HOSEA 8:8 - Sura' Madatu

⁸ Diampello’mo tu Israel. Totemo diomo lu mintu’ bangsa susi misa’ pareanan, tu moi misa’ tau tae’mo umporai.

HOSEA 8:8 Referans Kwoze

YEREMIA 22:28

Misa’raka kurin tesse tu nasayu tau te tau iate, iamotu Konya, ba’tu misa’ kandean litak tae’ gai’na? Ma’apai anna dipembassanan, la ia sia mintu’ repokna sia ditibe lako misa’ tondok tu tae’ natandai?

YEREMIA 51:34

Napepuraimo’ nakande Nebukadnezar, datu Babel, sia nasanggangna’ napatorrona’ susi kandean lo’bang; naampello’na’ susito a’ganna ula’ naga; napa’pediaran saponnona tambukna tu mai kande mammi’ku namane untumpuna’.

ROMA 9:22

Naumba nakua, ke Puang Matua, moi Nala umpa’pekitanan kasengkeanNa sia umpapayan kuasanNa, apa Napama’tanan tonganpa penaa tu apa nanii kasengkean, tu diparandanan kasanggangan.

YEHEZKIEL 36:3

Iamoto ma’nubua’ko sia ma’kadako kumua: Inde sia tu kadanNa Puangta PUANG, Nakua: Tonganna belanna nasanggangkomi sia nalullu’komi tau dio mai mintu’ sulapa’, kumua anna alakomi napomana’ mintu’ bangsa torronapa, sia belanna naulelean kadakekomi sia napalele bekokomi tau.

BATING 2:16

Napengangaimoko sadangna mintu’ ualimmu, ma’telle-telle tu tau iato mai sia singgarigi’-rigi’ isinna, anna ma’kada nakua: tasanggangimi. Ondong pissan iate allo iate iamo allo tapiang-piang, talambi’mo sia tatiromo.

BATING 2:5

Iatu Puang susimo misa’ uali. Naampello’mo tu to Israel, mintu’ tongkonan layukna Nasanggangmo, mintu’ tambakukunna Natuanmo, sia Napamakambanmo tu sarrona sia dallo riona lako anak dara Yehuda.

BATING 2:2

Nasanggangi nasangmo Puang tu padangna Yakub, moi misa’ tae’ Nakatirinnai. Diona kare’dekanna ara’Na, Natuanni tu tambakukunna anak dara Yehuda; Natua’mo rokko padang, sia Napakasarembangan tu kadatuan sola mintu’ arungna.

YEREMIA 50:17

Iatu Israel butung to misa’ domba dipakasingkiran, tu naula’ ba’tu pira-pira singa. Pamulanna naampello’ datu Asyur, ma’katampakanna totemo iatu bukunna nale’to-le’to Nebukadnezar, datu Babel.

YEREMIA 48:38

Dao mintu’ bubungan banua Moab sia lan lu mintu’ pasa’na sisumarroan tu mai tau, belanna Kusanggangmo tu Moab susi pareanan litak, tu tang naporaimo tau, kadanNa PUANG.

YESAYA 30:14

Sia tu ditesse susito unnisak-nisak balubu situang katangmamasean, na dio mai tu mintu’ tessena moi sangti’pek bibang tae’ dukamo la dipangalai roya api lan mai dapo’ ba’tu dipa’timban uai diong mai limbong.

2 DATU 18:11

Napali’mi datu Asyur tu to Israel lako Asyur sia nabaa lako Halah, sia lako biring salu Habor, iamotu salu dio Gozan, sia lako tu mai kota to Madai.

PA’TOLE 28:64

PUANG la umpatisambo’-sambo’ko dio lu mintu’ to sangpetayanan, randuk dio mai randan langi’ sae lako randan langi’; inde to dio la munii umpenombai, kapenomban senga’, tu tae’ mutandai la iko la iatu mai nene’ to dolomu, iamotu kayu sia batu.

PA’TOLE 28:25

PUANG la ussorongko lako ualimmu, ammu talo. Sangbambari tu lalan la munii sae unneai, apa pitu tu lalan la munii mallai dio mai tingayona, muurungan dadi misa’ katirambanan lako mintu’ kadatuan lan lino.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

YEREMIA 25:34

Unnurrukkomi, e mintu’ to manglaa, melallakkomi sia melenten-lentenkomi dio lu to’ barra’-barra’, e mintu’ pangkambi’ domba ma’baanan; belanna nalambi’mo tu allomi, la ditunu. Sia Akumo la untesse-tessekomi, ammi tobang susi pindan mellong.

BATING 5:2

Iatu taa mana’ki tobangmo tama limanna to salian, sia mintu’ banuangki tilelemo tama limanna to tama sae.

BATING 4:2

Iato mai anak Sion, tu mala’bi’ tongan, dolona siangga’ bulaan massang, ma’patumbai anna dipapada busso litak, panggaraga to tumampa kurin.