HOSEA 4:10 - Sura' Madatu

¹⁰ La kumande tu tau iato, apa tae’ anna dia’, la ma’gau’ sala, apa tae’ namemba’ka’, belanna tae’mo namakaritutu menomba lako PUANG.

HOSEA 4:10 Referans Kwoze

MIKHA 6:14

La kumandeko, apa tae’ mula dia’, sangadinna iatu katangdiaran la torro lan tambukmu; la umpallaiangko apa-apa, apa tae’ mula unnannai; sia apa-apa tu munanna, la Kusorong lako pa’dang.

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

HAGAI 1:6

Buda tu miambo’, apa ia tu mialanna sidi’ri; kumandekomi, apa tae’ midia’; mangiru’komi, apa tae’ nabossakomi, ma’pakeankomi, apa tae’ namalassu tu kalemi, sia minda-minda tu male sumaro, untarima sarona lan poro’-poro’ lo’po’.

ZEFANYA 1:6

sia mintu’ tau iato mai, tu umboko’i PUANG sia tae’ nadaka’ PUANG sia tae’ nareke’ Puang la mekutana.

HOSEA 4:14

Tae’ angKu la umpapakkanni tu gau’ salana tu mai anakmi baine sia tu pasandak salunna tu mai minintummi baine. Belanna ia kalena tu tau iato mai male senga’ ussolan baine bualang, sia umpennoloan pemala’ sola to ma’gau’ sala dio to’ dipa’deatainna. Susimo to tu bangsa tae’ inaanna manassa la sanggang.

YEHEZKIEL 18:24

Apa ianna balik dio mai gau’ malambu’na tu to malambu’, anna umpogau’ tang malambu’ unturu mintu’ apa megallian, tu napogau’ to tang mekaaluk – la tuoraka? Moi misa’ tu mintu’ apa malambu’ mangka napogau’ tae’mo nala dibilang. Belanna diona katangmarurusan tu mangka napalalo sia diona kasalan mangka napogau’, iamoto nala mate.

SARAMBU PEADA’ 13:25

Iatu to malambu’ la kumande sadia’na, apa iatu tambukna to tang mekaaluk la lo’bang.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 36:3

Belanna naa’panmo ia kasalan tu penaanna, diona kaungkanassan, kumua sipatu la dikabiri’ tu kakadakeanna.

2 OSSORANNA DATU 24:17

Apa iatonna matemo tu Yoyada saemi tu mintu’ pangulu to Yehuda menomba lako datu; naperangiimi datu tu tau iato mai.

YEREMIA 34:15

Apa totemo mengkatoba’mokomi sia umpogau’ apa malolo dio pentiroKu sia pada umpetambammokomi katomakakan lako solana sia mangkamokomi untanan basse dio oloKu lan banua, tu dinii ussa’bu’ sangangKu.

YEHEZKIEL 22:9

Lan lu tangngamu den tu to ma’palele beko umpembelai la umpatibollo rara sia iatu to lan kotamu umpogau’ pemala’ dao lu buntu; sia lan tangngamu nanii to ma’gau’ sala.

HOSEA 7:4

Mintu’ tau iato mai pasandak salu lako rampanan kapa’, butung to dapo’ tang pa’de apinna, moi na iatu to unggaragai roti tae’mo umpadukku apinna, belanna ullemun ta’pung, sae lako messu’mo.

YEREMIA 9:12

Mindara tu paissan la untandai te apa iate? Mindara tu mangka Nanii PUANG ma’kada, naurungan ma’din umpa’peissananni, kumua apa bannangna anna sanggang te padang iate sia talo susi padang pangallaran to moi misa’ tau tae’mo unnolai?