HOSEA 4:13 - Sura' Madatu

¹³ Umbaa pemala’ dao lu bottona mintu’ buntu sia umpennoloan pemala’ ditunu dao lu mintu’ tanete, iamo tu diong to’ garonto’ pallin, libne sia tarpin, belanna masakka’ naonganni. Iamoto anna ma’gau’ sala tu anakmi baine sia pasandak salu tu minintummi baine.

HOSEA 4:13 Referans Kwoze

YESAYA 1:29

La masiri’komi natumang tu mintu’ tarpin mangka mikamali’, sia maila’komi napobua’ tu mintu’ pa’lak pura mipilei langsa’.

YEHEZKIEL 6:13

Attu iato la mitandai, kumua Akumo tu PUANG, ke tibambangmi tu to matena tau iato mai lan lu tangnga rapang-rapang dipodeatanna tiku lao inan pemalaranna dao lu mintu’ tanete madao, dao lu mintu’ botto buntu, diong lu mintu’ garonto’ kayu maluna sia diong lu mintu’ kayu tarpin makampu, tu nanii tu tau iato mai untunu apa busarungngu’ lako mintu’ rapang-rapang dipodeatanna.

YEREMIA 3:6

Ma’kadami PUANG lako Kaleku tonna linona datu Yosia, Nakua: Mutiroraka tu apa mangka napogau’ to Israel, to sorong boko’? Biasa male langngan mintu’ tanete madao sia diong lu garonto’ kayu maluna, anna ma’gau’ sala dio.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

HOSEA 11:2

Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

HOSEA 2:13

Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

YEHEZKIEL 16:25

Dio lu mintu’ kasitammuan lalan munii umpate’dek palangka, ammu bala’-bala’ kamaballoammu, sia tang masiri’ko umpopa’elo’na kalemu lako mintu’ to lendu’ sia makambanmo gau’ sala mupogau’.

YEHEZKIEL 16:16

Mualai tu tamangkalemu, mupa’beloanni inan madao, dinii memala’, anna ma’ba’na sura’na, anna inde to dao munii ma’gau’ sala; tae’ bangpa nadipogau’ tu susinna to, sia tae’ bangpa nadadi len.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

YEREMIA 2:20

Belanna tempon diopa mai ammu tessei tu ayokamu sia muka’tuan tu peporimmu ammu ma’kada kumua: Manokamo’ la dipokaunan. Apa dio lu mintu’ tanete malangka’ sia diong lu garonto’ kayu maluna munii mamma’ ma’gau’ sala.

YESAYA 57:7

Umparandanko patindoammu dao kalandona buntu; ia dukato inan iato munii kendek umbaa pemala’ pangrere’.

YESAYA 57:5

E kamu, to umpasau kamoraiammi dio to’ garonto’ kayu tarpin sia diong lu mintu’ garonto’ kayu maluna; sia kamu tu urrere’ anakmi diong lu mintu’ lombok sia lan lu mintu’ sapak buntu batu.

YEREMIA 44:8

Sia mipa’dikki tu penaangKu diona mintu’ panggaraga limammi, belanna memala’komi lako kapenomban senga’ dio tana Mesir, tu miniimo male la mentiruan, ammi dadimo tampak ropu sia kaditattan dio lu mintu’ bangsa dao kuli’na padang.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

2 DATU 17:7

Ia sia nadipasusito tu to Israel, belanna kasalan lako PUANG, Kapenombanna, tu mangka ussolanni tu tau iato mai lan mai tondok Mesir, dio mai kuasanna Firaun, datu Mesir, sia belanna menomba lako kapenomban senga’,

2 DATU 23:7

Narondonnimi tu mintu’ inan to ma’gau’ sala dio to’ dipa’deatainna lan banuanNa PUANG, tu inan nanii baine biasa ma’tannun sampin dipakean Asyera.