SAMUEL 16:14

Toyangmi tu PenaanNa PUANG dio mai Saul sia misa’ penaa kadake lu dio mai PUANG umpatigiang-giangi.

TO PARENGNGE’ 4:16

Naula’mi Barak tu mintu’ kareta sia surodadu sae lako Haroset-Hagoyim, na mintu’ surodadunna Sisera pura mate nakande pa’dang; moi misa’ tae’ napatorro.

PA’TOLE 28:32

Iatu anakmu muane sia anakmu baine la disorong lako bangsa senga’, anna iko kalena untiroi sia mukamali’ tu’tu’ allo, apa tang mukulle umpogau’ misa’ apa.

KADIBILANGAN 26:65

Belanna mangka Napokada PUANG diona tau iato Nakua: Tonganna la mate lan padang pangallaran. Nadio mai tau iato tae’mo tau tinampe sangadinna Kaleb, anakna Yefune na Yosua, anakna Nun.

YEREMIA 6:8

Eloranni tu kalemu dipa’dikki, e Yerusalem, da Kumessarak dio mai kalemu, da angKu padadiko padang talo sia tondok tang dipa’tondokki.

MALEAKHI 2:12

Kenna pisanniori PUANG tu to ma’gau’ susito lan mai tendana Yakub, sae lako bati’na sia moi umpemalaran pemala’ lako PUANGna mintu’ ma’dandan maritik.

KADIBILANGAN 14:34

Situru’ tu bilanganna allo minii umparessa bunii tu tondok, iamotu patangpulo allona, sangtaun ke sangallooi, ammi sisurung tu kakadakeammi lan patangpulo taunna, kumua, ammi issanni battuananna tu kamembokorangKu.

PA’TOLE 28:18

La tampakan ropu tu rianna pa’tambukammu, bura padangmu, anak sapimmu sia iatu mai anak dombamu sia bembe’mu.

BATING 2:22

Susito la lao lako allo pa’maruasan Mitambai nasang tu apa umpatirambanna’ tiku lao; iatonna allo kasengkeanNa PUANG tae’ bang misa’ tau lussu’, sia tae’ bang misa’ torro mana’pa. Iatu mai pia’-pia’ kudaranai sia kupelobo’i, nasabu’i nasangmo ualingku.