HOSEA 6:10 - Sura' Madatu

¹⁰ Dio lu bati’na Israel Kutiro tu apa megi’giran: inde to dio nanii Efraim ma’gau’ sala sia Israel urruttakki kalena.

HOSEA 6:10 Referans Kwoze

HOSEA 5:3

Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.

YEREMIA 23:14

Apa dio lu mintu’ nabi Yerusalem Kutiro tu apa megi’giran, iamotu pasandak salu lako rampanan kapa’ sia ma’kada tang tongan; sia napamatoto’ limanna tu mintu’ to umpogau’ kadake naurungan moi misa’ tae’ namengkatoba’ dio mai kakadakeanna. Mintu’ tau iato mai susi Sodom lako Kaleku sia mintu’ pa’tondokanna sangtinti Gomora.

HOSEA 4:17

Iatu Efraim manda’ mengkale’pe’ lako rapang-rapang dipodeata. Elo’na ia!

HOSEA 4:11

Iatu gau’ sala sia uai anggoro’ sia uai anggoro’ ba’ru umpapusa penaa.

YEHEZKIEL 23:5

Iatu Ohola ma’gau’ sala, tongKu sisolapa; sia ungkamali’ mintu’ sangmatuanna, to Asyur, iamotu to mase’ponna datu,

YEREMIA 18:13

Iamoto, nakua kadanNa PUANG: Pekutananni dio lu mintu’ bangsa, mindamo mangka urrangii tu susinna te? Lendu’ ia megi’giranna tu apa napogau’ anak dara Israel!

YEREMIA 3:6

Ma’kadami PUANG lako Kaleku tonna linona datu Yosia, Nakua: Mutiroraka tu apa mangka napogau’ to Israel, to sorong boko’? Biasa male langngan mintu’ tanete madao sia diong lu garonto’ kayu maluna, anna ma’gau’ sala dio.

2 DATU 17:7

Ia sia nadipasusito tu to Israel, belanna kasalan lako PUANG, Kapenombanna, tu mangka ussolanni tu tau iato mai lan mai tondok Mesir, dio mai kuasanna Firaun, datu Mesir, sia belanna menomba lako kapenomban senga’,

1 DATU 15:30

buntu tumangna mintu’ kasalan napogau’ kalena Yerobeam, sia kasalan napa’pesuan lako to Israel umpogau’i sia mintu’ penggauranna tu umpa’dikki penaanNa PUANG, Kapenombanna to Israel.

1 DATU 12:8

Apa natumpu tu timbangan napokada mintu’ to matua-tua lako kalena, anna male ma’kombongan sola to mangura, sangbara’na, tu naala parea.

YEHEZKIEL 23:7

Ma’gau’ salamo sola tau iato mai, iamotu mintu’ anak to Asyur, to la’bi’; sola mintu’ to nakamali’, sia umpamaruttak kalena, belanna umpenombai rapang-rapang dipodeatanna.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.