HOSEA 6:9 - Sura' Madatu

⁹ Iato tuntunan to minaa mangodo’ susito pa’gora’, umpatei tau dio lu lalan lako Sikhem. Inang umpogau’ gau’ liu kadake tu tau iato mai.

HOSEA 6:9 Referans Kwoze

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YOHANES 11:47

Iamoto anna rampunni pangulu to minaa sia to Farisi tu mai to diala Ada’ lompo, anna kua: Umbamora tu tangnga’ la tapogau’, belanna buda bangmo tu tanda kalle-kallean Napogau’ tu Tau tu?

MARKUS 14:1

Duang allopa namane allo Pasa sia allona roti tang diragii; undaka’mi lalan tu pangulu to minaa sia pandita Sura’ la morai untangnga’ Yesu natingkanNi sia napatei.

ZEFANYA 3:3

Mintu’ arungna dio lu tangngana susi bang singa umburrung-burrung, mintu’ to ma’paolainna salu susi bang, guruk ke bongi, tu tang massesa sae lako melambi’na.

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

YEHEZKIEL 22:27

Mintu’ pangulunna tau iato mai susi bang guruk undaka’ bang pialanna, tu umpatibollo rara sia ussanggang tau, kumua anna mesaro kadake.

YEHEZKIEL 22:9

Lan lu tangngamu den tu to ma’palele beko umpembelai la umpatibollo rara sia iatu to lan kotamu umpogau’ pemala’ dao lu buntu; sia lan tangngamu nanii to ma’gau’ sala.

YEREMIA 11:9

Sia Nakuapa PUANG lako kaleku: Diapparammo tu kasipakulu-kuluan dio lu to Yehuda sia to lan tondok Yerusalem.

EZRA 8:31

Mangkato ke’de’mokanni dio mai salu Ahawa tonna allo ma’pessangpulo duanna bulan bunga’ tarru’ lako Yerusalem, narande pala’mokan Kapenombanta sia Nakampaikan dio mai ualingki sia dio mai to ma’gora’.

1 DATU 12:25

Nabentengmi Yerobeam tu kota Sikhem dao buntunna Efraim, anna torro lan. Ke’de’mi anna male umbentengi tu Pnuel.

PENGGAURANNA RASULU’ 4:24

Iatonna rangi tinde tau tu iannato, metambami langngan Puang Matua umpamisa penaa nakua: O Puang, Kamumo tu umpadadi langi’ sia lino sia tasik na mintu’ issinna;

YEHEZKIEL 22:25

Iatu mai arung lan tondok iato susi misa’ singa ma’burrung, tu usserek pialanna; arung iato mai unnampello’ tau sia urrampa ianan ballo sia ianan masuli’, sia umpabuda baine balu lan tondok iato.

YEHEZKIEL 23:27

Attu iato la Kuputtai tu pa’gau’ salamu sia passulo-bongimmu, tu mutuang dio mai tondok Mesir, muurunganni tang mentiromo lako sia tang ungkilalaimo Mesir.

HOSEA 2:10

Sia la Kupa’dei tu mintu’ kasendeanna, mintu’ pa’gauranna, bulan ba’runna sia allo katorroanna, ondongpi tu mintu’ allo kapuana.

HOSEA 4:2

Ma’tampakki ropu, mo’rang, papatean, boko sia pasandak salu lako rampanan kapa’! Kamasa’garan sia kaumpatibolloan rara situru’-turu’.

HOSEA 5:2

Iatu to sorong boko’ ungkalimo misa’ patuang lambe’; na Aku nasuale pala’ sola nasangi.

KADADIAN 12:6

Iatu Abram ullendu’i tana iato, anna rampo lako tondok Sikhem, rampo lako to’ kayu tarpin More. Attu iato nanii to Kanaan tu tana iato.

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.