HOSEA 4:14 - Sura' Madatu

¹⁴ Tae’ angKu la umpapakkanni tu gau’ salana tu mai anakmi baine sia tu pasandak salunna tu mai minintummi baine. Belanna ia kalena tu tau iato mai male senga’ ussolan baine bualang, sia umpennoloan pemala’ sola to ma’gau’ sala dio to’ dipa’deatainna. Susimo to tu bangsa tae’ inaanna manassa la sanggang.

HOSEA 4:14 Referans Kwoze

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

IBRANI 12:8

Apa iake tae’i midiada’, anna mintu’mo ia anak unnappa’ kataananna, kamumo tu anak bule’, tangia anak tongan.

EFESUS 4:18

tu dipamalillinmo tangnga’na sia nasarakkimo kabagan lan kalena dio mai katuoan lu dio mai Puang Matua, belanna kamakarrasanna penaanna.

1 KORINTUS 6:16

Ba’tu tae’raka miissanni kumua iatu to sisola to sala’ kedo, sisangkale? Belanna Nakua Puang: La mendadi sangkale sola duai.

ROMA 3:11

tae’ tau misa’ manarang, tae’ tau misa’ undaka’ Puang Matua;

YOHANES 8:43

Ma’apari natae’ miissanni tu laoan kadangKu? Tu belanna tae’ miissanni umperangii te kadangKu.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

HOSEA 4:17

Iatu Efraim manda’ mengkale’pe’ lako rapang-rapang dipodeata. Elo’na ia!

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

YESAYA 56:11

Sia asu iate soko, tae’ natandai dia’; iatu tau iato mai iamoto mangkambi’ tang makaritutu, pada unturu’ kalena lalanna, pada umparinaa kalena sarona, tae’ misa’i dipasalian rinding.

YESAYA 1:5

Apapa gai’mi diada’? Belanna samemboko’-boko’mi bangmo. Mintu’ ulummi sipa’dikan, sia puru’mo tu penaammi.

SARAMBU PEADA’ 28:5

Iatu to kadake tae’ natandai tu malolona, apa minda-minda undaka’ PUANG natandai nasang.

2 DATU 23:7

Narondonnimi tu mintu’ inan to ma’gau’ sala dio to’ dipa’deatainna lan banuanNa PUANG, tu inan nanii baine biasa ma’tannun sampin dipakean Asyera.

1 DATU 15:12

Naula’i lan mai tondok tu mai to ma’gau’ sala dio to’ dipa’deatainna sia napembuangan tu mintu’ rapang-rapang dipodeata nagaragai nene’ to dolona.

PA’TOLE 23:17

Dio lu baine to Israel tae’ nama’din den tu baine ma’gau’ sala dio to’ dipa’deatainna, sia dio lu muane to Israel tae’ duka nama’din den tu muane ma’gau’ sala dio to’ dipa’deatainna.

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

AMOS 2:7

Nakaduangi ke nasamboi barra’-barra’ tu ulunna to bongko sia ulleko’ lalanna to tang pa’bela; sia misa’ tu pia muane sola ambe’na male ma’gau’ sala lako misa’ baine mangura, la umpamatuna sanga madatungKu.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

KADIBILANGAN 25:3

Iatu to Israel menturu’mo lako Baal-Peor, iamoto anna dukku tu kasengkeanNa PUANG ullaoi Israel,

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.