HOSEA 7:11 - Sura' Madatu

¹¹ Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

HOSEA 7:11 Referans Kwoze

HOSEA 12:1

Nalilingi bangMo’ Efraim ma’kada mo’rang sia bati’na Israel ma’pakena bang – na iatu Yehuda tontong bang umbali-bali Puang Matua sia To tarru’ maindan, tu maruru’ bang.

HOSEA 5:13

Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

HOSEA 11:11

La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.

HOSEA 4:11

Iatu gau’ sala sia uai anggoro’ sia uai anggoro’ ba’ru umpapusa penaa.

HOSEA 9:3

Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

YEREMIA 2:36

Lendu’ ia pembudammumo ussondai lalanmu! La natodingko siri’ belanna umposande’ Mesir, susitu kanatodingammu siri’, belanna umposande’ Asyur.

YEREMIA 2:18

Ma’apari ammu male lako Mesir unniru’ uai salu Nil? Sia ma’apari ammu male lako Asyur unniru’ uai Efrat?

SARAMBU PEADA’ 17:16

Apara gai’na tu pealli lan limanna to baga la naallian kakinaan, belanna inang tae’ naampui tangnga’ kinaa?

SARAMBU PEADA’ 15:32

Minda-minda untumpu peada’, iamo umpamatuna katuoanna; apa minda-minda umperangii peta’tan, unnappa’ tangnga’ kinaa.

SARAMBU PEADA’ 6:32

Minda-minda tu ma’pangan buni sola misa’ baine, iamoto tae’ inaanna; minda-minda tu umpogau’i te, ussanggang kalena.

2 DATU 15:19

Ke’de’mi tu Pul, datu to Asyur, la ullaoi tondok Israel, apa nasorongan Menahem, sangsa’bu talenta salaka tu Pul, kumua anna tundui umpabantangi tu kadatuan iato lan limanna.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

2 DATU 16:7

Nasuami datu Ahas tu ba’tu pira-pira pesua male umpennoloi Tiglat-Pileser, datu to Asyur, kumua: Akumote tu taummi sia anakmi; la malekomi urrampanangkan dio mai kuasanna datu Aram sia dio mai kuasanna datu Israel tu ke’de’mo ullaoina’.

HOSEA 12:2

Iatu Efraim umpodia’ angin sia situ’turan allo unnula’ angin matallo; napapa’i bang tu kamo’rangan sia kasanggangan. Untanan basse sola Asyur na iatu minna’ dibaa lako Mesir.

OBAJA 1:7

Mintu’ solamu musibassean ussuako sorong boko’ lako katonan tondok, sia mintu’ sangmuanemu umpakenako sia ussau’ko, sia iatu musolan kumande untananniko poya, tae’ tu tangnga’ kinaanna.