HOSEA 4:2 - Sura' Madatu

² Ma’tampakki ropu, mo’rang, papatean, boko sia pasandak salu lako rampanan kapa’! Kamasa’garan sia kaumpatibolloan rara situru’-turu’.

HOSEA 4:2 Referans Kwoze

HOSEA 6:9

Iato tuntunan to minaa mangodo’ susito pa’gora’, umpatei tau dio lu lalan lako Sikhem. Inang umpogau’ gau’ liu kadake tu tau iato mai.

1 TESALONIKA 2:15

tu mangka umpatei Puang Yesu sia ba’tu pira-pira duka nabi, sia mangka ullolaikanni sun. Tau iato tang Naporai Puang Matua sia unnea mintu’ tolino,

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

HOSEA 7:1

IangKu la umpakatanai sule tu to Israel, la payan tu kakelokanna Efraim sia kakadakeanna Samaria. Belanna ma’pakena bang: tama bang tu to boko, anna mangrampa tuntunan pa’gora’ dio salian.

YEREMIA 6:7

Susi bubun batu umpamadingin bang uai, susi dukato napamadingin bang tu kakadakeanna; kamasa’garan sia pa’pakario-rio manna dirangi lan, balala sia pebamba tontong bang dio pentiroKu.

KADA OMBO’ LAKO RASULU’ YOHANES 17:6

Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.

PENGGAURANNA RASULU’ 7:52

Umbara tu nabi tang napakario-rio nene’ to dolomi? Napatei duka tu mintu’ to umpokada doloi tu diona kasaeanNa tu To malambu’, tu mane mangka mipa’peturoan sia mipatei.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

ZAKHARIA 7:9

Inde sia tu kadanNa PUANGna mintu’ ma’dandan maritik, Nakua: La bulo lollongkomi ma’paolai salu sia sipatiroangkomi pa’kaboro’ sia kamamasean;

ZAKHARIA 5:3

Ma’kadami lako kaleku nakua: Iamote tu tampak ropu, tu tassu’ lako mintu’ tondok: situru’ sura’ iate minda-minda tu boko manassa la disabu’i randuk attu iate, sia situru’ sura’ iate minda-minda tu umpalao sumpa tang tongan la disabu’i randuk attu iate.

ZEFANYA 3:1

Upu’ allona tu kota pabali-bali, sia maruttak sia ma’pakario-rio.

MIKHA 6:10

Denparaka lan banuanna to tang mekaaluk tu ba’tu pira-pira ianan bu’tu tete dio katangmekaalukan sia epa tang ganna’ tu ditampakki ropu?

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

MIKHA 3:2

Mikagi’gi tu melona, ammi kabarii tu kadakena, mikalekei tu kuli’na sia issinna dio mai bukunna tau iato mai.

HOSEA 12:14

Apa tete dio misa’ nabi anNa solanni PUANG tu to Israel lan mai Mesir, sia tete dio misa’ nabi anna dikambi’i.

HOSEA 10:4

Tau iato mai ma’kada tang kebattuan: umpalao sumpa tang tongan sia untanan punala basse. Sia la bu’tu tu ukungan susi lelating tuo lan lu gorri’ pa’lak.

HOSEA 7:3

Napasende kakadakeanna tau iato mai tu datu sia mo’rangna tu mai arung.

HOSEA 5:2

Iatu to sorong boko’ ungkalimo misa’ patuang lambe’; na Aku nasuale pala’ sola nasangi.

BATING 4:13

Iatu iannato buntu tumangna kasalanna tu mai nabinna, sia kakadakeanna tu mai to minaanna, tu mangka umpatibollo rarana to malambu’ lan tangnga-tangngana Yerusalem.

YESAYA 48:1

Perangii te, e bati’na Yakub, tu ungganti kalena Israel, sia tu bu’tu lan mai kalimbuangna Yehuda, umposumpa sanganNa PUANG sia ungkatonganni Kapenombanna to Israel, – apa tae’ nasituang kamanapparan sia kamaloloan –

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

KADADIAN 4:8

Nakuami tu Kain ungkuan Habel, adinna: (Talao lako padang.) Iatonna diomo lu padang sola duai, nabobo’mi Kain tu Habel, adinna, napatei.

PA’TOLE 5:11

Da’ musa’bu’ punala bangi tu sanganNa PUANG, Kapenombammu, belanna tae’ Nabilang maseroi PUANG dio mai kasalan tu to ussa’bu’ punala bangi tu sanganNa.

PA’TOLE 5:18

Da’ mupasandak salu lako rampanan kapa’.

PA’TOLE 5:19

Da’ muboko.

YEREMIA 51:5

Belanna iatu to Israel sia to Yehuda tae’ anNa patorro to balui Kapenombanna, PUANGna mintu’ ma’dandan maritik, moi nakabu’i kakadakean tu tondokna umbali-bali Tomaserona to Israel.

YEHEZKIEL 7:23

Parandanni tu misa’ rante, belanna iatu tondok ponnomo indan to’doan rara sia iatu kota ponnomo kamasa’garan.

HOSEA 6:8

Iatu Gilead misa’ tondok ponno patoro’ buku, naponnoi katibolloan rara.

HOSEA 7:4

Mintu’ tau iato mai pasandak salu lako rampanan kapa’, butung to dapo’ tang pa’de apinna, moi na iatu to unggaragai roti tae’mo umpadukku apinna, belanna ullemun ta’pung, sae lako messu’mo.

HOSEA 10:13

Untengkomokomi katangmekaalukan sia urrampunmokomi kakadakean; ungkandemokomi bura padang kamo’rangan, belanna murannuammo tu lalanmu sia kabudanna to lalongmu.