HOSEA 4:18 - Sura' Madatu

¹⁸ Iake tae’mo namalango, umpogau’omi gau’ kadake tang untandai siri’. Iatu balulangna tau iato mai ungkamali’ tongan kamatunan.

HOSEA 4:18 Referans Kwoze

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

AMOS 5:12

Belanna Kuissan, kumua tumbai budanna tu kapatodo tintingammi sia tumbai makambanna tu kasalammi; mipapussak tu to malambu’, ungkandekomi pappe’ sia mitumpu tu to mase-mase lan lu babangan.

HOSEA 4:10

La kumande tu tau iato, apa tae’ anna dia’, la ma’gau’ sala, apa tae’ namemba’ka’, belanna tae’mo namakaritutu menomba lako PUANG.

HOSEA 4:2

Ma’tampakki ropu, mo’rang, papatean, boko sia pasandak salu lako rampanan kapa’! Kamasa’garan sia kaumpatibolloan rara situru’-turu’.

YEREMIA 2:21

Tang mangkarokoka Kutanan susi garonto’ anggoro’ pa’tonno’, susi banne tang karauan; ma’patumbai ammu dadi tangke tang membuanna garonto’ anggoro’ pangala’ lako Kaleku!

PA’PUDIAN 47:9

Puang Matua umparentai tu mintu’ bangsa, sia Puang Matua unnisungi isungan kapayungan maindanNa.

1 SAMUEL 8:3

Apa iatu anakna tae’ naturu’ bate lalanna ambe’na, sangadinna ungkabudai kamanengkengan, ungkande pappe’ sia ulleko’ katonganan.

PA’TOLE 16:19

Da mupakelokki tu salunna; da mumentiro lindo sia da mutarima pappe’. Belanna iatu pappe’ umpabuta mata to kinaa, sia ulleko’ kada to tongan.

KATASSURAN 23:8

Sia da mutarima pappe’, belanna iatu pappe’ umpabuta to pakita sia umputa’-puta’ kara-karana to tang sala.

KADADIAN 38:24

Denmi agi-agi tallung bulan to, napokadami tau lako Yehuda nakua: Iatu Tamar, minintummu ma’gau’ salamo sia kia’tang bule’mo. Nakuami tu Yehuda: Solanni sae naditambenan kayu buangin.

HOSEA 9:10

Kukabu’tuimo tu Israel susi bua anggoro’ dio padang pangallaran; iatu nene’ to dolomi Kutiro susi bua ara bunga’, iamotu pamulanna dio garonto’ ara. Apa tau iato mai male lako Baal-Peor, sia mengkaola lako deata mesirisan; iamoto megallian tu tau iato mai susitu apa nakamali’.

YEHEZKIEL 16:15

Apa sande’ lakomoko kamaballoammu sia ma’gau’ salamoko, belanna madongnga’ko tete dio sanga tarompo’mu sia umparri-parri gau’ salamu sola mintu’ to lendu’: anna laoiko.