HOSEA 4:8 - Sura' Madatu

⁸ Tau iato mai unnappa’ kandena dio mai kasalanna taungKu sia iatu kamoraianna ma’palulako kakelokanna.

HOSEA 4:8 Referans Kwoze

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

TITUS 1:11

Tu sipatu dikamummu’ sadangna, tu umbalittua’ tau lan lu tananan dapo’na, diona umpa’pangadaran tang sipato’na, belanna mesaro bu’tu kadake.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

1 SAMUEL 2:29

Ma’apai natae’ mudampangi tu pemala’ sia kande dipemalaran lako Kaleku, tu Kupepasanan la dipaden lan banuangKu, sia mupakala’bi’i tu anakmu losong na Aku, sia mipemalompoan kalemi tu mammi’na mintu’ kande napemalaran to Israel, taungKu.

SURA’ KATOMINAAN 6:26

Iatu to minaa umpemalaran suru’ pengkalossoran la nakande: la nakande dio inan maindan, iamotu dio tarampak Tenda Kasitammuan.

ROMA 16:18

Belanna iatu to susito, tangia to mekapuang lako Puangta Kristus, sangadinna umpopuang tambukna; sia mamming bang kadanna sia male’so’ untua’ ba’tangi to mai to ma’inaa sangkaloloan.

MALEAKHI 1:10

Melo ke den misa’ tau dio kalemi, tu untutu’ ba’ba, kumua da mipadukku punala bang api dao inan pemalarangKu! Tae’ nakalo’komi penaangKu, kadanNa PUANGna mintu’ ma’dandan maritik, sia tae’ Kuporai tu pemala’ natangke limammi.

PA’PUDIAN 24:4

Iamotu to masero pindan limanna sia sallo’ penaanna, tu tang ungkabarii tang kebattuanna, sia tang umpalao sumpa tang tongan.

YEHEZKIEL 14:7

Belanna minda-minda tu mai to Israel ba’tu to salian lembang, tu mempue dio to Israel, tu umboko’iNa’ sia umpalan penaanna rapang-rapang dipodeatanna sia umpatulangdanni sipatu lindona tu katitodoan sae lako tobang rokko kakadakean, sia sae umpessitammui nabi la mekutana lako Kaleku nalopian nabi – Akumo, PUANG, tu la umbalii.

YEHEZKIEL 14:3

E ma’rupa tau, iate tau iate mai napalanpa penaanna tu rapang-rapang dipodeata sia napatulangdan sipatu lindona tu katitodoan sae lako tobang rokko kakadakean; ma’dinparaka la Kueloran tu tau iato mai sae mekutana lako Kaleku?

PA’PUDIAN 25:1

Pa’pudianna Daud. O PUANG, mati’ Kalemi kunii umpassare penaangku.

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

HOSEA 10:13

Untengkomokomi katangmekaalukan sia urrampunmokomi kakadakean; ungkandemokomi bura padang kamo’rangan, belanna murannuammo tu lalanmu sia kabudanna to lalongmu.

HOSEA 12:8

Iatu Kanaan – lan lu limanna tu timbangan ma’pakena, ia umpogau’ pakira-kira.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

SURA’ KATOMINAAN 6:22

Iatu to minaa, tu la ditokko dio mai mintu’ anakna la ussondai la umpogau’i tu iannate; iamote tu misa’ apa dipondok matontongan; la ditunu pu’pu’ dipemalaran lako PUANG.

2 DATU 12:16

Iatu doi’ pemala’ suru’ pangakuan sala sia suru’ pengkalossoran tae’ nadibaa tama banuanNa PUANG, sangadinna diben to minaa.