HOSEA 8:1 - Sura' Madatu

¹ Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

HOSEA 8:1 Referans Kwoze

HOSEA 6:7

Apa untengkaimo basse tu tau iato mai susi Adam; inde to dio nanii umpogau’ tang maruru’ lako Kaleku.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

HABAKUK 1:8

Iatu darangna mandu malinta’ na iatu arimau buluh, sia mandu matira’ na iatu guruk ke bonginna; mintu’ tu darangna sia pakkanarangna sae tiantak-antak, mambela nanii sae langkan maega tu ussiok kandena.

1 KORINTUS 15:52

sattu’ri, sangpekkappidian mata, to ke ma’katampakanna oni tarompe’ pua; belanna la dipannoni tu tarompe’ pua, nadipamalimbangun tu mintu’ to mate, umpotampa tampa tang la sanggang, na kita te la dipopembaliki’.

MATIUS 24:28

Belanna umba-umba nanii batang rabuk, iamo nanii pa’duku’ sirampun.

ZAKHARIA 11:1

Bungka’i tu mintu’ ba’bamu, e Libanon, anna purai api tu mintu’ garonto’ arasi’mu.

ZAKHARIA 9:14

La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

ZEFANYA 1:16

misa’ allo nanii oni napiri tanduk sia arrak kasirarian tu ullaoi mintu’ kota ditambakuku sia ullaoi menara malangka’ dio tetuk kota.

AMOS 9:1

Kutiromi tu Puang bendan sikandappi’ inan pemalaran, anNa ma’kada, Nakua: Pa’tongi tu parande lentong, naurungan tigoyang tu ampang, sia tessei anna ruai tu ulunna mintu’ tau iato mai; na minda-minda tu torronapa la Kupatei pa’dang. Moi misa’i tu tau iato mai tae’ nala lussu’, sia moi misa’i tu tau iato mai tae’ nala tilendok.

AMOS 8:3

Allo iato iatu mintu’ nanian lan Banua Kabusungan la membali kasumarroan, kadanNa Puangta PUANG. La makamban tu batang rabuk. Umba-umba nii Puang tu umpasilentenanni. Kappakomi.

AMOS 3:6

Iake dipannonii tu napiri tanduk lan kota, tae’raka nala tiramban tu pa’tondokan? Ma’dinraka tu kota narampoi kamandasan, ke tae’i na PUANG umpasaei?

YOËL 2:1

Pannonii tu napiri tanduk dao Sion, sia rembangi tu katto’-katto’ dao buntu maindanKu! La ma’parondo tu mintu’ pa’tondokan, belanna saemo tu alloNa PUANG. Belanna mandappi’mo!

HOSEA 9:15

Mintu’ kakadakeanna sirampun dio Gilgal, iamoto inde dukato dio Kunii ungkabiri’i tu tau iato mai; belanna penggauran kadakena, angKu la unnula’i lan mai banuangKu. Sia tae’mo angKu kamasei; mintu’ arungna pabali-bali nasang.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

YEHEZKIEL 16:59

Belanna inde sia tu kadanNa Puangta PUANG: La Kupogau’, susitu mangka mupogau’ lako Kaleku, tu mangka untapa’ sumpa, belanna mupoka tu basse.

YEHEZKIEL 7:14

Pannoni bangi tu tarompe’ sia pasakka’ nasangi, apa moi misa’ tau tae’ male parari; belanna dukku kasengkeangKu lako mintu’ to buda tu marukka.

YEREMIA 51:27

Pabendanni tu bandera lan lino, pannonii tu napiri tanduk dio lu mintu’ bangsa! Tambai tu mai bangsa anna pamarimbangan kalena la ullaoi tu kota iato, sia arakki tu mintu’ kadatuan ullaoi, iamotu Ararat, Mini sia Askenas! Angka’i tu misa’ pangulu la urrarii; pesuammi sae tu ba’tu pira-pira darang susito batik ma’uyun!

YEREMIA 48:40

Belanna nakua kadanNa PUANG: Tonganna la sae mettia’ susi langkan maega sia umballa’ pani’na daona lu Moab.

YEREMIA 31:32

Tae’ nasusi tu basse, tu Kutanan sola nene’ to dolona, tongKu toei tu limanna la ussolanni tu tau iato mai lan mai tondok Mesir, iamotu basseKu tu napoka, moi na Aku umpuangi tu tau iato mai, kadanNa PUANG.

YEREMIA 6:1

Mallaikomi, e bati’na Benyamin, lan mai Yerusalem. Pannonii tu napiri tanduk lo’ Tekoa sia tutungi tu bia’ naparrang tu dukkunna dao Bet-Kerem! Belanna daa mai ulunna salu mempaan tu misa’ kakadakean sia kasanggangan kapua.

YEREMIA 4:5

Patale’i te lan Yehuda, pa’perangianni lan lu Yerusalem sia pokadai kumua: Pannonii tu napiri tanduk lan lu tondok, sia pemandui metamba kumua: La sirampunkomi anta tama kota ditambakuku!

YESAYA 58:1

Pemandui metamba, da mupela’i, pekapuai tonganni tu gamarammu susi napiri tanduk ammu pokadanni taungKu tu kapatodo-tintinganna sia bati’na Yakub tu mintu’ kasalanna.

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

YESAYA 18:3

E kamu mintu’ issinna lino sia mintu’ to untorroi kuli’na padang, iake naosokki tau tu bandera dao ma’buntunna, sipatu la mitiro, sia iake dipannonii tu napiri tanduk, sipatu la miperangii.

2 DATU 18:27

Apa nakua tu kamandang lompo lako tau iato mai: Nasuara’ka puangku umparampoi te mintu’ kada iate lako puangmi sia lako kalemi? Tang lakoraka tu mintu’ to unno’ko’ dao rinding tembo’ la dinii umparampoi, tu la misisolan ungkande tainna sia unniru’ tenena?

YOËL 2:15

Pannonii tu napiri tanduk dao Sion, pamaindanni tu misa’ allo pa’puasan, pasirampunni tu misa’ kasirampunan kamenomban.

YEREMIA 34:18

Iatu mintu’ tau, tu umpoka basseKu sia tae’ naturu’i tu mintu’ atoran basse iato, tu mangka natanan dio oloKu, la Kupapada anak sapi dipa’dua sia lumingka lan lu alla’ panta’tak iato,

YEREMIA 49:22

Tonganna kendek sia mettia’ sae susi langkan maega sia umballa’ pani’na daona lu Bozra, sia allo iato iatu penaanna mintu’ to lalongna Edom la susi penaanna misa’ baine manguria’.

YEHEZKIEL 17:3

sia ma’kadako kumua: Inde sia tu kadanNa, Puangta PUANG Nakua: Den misa’ langkan maega kapua, mawatang pani’na, malinta’ pettia’na, makamban bulu pani’na sia ma’rupa-rupa, ta’pa dao Libanon, anna ala lolok kayu arasi’.

YEHEZKIEL 11:4

Iamoto la ma’nubua’ko unneai tu tau iato mai, ma’nubua’ko, e ma’rupa tau.