HOSEA 7:12 - Sura' Madatu

¹² Ianna male lako, la Kusalokko’i dalla’Ku tu tau iato mai. La Kutobangan tu tau iato mai susi manuk-manuk dao mai langi’. Ianna marekomo tu tuntunanna, Kutingkanmi.

HOSEA 7:12 Referans Kwoze

YEHEZKIEL 12:13

La Kupae’te’i pukaKu sia la naala poyaKu; la Kusolan lako Babel, tondok to Kasdim, apa tae’ nala untiroi; sia inde to dio la nanii mate.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

YEHEZKIEL 32:3

Inde sia tu kadanNa Puangta PUANG, Nakua: Kuballarangko dalla’Ku tete dio kasita’panna buda bangsa, anna angka’ko tau iato mai lan dalla’Ku!

YEHEZKIEL 17:20

La Kutananni porro’Ku, anna alai poyaKu, angKu solanni lako Babel, nadio Kunii umpaolai salu, natumang gau’ tang maruru’na lako Kaleku.

YEREMIA 44:4

Moi Kusuamo lako tau iato mai tu mintu’ taungKu, iamotu mai nabi, ke makale’ sia ke karoen umpokadanni kumua: Da mipogau’i te apa megallian iate, tu Kukagi’gi’!

YEREMIA 16:16

La ussuaNa’ to mebale buda, kadanNa PUANG, anna ia untingkanni tu tau iato mai susi bale, undinnato la ussuaNa’ buda to moasu, la unnula’i dao mai mintu’ buntu sia mintu’ tanete, sia lan mai mintu’ kalo’tok batu.

TOMANGADA’ 9:12

Belanna iatu tolino tae’ duka natandai tu dalle’na, susito bale tiramban diala lan dalla’ sia susito manuk-manuk ditingkan lan porro’. Susi dukamoto tu mintu’ ma’rupa tau dipoya, lan attu kamandasan, ke ta’pa narampoi te iannate.

AYUB 19:6

La mangakukomi, kumua Puang Matua umpogau’ tang malolo lako kaleku sia Naparampoina’ poyaNa.

HOSEA 5:9

La mempadang lo’bang tu Efraim, ke allo kadiukungan. La Kupa’peissanan tu apa mangka dipamanassa la urrampoi tu mintu’ suku Israel.