HOSEA 7:13 - Sura' Madatu

¹³ Upu’ allona tu tau iato mai, belanna male umboko’iNa’! Sumpu sumandakna, belanna sepangmo dio mai Kaleku. Moi mangkamo Kurampanan, tontong duka ma’kada mo’rang lako Kaleku.

HOSEA 7:13 Referans Kwoze

HOSEA 9:12

Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

KADA OMBO’ LAKO RASULU’ YOHANES 8:13

Kutiromi sia kurangi misa’ langkan maega mettia’ lan tangngana langi’ ma’kada umpekapuai gamaranna; A’a, a’a, a’a, masolang tu mintu’ to untorroi kuli’na padang tu belanna oni tarompe’ pua senga’na, iamotu lu dio mai tallu malaeka’ tu la umpannonii undinna.

1 YOHANES 1:10

Iake ma’kadaki’ kumua tae’pa tapogau’ len kasalan, untanda to mo’rangki’ Puang Matua, sia tae’ dio kaleta tu kadanNa.

MATIUS 23:37

E Yerusalem, Yerusalem, tu umpatei tu mai nabi sia untumbui batu mintu’ to disua lako kalemu. Ba’tu pempiranMo’ la morai urrampun anakmu, susi indo’ manuk urrampun anakna lan to’ pani’na, apa manokakomi.

MIKHA 6:4

Tae’raka Kumangka ussolangko tassu’ lan mai tondok Mesir sia Kula’bakko lan mai inan munii dipokaunan, sia Kusua tu Musa, Harun sia Miryam undoloangko?

YUNUS 1:10

Mataku’ tonganmi tu tau iato mai, anna ma’kada lako, nakua: Apara tu mipogau’? Belanna naissan tau iato mai, kumua mallai dio mai oloNa PUANG, belanna napokadammo tu apa iato.

YUNUS 1:3

Apa iatu Yunus ke’de’ la mallai lako Tarsis dio mai oloNa PUANG, anna male lako Yafo, nakabu’tui tu misa’ kappala’, tu la ke’de’ lako Tarsis; nabaya’mi tu sewana, anna kendek langngan kappala’ sola to ma’kappala’ la male lako Tarsis, la umpatoyang kalena dio mai oloNa PUANG.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

HOSEA 9:17

La Natibe Kapenombangku tu tau iato mai, belanna tae’ naperangii; iamoto anna salamba salao dio lu mintu’ bangsa.

HOSEA 7:3

Napasende kakadakeanna tau iato mai tu datu sia mo’rangna tu mai arung.

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

YEHEZKIEL 34:6

Iatu mai dombaku pusa dao lu mintu’ buntu sia dao lu mintu’ tanete madao; sia tisambo’-sambo’ tu mai dombaku dao te kuli’na padang, na moi misa’ tau tae’ bang umpoinaai, ba’tu undaka’i.

YEHEZKIEL 18:25

Apa mikua: Tae’ namalambu’ tu lalanNa Puang. Perangii, e to Israel, tae’raka namalambu’ tu lalanKu? Ondong pissan ia tu lalanmi tang malambu’.

YEHEZKIEL 18:2

Umbara mikua ammi poparumbasanni te parumbasan iate dio tondok Israel kumua: Mintu’ ambe’ ungkande bua anggoro’ mamata, anna anakna langgang issinna?

YEHEZKIEL 16:23

Sia iatommu mangka umpogau’i tu mintu’ kakadakeammu, – upu’ allomu, upu’ allomu! kadanNa Puangta PUANG –

BATING 5:16

Iatu makota tobangmo dao mai ulungki, upu’ alloki, belanna umpogau’mokan kasalan!

YEREMIA 42:20

Belanna umpakenakomi kalemi miurungan sisayuran katuoammi tommi suana’ lako PUANG, Kapenombammi ammi ma’kada kumua: Passambayangangkan langngan PUANG, Kapenombanta, sia mintu’ tu kadanNa PUANG, Kapenombanta, la mipokadangkan, manassa la kituru’.

YEREMIA 14:10

Inde sia tu kadanNa PUANG tu diona bangsa iate, Nakua: lendu’ ia naporainna tu tau iato mai salamba salao sia tae’ napatadangi tu lette’na; iamoto natae’ nakalo’i penaanNa PUANG. Na totemo la Nakilalaimo tu kakadakeanna sia Naukung tu kasalanna tau iato mai.

YESAYA 63:8

Nakuami: TaungKu duka tu tau iato mai, iamo pia tang la mo’rang, nasusito Iamo dadi To parampananna.

YESAYA 59:13

palutu tombangmoki’ sia umpeongannimiki’ PUANG sia sepangmoki’ dio mai Kapenombanta, umpokadamoki’ diona pa’pakario-rio sia sorong boko’ untannun sia umpasun kada mo’rang.

YESAYA 43:1

Apa totemo, kadanNa PUANG, To tumampamu, e Yakub, sia To kumombongmu, e Israel, da mumataku’, belanna Akumo ullendokangko, Kutambaimo tu sangammu sia ikomo taungKu.

YESAYA 41:14

Da mumataku’, e Yakub pada ulli’, e Israel bangsa bitti’! Akumote tu untunduiko, kadanNa PUANG, na iatu Pela’bakmu iamo To maserona Israel.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

PA’PUDIAN 106:10

Susimoto Nanii Puang ullendokanni dio mai lisu pala’na to ungkabiri’i, sia Nalussuran dio mai kuasanna uali.

AYUB 22:17

Tu ma’kada lako Puang Matua nakua: ToyangKomi dio mai kaleki! sia: Apara tu ma’din Napogaurangkanni To umpoissan angge maritik?

NEHEMIA 1:10

Tonganna tau iato mai taumMi sia bangsaMi, tu mirampanan tete dio kamatotoran kapuaMi sia lima mawatangMi.

PA’TOLE 15:15

La mupengkilalai, kumua mangkamoko kaunan lan tondok Mesir sia Nalendokammoko PUANG, Kapenombammu; iamoto kubenko totemo te pepasan.

YEREMIA 7:15

sia la Kusualekomi dio mai oloKu, susitu mintu’ siulu’mi Kusuale, iamotu mai bati’na Efraim.

YEREMIA 51:9

Mangkamo tadampi tu Babel, apa tang dampi-dampianna; tatampemi anta pantan sule lako tondokta; belanna landa’mo langngan langi’ sia sumpumo langngan massaleu’na tu ukunganna.

MIKHA 6:12

Iatu mai to sugi’na untambuk kamasa’garan sia iatu pa’tondokanna ma’kada tang tongan sia iatu lilana lan sadangna nanii pa’pakena.

YESAYA 30:1

Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.

YESAYA 30:2

Tu male rokko Mesir, apa tang umpekutanan kadangKu, la morai umpentilindungi Firaun sia la umpentionganni Mesir.

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.