HOSEA 6:1 - Sura' Madatu

¹ Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

HOSEA 6:1 Referans Kwoze

PA’TOLE 32:39

Totemo tiromi, kumua iatu Aku, Akumote, tae’ tu Kapenomban, sangadinna Aku. Aku tu ma’pamate sia ma’patuo, ke mangkaMo’ ma’kasanggang ma’pamondoNa’, sia moi misa’ tau tae’ ma’rampanan lan mai kuasangKu.

AYUB 5:18

Belanna Ia ma’pamapa’dik sia Ia ma’pamole, Ia ma’bamba sia limanNa ma’pamondo.

1 SAMUEL 2:6

PUANG tu ma’pamate sia ma’patuo; Puang tu ma’parokko lino to mate sia ma’pakendek sule.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

YESAYA 55:7

Melo ke untampei lalanna tu to tang mekaaluk sia untampe tangnga’na tu to kelok penaanna, anna mengkatoba’ lako PUANG, Nakaturu-turui Puang, sia mengkatoba’ lako Kapenombanta, belanna inang mamase liu ma’pagarri’.

YEREMIA 30:17

Belanna Aku la umpamalekeko sia umpamondoi tu bangkemu, kadanNa PUANG, tu belanna nasangaiko tau to ditibe, e Sion, tu moi misa’ tau tae’ umpekutananni.

YESAYA 2:3

Buda bangsa la ke’de’ male anna ma’kada nakua: Maikomi, anta male langngan buntunNa PUANG, langngan banuanNa Kapenombanna Yakub, anNa ada’iki’ tu diona mintu’ lalanNa, sia anta olai tu mai lalanNa, belanna lan mai Sion la nanii bu’tu sukaran aluk sia kadanna PUANG lan mai Yerusalem.

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

YEREMIA 50:4

Allo iato sia attu iato, kadanNa PUANG, pada la sae tu mintu’ to Israel sola to Yehuda, situang tangi’na undaka’ PUANG, Kapenombanna.

YEREMIA 3:22

La mengkatoba’komi, e mintu’ anak pabali-bali, angKu popa’runduanangkomi sule dio lu kapusammi. Tonganna indemokanni, saekanni lako Kalemi, belanna Kamumo PUANG, Kapenombangki.

YESAYA 30:26

Attu iato arrang bulan masero la susi arrang mata allo mapannang sia arrang mata allo la pempitu parrangna pada to arrang allo pitung allo, iamoto ke allo Nanii PUANG umbimbinni tu bangkena taunNa sia umpamondo mintu’ kama’la’poan lalan pa’bambaNa.

YEREMIA 33:5

sae tu tau urrarii to Kasdim sia umponnoi batang rabuk tu banua iato, iamotu batang rabukna to Kupatei napobua’ kasengkeangKu sia kare’dekangKu sia bannang dio mintu’ kakadakeanna angKu popentilindung lindoKu dio mai te kota iate.

PA’PUDIAN 30:7

Iatongku manaman bangpa kukua ma’kada: inang tae’ angku la tilende’ len. –

YEREMIA 30:12

Belanna nakua kadanNa PUANG: Iatu bangkemu la mupomate sia balalamu tae’mo nala mondo.

YESAYA 30:22

Attu iato la mubilang masareppak tu salaka sapu’na mintu’ rapang-rapang dipodeatammu tu dipa’ sia bulaan sapu’na mintu’ rapang-rapang dipodeatammu tu dipati’no’, sia la mutibean susito sampin marota’, ammu ma’kada: mallaiko.

ZEFANYA 2:1

Timbang meloi lan penaammi, sia mengkatoba’komi, e bangsa tang unnissan siri’,

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.

AYUB 16:9

Kare’dekan ara’Na Puang usse’buse’buna’ sia ullaoina’, Ia umpasisange’ isinNa unta’paina’, iatu Ualingku umpatibulia’ matanNa unneana’.

PA’PUDIAN 6:2

O PUANG, da Miukungna’ kasengkeamMi, sia da Mipa’di’ina’ kamare’dekamMi!

PA’PUDIAN 71:20

Kamumo tu mangka umpatiroina’ buda kamandasan sia kamaparrisan, Kamu duka sia la umpatuona’, sia la unnendekanna’ sule diong mai mangapi’na tana.

TOMANGADA’ 3:3

Den tu attu papatean sia den tu attu ma’pamondo, den tu attu mangrondon sia den tu attu ma’pate’dek.

YESAYA 17:7

Allo iato iatu tolino la mentingara lako To menampana sia iatu matanna la mentiro lako To maserona to Israel.

YEREMIA 33:6

Tonganna la Kupasikemun tu bangkena sia la Kupamondo sia la Kupamatana tu tau iato mai sia la ungkamaseanni kamakarimmanan sebo tu tae’ upu’na.

YEREMIA 50:5

Tau iato mai la umpekutanan Sion sia iatu lindona la mentingo lako; la sae anna mengkara’pa lako PUANG tete dio misa’ basse matontongan, tu tae’mo nala dikalupai len.

BATING 3:11

Natutu’ bang tu lalanku sia Nadammakna’, Napapussakna’.

HOSEA 11:10

Iatu tau iato mai la undi urrundu’ PUANG, la umburrung-burrung susi singa. Iake umburrungI, iatu mintu’ pia muane la sae dio mai rampe matampu’ sipa’parondoan.

HOSEA 12:6

iamo tu PUANG, Kapenombanna mintu’ ma’dandan maritik, PUANG tu sanganNa.

SURA’ KATOMINAAN 14:48

Apa iake saei tu to minaa natiroi, anna payan kumua iatu saki kapua tae’ namanglalla’ lan banua iato tonna mangkamo disapu’ kapu’, la napamanassa to minaa kumua maseromo, belanna pa’demo tu saki kapua iato.

2 OSSORANNA DATU 30:6

Malemi tu pebaa sura’ malinta’ umbaa sura’na datu sia mintu’ pangulunna umpasilamban-lamban Israel sia Yehuda sia ma’kada susi pepasanna datu nakua: E kamu mintu’ to Israel, tibalikmokomi sule lako PUANG. Kapenombanna Abraham, Ishak, sia Israel, anNa tibalik duka sule lako to torrona siapa, tu tilendok dio mai kuasanna to Asyur.

AYUB 22:23

Iake mengkatoba’moko lako To umpoissan angge maritik, la dibangunmoko; iake mupatoyangi tu katangmaloloan dio mai tendamu,

HOSEA 3:5

Undinnato la mengkatoba’ tu to Israel, sia undaka’ PUANG Kapenombanna, sia Daud datunna, na sae mennolo ma’parondo tu tau iato mai lako PUANG sia lako kameloanNa, – lan attu la sae.