HOSEA 4:12 - Sura' Madatu

¹² Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

HOSEA 4:12 Referans Kwoze

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

YEREMIA 2:27

tu ma’kada lako sanglongki’ kayu, nakua: Kamumo tu ambe’ku, na lako misa’ batu, nakua: Kamumo tu undadianna’. Belanna natanananNa’ sokkongna tu tau iato mai, tangia lindona, apa iatonna kamaparrisanna, ma’kadami nakua: Ke’de’Komi o Puang, amMi rampanangkanni!

HABAKUK 2:19

Upu’ allona tu to ma’kada lako kayu sanglontok, nakua: Malimbangunko sia lako misa’ batu mamang, nakua: Pana’dingko, Ma’dinraka tu apa iato mai la mangada’? Manassa moi disapu’ bulaan sia salaka, apa tae’ duka penaa lan.

PA’TOLE 31:16

Ma’kadami tu PUANG lako Musa, Nakua: Manassa la malemoko tama batu dilobang dipasola nene’ to dolomu, na iatu bangsa iate la male unturu’ kapenomban senga’na tondok, tu nanii tama, susito pasandak salu lako rampanan kapa’ sia la umboko’iNa’ sia umpoka basseKu, tu mangka Kutanan sola.

KADIBILANGAN 15:39

Iatu iannato la miporombe-rombe; iake mitiroi lako, la umpakilalakomi tu mintu’ pepasanNa PUANG ammi karitutui tang unturu’ tangnga’ bu’tu lan penaammi ba’tu pa’poraianna matammi, da midinaran la pasandak salu lako rampanan kapa’,

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

HOSEA 9:1

Da musende-sende, e Israel, ammu mela’tek-la’tek, susi mintu’ bangsa, belanna sorong boko’moko dio mai Kapenombammu sia pasandak salu lako rampanan kapa’, ammu kamorai saro gau’ sala dao lu mintu’ panglulluran gandung.

YEHEZKIEL 21:21

Belanna iatu datu Babel la bendan dio kasisarakan lalan, iamotu dio to’ pamulanna da’dua lalan, nanii ma’biangi; la narogan tu anak pana; la nakutanai tu balo’ tau, ia la ma’pepa’du.

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

PA’PUDIAN 73:27

Belanna mintu’ to untoyangammoKomi, manassa la sanggang, ondongpi, iatu to untampeKomi ma’baliara’ senga’ la Miroto’i.

2 OSSORANNA DATU 21:13

sangadinna unturu’ko bate lalanna tu mai datu Israel, sia unnada’i to Yehuda sia pa’tondokan Yerusalem umpenombai deata susito lan tongkonan layukna Ahab, ondongpi belanna mupatei duka tu mintu’ siulu’mu, tu musangamberan, tu mandu melo na iko, –

SURA’ KATOMINAAN 20:5

manassa la Kupapatui lindoKu umpamandasai tu tau iato sola pa’rapuanna sia la Kusabu’i dio mai bangsana tu tau iato sola mintu’ to unturu’i umpengkaolai Molokh anna ma’gau’ sala.

SURA’ KATOMINAAN 17:7

Sia damo napemalaranni tu pemala’na lako ampu padang tu napengkaolai ma’gau’ sala. Iamote tu la dadi atoran matontongan lako tau iato mai la nasiosso’i.

PA’PUDIAN 106:39

Susimoto nanii urruttakki tu kalena tete dio gau’na, sia ma’gau’ sala bannang dio penggauranna.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

TO PARENGNGE’ 18:5

Ma’kadami tu tau iato lako nakua: La mekutanapakomi lako Puang Matua, angki issanni kumua ba’tu maupa’ siakan lan te kalingkangki.

2 DATU 17:7

Ia sia nadipasusito tu to Israel, belanna kasalan lako PUANG, Kapenombanna, tu mangka ussolanni tu tau iato mai lan mai tondok Mesir, dio mai kuasanna Firaun, datu Mesir, sia belanna menomba lako kapenomban senga’,

YEREMIA 23:13

Tonganna Kutiro tu apa umpa’dikki penaa dio lu mintu’ to minaa Samaria: iatu tau iato mai ma’nubua’ tete dio Baal sia umpapusa taungKu Israel.

YEHEZKIEL 20:32

Sia apa tu bu’tu lan penaammi, inang tae’ anna la lolo’, tu mikua: la susikanni tu bangsa iato, la susikanni tu suku lan tondok iato la menomba lako kayu sia batu.

HOSEA 6:10

Dio lu bati’na Israel Kutiro tu apa megi’giran: inde to dio nanii Efraim ma’gau’ sala sia Israel urruttakki kalena.