HOSEA 6:6 - Sura' Madatu

⁶ Belanna nakalo’ penaangKu tu kamamaliran, tangia pemala’ pangrere’; sia kapaissanan diona Puang Matua, tangia pemala’ ditunu pu’pu’.

HOSEA 6:6 Referans Kwoze

MATIUS 9:13

Apa laomokomi ammi tangnga’-tangnga’i patunna te kada iate: Kamamasean Aku tu Kukamorai, tangia pemala’, belanna tae’ Kusae untambai to malambu’, sangadinna to kasalan.

MATIUS 12:7

Apa iake miissanmi battuananna te kada iate kumua: Kamamaseanri tu Kukamorai, tangia pemala’, manassa tae’ mipasalai tu to tang kasalan,

SARAMBU PEADA’ 21:3

Umpogau’ kamaloloan sia salunna mandu naala penaanNa PUANG na iatu pemala’.

1 SAMUEL 15:22

Nakuami Samuel: Naalaraka penaanNa PUANG tu pemala’ ditunu pu’pu’ sia pemala’ susi kanaalanna penaanNa, ke dituru’i tu kadanNa? Tonganna mandu melo ia tu menturu’ na iatu pemala’ sia iatu ma’perangi mandu melo na lompo domba laki.

AMOS 5:21

Kukabiri’ sia Kupamatuna tu pa’gaurammi sia tang Kuporai unnudukki tu bau allo kapuammi.

YESAYA 1:11

Apara gai’na lako Kaleku tu kabudanna pemala’ pangrere’mi? kadanNa PUANG; nabossaMo’ tu mai pemala’ domba laki ditunu pu’pu’ sia iatu mai lompona anak sapi dipelompoi. Tae’ angKu kaduangi rara sapi laki ba’tu domba, ba’tu bembe’ laki.

TOMANGADA’ 5:1

Da mumadomi’ ma’kada sia da nasasai penaammu umpatassu’ kada dio oloNa Puang Matua; belanna lan Ia suruga tu Puang Matua, ammu dao iko kuli’na padang, iamoto la sidi’ri tu kadammu.

YEREMIA 22:16

Nasanda tonganni tu diona to makario-rio sia to bongko, attu iato manaman ia. Tang susiraka to tu unnakuNa’? kadanNa PUANG.

MATIUS 5:7

Maupa’ tu mintu’ to unnampui kamamasean, belanna tau iato la dikamasei.

DANIEL 4:27

Iamoto, e datu, lala siai manii naala penaammi tu pa’pakilalangku kumua puttaimi tu kasalammi tete dio kamalamburan sia puttaimi tu kakelokammi tete dio ungkamasei to makario-rio, dennoupa’ anna dipamalambe’ tu karapasan dio kalemi.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

YEREMIA 7:22

belanna iatongKu solanni tassu’ lan mai tondok Mesir tu nene’ to dolomi, tae’ angKu ma’kada ba’tu mepasan lako tau iato mai tu diona pemala’ ditunu pu’pu’ ba’tu pemala’ pangrere’,

1 YOHANES 3:6

Minda-minda tu manda’ lan Kalena, tae’ napogau’ kasalan; anna minda-minda umpogau’ kasalan, tae’pa natiroI sia tae’pa natandai tu Puang.

1 YOHANES 2:3

Dionamote taissanni kumua tatandaimo, iake takaritutui tu parentaNa.

MIKHA 6:6

Apara la kubaa la mennolo lako Puang sia la kubaa tukku menomba lako Puang Matua dao inan madaona? Ma’dinraka kupennoloan tu pemala’ ditunu pu’pu’, iamotu anak domba sangtaun dadinna?

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

YESAYA 58:6

Tangiaraka te tu puasa Kuporai kumua: bukai tu pepungo kadake sia ko’karanni tu pepori ayoka, musua marampa’i male tu mintu’ to dipandasa, ammu rebong-rebongi tu mintu’ ayoka?

HOSEA 2:20

Sia la dadi attu iato, kumua la Kuperangii, kadanNa PUANG, la Kuperangii tu langi’, anna perangii langi’ tu lino.

PA’PUDIAN 50:8

Tang bannang diora pemala’mu Kunii untarru’iko, belanna iatu pemala’ ditunu pu’pu’mu tontong bang dio oloKu.

MARKUS 12:33

sia iatu ponno penaa sia mintu’ tangnga’ sia padami kamatotoran sae lako deata la ungkamali’ Puang Matua, sia ungkamasei padanta tolino, ondong ia to na iatu mintu’ pemala’ ditunu pu’pu’ sia pemala’ pangrere’.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

YOSUA 5:5

Iatu mintu’ tau tassu’, mangkamo disunna’i, apa iatu mintu’ to dadi lan padang pangallaran dio lu lalan, tonna tassu’mo tu tau iato mai lan mai Mesir, tae’ nadisunna’i.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.