HOSEA 8:6 - Sura' Madatu

⁶ Tonganna bu’tu dio duka mai Israel, tu misa’ apa nagaraga pande, apa tangia misa’ kapenomban. Tonganna la dinisak-nisak tu anak sapi Samaria.

HOSEA 8:6 Referans Kwoze

PENGGAURANNA RASULU’ 19:26

Na mitiromo sia mirangimo kumua tangngia inde manna te Efesus, sangadinna kari’ la mintu’mo lili’na Asia nanii te Paulus unna’pan sia umpabalik buda tau, nakua kumua iatu panggaraga tolino tangngia deata.

PENGGAURANNA RASULU’ 17:29

Belanna bu’tu dioki’ mai Puang Matua, tang sipatu la tasanga susi bulaan ba’tu salaka ba’tu batu digaragai dipaolai kamanarangan sia tangnga’ tolino tu kapuanganNa Puang Matua.

HABAKUK 2:18

Apara gai’na tu rapang-rapang dipodeata dipa’, belanna to ma’pa’ unggaragai? Apara gai’na tu rapang-rapang dipodeata dipati’no’, iamotu misa’ panganda’ tang tongan, moi anna posande’ bangi to unggaragai tu panggaraga limanna? Tae’raka nadeata mamang tu nagaragai?

HOSEA 10:2

Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

YEREMIA 50:2

Patale’i dio lu mintu’ bangsa sia pa’peissananni, angka’i misa’ bandera sia pa’peissananni, da mibunii, sia pokadai kumua: Ditalomo tu Babel, sia kasirisanmo tu Bel sia kapussakan tu Merodakh; kasirisan tu rapang-rapang dipodeatanna, sia mintu’ deata megi’giranna.

YEREMIA 10:14

Attu iato iatu mintu’ tolino baga sia tang paissan; iatu mintu’ pande bulaan natoding siri’ diona rapang-rapang dipodeata, belanna iatu mintu’ pa’pati’no’na tae’ natongan, sia tae’ penaa lan.

2 OSSORANNA DATU 31:1

Iatonna upu’mo te mintu’ apa iate, malemi tu mintu’ to Israel, tu dio ren, lako mintu’ kota Yehuda, natesse-tessei tu mintu’ batu dipodeata, nalellengi tu mintu’ kayu dipodeata sia naseran tu mintu’ inan madao sia inan pemalaran, naputtai lan mai mintu’ Yehuda sia Benyamin sia lan lu Efraim sia Manasye. Mangkato sulemi tu mintu’ to Israel lako kotana, pantan male lako mana’na.

2 DATU 23:19

Ia duka tu mintu’ inan kamenomban dao inan madao lan mintu’ kota Samaria, tu napabendan mintu’ datu Israel la umpa’dikki penaanNa PUANG, naputtai Yosia, sia napogau’ lako susitu mintu’ apa mangka napogau’ dio Betel.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

YEREMIA 48:13

Attu iato iatu Moab la masiri’, buntu tumangna Kamos, susito Israel masiri’ buntu tumangna Betel pa’rannuananna.

HOSEA 13:2

Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

2 OSSORANNA DATU 13:8

Totemo misanga la misau’ tu kadatuanNa PUANG, tu lan limanna bati’na Daud, belanna to budakomi sia miampui tu anak sapi bulaan, tu napadadiangkomi Yerobeam la mipokapenomban.

MIKHA 1:7

Sia mintu’ rapang-rapang dipodeata dipa’na la dipoka, sia pamenganna tu dipennoloan lako deata la diballa api, sia mintu’ rapang-rapang dipodeatanna la Kunisak-nisak, belanna iatu saro bu’tu lu dio mai pa’gau’ salana naallianni tu rapang-rapang dipodeata narampun, na iatu apa iato la dadi duka saro gau’ sala.