HOSEA 5:6 - Sura' Madatu

⁶ Tau iato mai male undaka’ PUANG umbaa domba sola bembe’na sia sapinna, apa tae’ nala ungkabu’tui. Napatoyangmo Puang tu Kalena dio mai tau iato mai.

HOSEA 5:6 Referans Kwoze

YOHANES 7:34

Ammi daka’Na’, natae’ mikabu’tuiNa’, sia iatu Kuninna tae’ mibelai la ullambi’i.

SARAMBU PEADA’ 1:28

attu iato la metamba-tamba tu tau iato mai lako kaleku, apa tae’ kula mebali, la na daka’na’, apa tae’ naappa’na’.

YEHEZKIEL 8:6

Ma’kadami lako kaleku Nakua: E ma’rupa tau, mutiroraka tu apa napogau’ tau iato mai, iamotu mintu’ apa tarru’ megallian, tu napogau’ to Israel inde te, Kuurunganni umparukui torro mambela dio mai inan maindanKu? Apa la mutiropa tu ba’tu pira-pira apa tarru’ megallian.

BATING 3:44

Mipembungku’mo tu salebu’, naurungan iatu passambayang tae’ tarru’ lako Kalemi.

YEREMIA 7:4

Da mipatonganni tu kada pa’pakena, tu nakua: Iamote tu banuanNa PUANG, banuanNa PUANG, banuanNa PUANG!

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

LUKAS 5:16

Apa merrabunan tu Yesu male lako to’ kasalanna Namassambayang dio.

YEREMIA 11:11

Iamoto, nakua kadanNa PUANG: Manassa la Kuparampoi kasanggangan tu tau iato mai, natae’ nama’din tu tau iato mai lessu’ dio mai; iake meongli’i tu tau iato mai lako Kaleku, tae’ angKu la umperangii.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

PA’TENDENG BALLO 5:6

Kubungkarammi ba’ba tu andi’ pa’kaboro’ku, apa leakmo male! Mallaimi tu deatangku tonna ma’kada, malemo’ undaka’i, apa tae’ kukabu’tui, kutambai apa tae’mo napebaliina’.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

KATASSURAN 10:9

Ma’kadami tu Musa nakua: Mintu’kanni la male la matua, la mangura sia mintu’ anakki muane sia baine sia la ungkaloli’kanni mintu’ sapingki sia dombaki belanna diomo kaleki tu misa’ pa’gauran lako PUANG.

MIKHA 3:4

Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

YEREMIA 11:14

Iato iko, da mupassambayanganni te bangsa iate sia da mupangandoanni ba’tu umpengkamoyanni, belanna tae’ Kuperangii, ke metambai lako Kaleku diona kamaparrisanna.

YEREMIA 14:12

Moi anna ma’puasa tu tau iato mai, tae’ duka Kuperangii tu petambana, sia moi anna pemalaran pemala’ ditunu pu’pu’ sia kande dipemalaran, tae’ duka nakalo’i penaangKu, sangadinna la Kumangsanni pa’dang sia karorian sia ra’ba biang.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

MALEAKHI 1:10

Melo ke den misa’ tau dio kalemi, tu untutu’ ba’ba, kumua da mipadukku punala bang api dao inan pemalarangKu! Tae’ nakalo’komi penaangKu, kadanNa PUANGna mintu’ ma’dandan maritik, sia tae’ Kuporai tu pemala’ natangke limammi.

AMOS 8:12

Attu iato la salamba salao tu tau iato mai ullelei tasik, sia ma’lele-lele daa mai rampe daanna lu sae lako rampe matallo, la undaka’ kadanNa PUANG, apa tae’ nala unnappa’i tau iato mai.