HOSEA 4:11 - Sura' Madatu

¹¹ Iatu gau’ sala sia uai anggoro’ sia uai anggoro’ ba’ru umpapusa penaa.

HOSEA 4:11 Referans Kwoze

SARAMBU PEADA’ 20:1

Iatu anggoro’ sangtinti to patelle-telle sia iatu melangona ke diiru’i mongngo’ bang, minda-minda unturusanni tae’ nakinaa.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

YESAYA 28:7

Ia duka te tau iate mai re’ba len napobua’ uai anggoro’ sia tumbang len naginta’ tuak palango; moi dukato minaa sia nabi re’ba len napobua’ tuak palango, pusa natumang uai anggoro’, tumbang len napobua’ tuak palango, tire’ba len lan patiro mendeata, titu’mu’ len untingayo pa’bisaran.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

TOMANGADA’ 7:7

Tonganna iatu pa’pakario-rio umpopendadi baga to kinaa sia iatu pappe’ ungkadakei penaa.

SARAMBU PEADA’ 6:32

Minda-minda tu ma’pangan buni sola misa’ baine, iamoto tae’ inaanna; minda-minda tu umpogau’i te, ussanggang kalena.

SURA’ KATOMINAAN 10:9

Da muiru’ uai anggoro’ ba’tu pangiru’ mepamalango, moi iko moi anakmu, ke tamakomi Tenda Kasitammuan, kumua da ammi mate – iamote tu apa dipondok matontongan la misiosso’i;

1 SAMUEL 25:36

Iatonna rampomo tu Abigail lako Nabal, natiromi: lan banuanna den misa’ pa’maruasan susi pa’maruasan datu sia parannu paiman tu penaanna Nabal sia lendu’ ia malangona. Iamoto anna moi sangbuku kada tae’ napokada Abigail lako kalena, la kapua, la bitti’ sae lako melambi’na.

SARAMBU PEADA’ 31:4

Tang sipatu tu mai datu, e Lemuel, tang sipatu tu mai datu, ke pa’anggoro’i, sia iatu mai to paa ungkaduangi pangiru’ palango,

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

YEREMIA 23:13

Tonganna Kutiro tu apa umpa’dikki penaa dio lu mintu’ to minaa Samaria: iatu tau iato mai ma’nubua’ tete dio Baal sia umpapusa taungKu Israel.

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.