HOSEA 6:7 - Sura' Madatu

⁷ Apa untengkaimo basse tu tau iato mai susi Adam; inde to dio nanii umpogau’ tang maruru’ lako Kaleku.

HOSEA 6:7 Referans Kwoze

HOSEA 8:1

Padioi pudukmu tu napiri tanduk. Susi misa’ langkan maega tu kasanggangan sae urrampoi banuanNa PUANG! Belanna natengkaimo tau iato mai tu basseKu sia nabali-bali tu Sukaran alukKu.

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

YEREMIA 9:6

Indete tu nanii sitoppo’-toppo’ pa’pakario-rio sia sitombon-tombon pa’pakena; tae’ namorai tu tau iato mai untandaiNa’, kadanNa PUANG.

AYUB 31:33

iangku samboi tu kapatodo-tintingangku susi Adam, belanna kubuni tu salaku lan ara’ku,

KADADIAN 3:11

Ma’kada Puang, Nakua: Mindara ungkuangko kumua ma’kale-kaleko? Mukanderaka tu bua kayu, tu mangka Kupasanangko kumua da mukandei tu buanna?

2 DATU 17:15

Nasayumo tu apa Napondok sia basseNa tu Natanan Puang sola nene’ to dolona, susi dukato tu mintu’ pa’pakilalaNa tu Naparampo lako tau iato mai; naturu’ bangmo tu apa tang kebattuan, naurunganni dadi tang kebattuan, sia naparundu’i tu alukna mintu’ bangsa untikui, moi anNa mangkamo mepasan tu PUANG lako tau iato mai, kumua da nama’gau’ susito.

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

IBRANI 8:9

Tae’ nasusi tu basse mangka Kutanan sola nene’ to dolona, tongKu toei tu limanna, angKu rendenni tassu’ lan mai tondok Mesir. Belanna tae’ nakaritutui tu basseKu, anna tae’ Kupoinaai, kadanNa Puang.

YEREMIA 31:32

Tae’ nasusi tu basse, tu Kutanan sola nene’ to dolona, tongKu toei tu limanna la ussolanni tu tau iato mai lan mai tondok Mesir, iamotu basseKu tu napoka, moi na Aku umpuangi tu tau iato mai, kadanNa PUANG.

YEREMIA 5:11

Belanna kedo tang maruru’ manna napogau’ to Israel sia to Yehuda lako Kaleku, kadanNa PUANG.

YEREMIA 3:7

Sia Kukuapa tonna mangka tu tau iato umpogau’i tu iannato: Suleko lako Kaleku; apa manoka sule. Iate apa iato natiro Yehuda sangbainena to tang maruru’.

YESAYA 48:8

Inang tae’pa murangi lenni sia tae’pa muissan lenni, sia dolona tae’pa naparangi len tu talingammu, belanna Kuissan kumua tang maruru’ tonganko sia nagente’ko tau to palutu tombang tempon lan mai pa’tambukanna indo’mu.

YESAYA 24:16

Dio mai randan langi’ kirangi tu pa’pudian, umpakala’bi’ to masallo’. Apa kukua: Sanggangna’, sanggangna’, upu’ alloku! umpogau’mo kakelokan tu to tang maruru’, sia lolangmo lan kakelokanna.

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

ROMA 5:14

Apa iatu kamatean pasau’ randuk tonna Adam sae lako tonna Musa, sama bang sia lako to tang umpogau’ kasalan susitu kauntengkaianna pepasan Adam, tu butung rapang-rapangna Tu la saena.

YEREMIA 34:18

Iatu mintu’ tau, tu umpoka basseKu sia tae’ naturu’i tu mintu’ atoran basse iato, tu mangka natanan dio oloKu, la Kupapada anak sapi dipa’dua sia lumingka lan lu alla’ panta’tak iato,

PA’TOLE 31:20

Belanna la Kusolan tu tau iato mai lako tondok, tu mangka Kuallu’ lako nene’ to dolona Kupalaoi sumpa, tondok sebo pangandu’ sia tani’ enoan. La kumande sadia’na sia ma’pelompo, apa la sumepang lako kapenomban senga’ sia napengkaolai. Na iatu Aku la napamatuna sia iatu basseKu la napoka.