HOSEA 4:16 - Sura' Madatu

¹⁶ Belanna iatu to Israel tang sopati susi sapi tang sopati. Ma’dinraka la Nakambi’ PUANG susi misa’ domba dio lu padang kalua’?

HOSEA 4:16 Referans Kwoze

ZAKHARIA 7:11

Apa manoka ma’perangi tu tau iato mai, umpatanan palempengna la mangea sia nasissing tu talinganna, da naperangii.

HOSEA 11:7

Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YEREMIA 8:5

Ma’apai te bangsa iate nadisangai: To sorong boko’ na iate Yerusalem: To sorong boko’ tarru’? La’ka’ bang lako pa’pakena, sia mengkailing tu tau iato mai mengkatoba’.

YEREMIA 7:24

Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,

YEREMIA 5:6

Iamoto anna dammakki singa lan mai pangala’ tu tau iato mai sia nasanggangi guruk lan mai padang aak sia naodo’ arimau buluh tu mintu’ kotana, naminda-minda tu tassu’ lan mai la nase’bu-se’bu, belanna budamo tu kasalanna sia tang dikemba’mo tu kakelokanna.

YEREMIA 3:11

Iamoto Nama’kada PUANG lako kaleku Nakua: Iatu Israel, to sorong boko’ umpatandan kalena kumua malambu’ na iatu Yehuda, to tang maruru’.

YEREMIA 3:8

Apa Kutiro, tongKu mangka untibei tu Israel, to sorong boko’ sia Kuben sura’ kasitantangan belanna diona mintu’ gau’ sala napogau’, iaomi tu Yehuda sangbainena to tang maruru’, tae’ namataku’, sangadinna male duka ma’gau’ sala;

YEREMIA 3:6

Ma’kadami PUANG lako Kaleku tonna linona datu Yosia, Nakua: Mutiroraka tu apa mangka napogau’ to Israel, to sorong boko’? Biasa male langngan mintu’ tanete madao sia diong lu garonto’ kayu maluna, anna ma’gau’ sala dio.

YESAYA 22:18

Manda’ko nalemun susi panglemun, (Napembuangangko) susi raga lako padang tang dikita randanna; inde to la munii mate, anna la matumbami tu mai kareta ballomu, e! iko tu untumang banuanna puangmu!

YESAYA 5:17

Na iatu mai anak domba la ungkande riu dio lu sangtinti dio lu pa’pasanganna, sia to salian lembang la sae undaka’ barang apa dio to’ daun lauanna to malompo.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.

SURA’ KATOMINAAN 26:33

Apa iatu kamu, la Kupasisarak-sarakkomi dio lu mintu’ bangsa sia la Kunonok tu pa’dang dio boko’mi sia la mempadang lo’bang tu tondokmi sia iatu kotami la daun lauan.

PA’PUDIAN 78:8

Sia da nasusi nene’ to dolona tu tau iato mai, iamotu misa’ osso’ matoro sia battuk, iamotu misa’ osso’ tang ma’to’ tu penaanna, sia tae’ anna la’ka’ lako Puang Matua tu penaanna.

YESAYA 30:23

Puang la umpasaeanni uran tu banne muambo’ dio lu bela’mu, sia umpa’bengan roti bu’tu dio mai bura padangmu la mammi’ dikande sia ma’pamatoto’ sia allo iato mintu’ patuoammu la undaka’ kande dio lu padang malona’.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

HOSEA 10:11

Iatu Efraim misa’ sapi mangura diada’imo, tu moraimo dipanglulluran: apa Kukasayangi tu sokkong melona. La Kuayokai tu Efraim, sia la dipa’tengkoan tu Yehuda sia la dipassalagan tu Yakub.

HOSEA 11:6

Iatu pa’dang la unta’pai tu mai kotana sia la ussanggangi tu salli’ babangan kotana sia la naimbakan tiku lao, natumang pa’tangngaranna.