HOSEA 8:5 - Sura' Madatu

⁵ Iatu anak sapimmu apa megi’giran, e Samaria! Dukku tu kasengkeangKu la urrampoi tu tau iato mai. Sangapapira tu tau iato mai tang la ma’din diseroi?

HOSEA 8:5 Referans Kwoze

HOSEA 10:5

Belanna anak sapi dio Bet-Awen anna selang tu to umpa’tondokki Samaria; ondongpi iatu to buda mario-rio tu diona to, sia silallakan to minaa umpengkaolai rapang-rapang dipodeata, belanna sisayurammo kamala’biranna.

YEREMIA 13:27

iamotu mintu’ gau’ salamu sia kamoraian malassummu sia passulo bongi mesirisammu. Dao mintu’ tanete lan lu padang Kutiromo tu mintu’ penggauran megalliammu; upu’ allomu, e Yerusalem, sangapapira mumane la masero?

SARAMBU PEADA’ 1:22

Sangapapira, e to tang paissan, la minii ungkamali’i tu katangpaissanan, sia to pa’tellean umporai ma’telle, sia tobaga ungkabiri’ kapaissanan?

PENGGAURANNA RASULU’ 7:41

Attu iato nagaragaimi tu rapang-rapang anak tedong sapi misa’, anna pemala’i tu deata rapang-rapang iato, sia naposende tu panggaraga limanna.

HOSEA 8:6

Tonganna bu’tu dio duka mai Israel, tu misa’ apa nagaraga pande, apa tangia misa’ kapenomban. Tonganna la dinisak-nisak tu anak sapi Samaria.

YEREMIA 4:14

Seroi tu penaaammu, e Yerusalem, ammu makarimman; sangapapara tu tangnga’ sala tonang lan penaammu?

YESAYA 45:20

Sipulungkomi ammi pada sae mengkareke’, e kamu tu tilendokmo dio mai ma’rupa-rupa bangsa. Tae’ tangnga’na tu tau iato mai tu umbaa rapang-rapang dipodeata kayu anna penombai tu deata tang nakulle patunduan.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

PA’PUDIAN 19:13

Mindara tu unnissan mintu’ kapusanna? Seroi pindanna’ dio mai mintu’ kasalan tang dikita.

YEREMIA 48:13

Attu iato iatu Moab la masiri’, buntu tumangna Kamos, susito Israel masiri’ buntu tumangna Betel pa’rannuananna.

HOSEA 13:2

Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

AMOS 8:14

tu umposumpa kasalanna Samaria, sia ma’kada: La lelukraka tuona kapenombammu, e Dan!, sia: La lelukraka tuona kalingkan lako Bersyeba! Tonganna la songka tu tau iato mai sia tae’mo nala bendan sule.

2 OSSORANNA DATU 13:8

Totemo misanga la misau’ tu kadatuanNa PUANG, tu lan limanna bati’na Daud, belanna to budakomi sia miampui tu anak sapi bulaan, tu napadadiangkomi Yerobeam la mipokapenomban.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

MIKHA 1:7

Sia mintu’ rapang-rapang dipodeata dipa’na la dipoka, sia pamenganna tu dipennoloan lako deata la diballa api, sia mintu’ rapang-rapang dipodeatanna la Kunisak-nisak, belanna iatu saro bu’tu lu dio mai pa’gau’ salana naallianni tu rapang-rapang dipodeata narampun, na iatu apa iato la dadi duka saro gau’ sala.