HOSEA 9:10 - Sura' Madatu

¹⁰ Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.

HOSEA 9:10 Referans Kwoze

HOSEA 4:14

Tae’ angKu la umpapakkanni tu gau’ salana tu mai anakmi baine sia tu pasandak salunna tu mai minintummi baine. Belanna ia kalena tu tau iato mai male senga’ ussolan baine bualang, sia umpennoloan pemala’ sola to ma’gau’ sala dio to’ dipa’deatainna. Susimo to tu bangsa tae’ inaanna manassa la sanggang.

YEREMIA 11:13

Belanna pada bilanganna tu mintu’ tondokmu, pada dukato tu mupa’deatainna, e to Yehuda, sia pada bilanganna tu mintu’ lalan lan Yerusalem, pada dukato tu inan pemalaran tu mipabendanan deata dipotattan, iamotu inan pemalaran tu minii umpennoloan pemala’ ditunu lako Baal.

MIKHA 7:1

Upu’ alloku, belanna iatu a’gangku susi ke attu pangalan bua, sia susi ke attu ungkatote bua anggoro’; moi sanglise’ bua anggoro’ tae’mo la dikande, ba’tu moi sanglise’ bua ara tae’ dukamo, tu kukaduangi.

HOSEA 2:15

La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

YEHEZKIEL 20:8

Apa nabali-baliNa’ sia noka umperangiiNa’; moi misa’ tae’ untibei tu apa megallian sia tae’ natampei tu rapang-rapang dipodeatanna to Mesir, Kuurungan untangnga’i la umbarrakan kare’dekan ara’Ku lako tau iato mai, sia umpaupu’ kasengkeangKu tu Kuparampoanni dio tondok Mesir.

AMOS 4:5

Padukkuanni api tu pemala’ pa’pudian dio mai roti diragii sia petambanni tu pemala’ tanning inaa sia pa’peissananni tu iannato! Belanna iamo pa’poraiammi to, e to Israel, kadanNa Puangta PUANG.

HOSEA 11:1

Iatonna piapa tu Israel, Kupakaboro’ sia Kutambai tu anakku dio mai Mesir.

YEREMIA 31:2

Nakua kadanNa PUANG: Iatu to tilendok dio mai pa’dang unnappa’ kamaturu-turuan lan padang pangallaran, iamotu to Israel tonna male lako inan kapelayoanna.

YEREMIA 5:31

Mintu’ nabi ma’nubua’ tang tongan sia mintu’ to minaa undi duka mesaro la’da’ sia mintu’ taungKu umporai tu iannato. Na apamora la mipogau’ ke katampakannai?

YESAYA 28:4

Na iatu bunga-bunga malayu, napobelo maramba’ dao ulunna lombok malompo masapi, la susi bua ara matasak dolo, ke tae’pi anna attu pebua-kayuan; natirona sia tau, ta’pa naala anna sussu’i.

PA’PUDIAN 81:12

Apa iatu taungKu noka umperangiiNa’, sia tae’ naporaiNa’ to Israel.

1 DATU 16:31

Iatu unturu’ kasalanna Yerobeam, anakna Nebat, maringnganpa, apa natompoi pole, belanna umpobaine Izebel, anakna Etbaal, datu to Sidon, sia male umpengkaolai Baal sia tukku umpenombai.

TO PARENGNGE’ 6:32

Allo iato iatu Gideon nasangaimi tau Yerubaal, belanna ma’kada tu tau nakua: Da’ito na Baalmora nasikara-karan, belanna narondonnimo tu inan pemalaranna.

PA’TOLE 32:17

tau iato mai memala’ lako deata masussuk, tu tangia kapenomban, lako kapenomban, tu tang natandai, iamotu kapenomban ba’ru, tu mane bu’tu, tu tae’ napotirambanni nene’ to dolomi.

PA’TOLE 32:10

Nakabu’tuimi lan padang pangallaran, lan padang lo’bang, tu nanii burungna padang aak. Ia ungkampai sia umpalan penaai, Ia ungkaduttu’i susito mata taunNa.

PA’TOLE 4:3

Matammi kalenamo untiroi apa tu mangka Napogau’ PUANG diona Baal-Peor, umba Nakua tu PUANG, Kapenombammi, ussanggangi dio mai bilangammi tu mintu’ muane menturu’ umpenombai Baal-Peor.

KADIBILANGAN 15:39

Iatu iannato la miporombe-rombe; iake mitiroi lako, la umpakilalakomi tu mintu’ pepasanNa PUANG ammi karitutui tang unturu’ tangnga’ bu’tu lan penaammi ba’tu pa’poraianna matammi, da midinaran la pasandak salu lako rampanan kapa’,

ROMA 6:21

Attu iato, apara buanna mikabu’tui? Iamotu apa mipomasiri’ totemo, belanna iatu ma’katampakanna kamatean bangsia.

PA’PUDIAN 115:8

Iatu to unggaragai to, la ten to apa iato, susi dukato tu to umposande’i.

YEREMIA 3:24

Belanna iatu ra’ta’na mintu’ nene’ to doloki puramo naampello’ kadibelleran randuk dio mai mangurangki, iamotu mintu’ dombana sia sapinna sia anakna muane sia baine.

YEREMIA 24:2

Lan tu bakku’ misa’na den bua ara tarru’ melo, susito bua ara dolo matasak, apa lan tu bakku’ misa’na den bua ara tarru’ kadake, tu lendu’ ia kadakena, naurunganni tang dikande.

HOSEA 4:18

Iake tae’mo namalango, umpogau’omi gau’ kadake tang untandai siri’. Iatu balulangna tau iato mai ungkamali’ tongan kamatunan.

KADIBILANGAN 18:13

Iatu bunga’ pealanna dio mai mintu’na bura padang, tu dipennoloan lako PUANG, la mupotaa; minda-minda masero tu to lan banuammu ma’din ungkandei.

2 DATU 17:11

Indeto dio, dao lu mintu’ inan madao, nanii memala’ tu tau iato mai, susi mintu’ bangsa tu Napali’ PUANG dio mai tingayona tau iato mai; napogau’mo tau iato mai tu apa kadake, tu umpa’dikki penaanNa PUANG.

PA’TENDENG BALLO 3:6

Apara ia tu sae dio mai padang aak, susito lentong rambu, ma’bau muru sia dupa sia mintu’ pebangki’ busarungngu’na to ma’balili?

YEREMIA 3:25

La malimungkukan mamma’ nakabu’ siri’ki sia nasamboikan kaditattangki, belanna kasalammokan lako PUANG, Kapenombangki la kami la mintu’ nene’ to doloki, randuk dio mai mangurangki sae lako allo iate sia tae’mo kiperangii tu gamaranNa PUANG, Kapenombangki.

HOSEA 13:5

Kutandaimoko lan padang pangallaran, lan padang mampu’.