HOSEA 4:1 - Sura' Madatu

¹ Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

HOSEA 4:1 Referans Kwoze

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

MIKHA 6:2

Perangii, e mintu’ buntu, tu pa’parapa’Na PUANG, sia kamu duka, e parandanganna lino, tu tang tigoyang. Belanna ma’parapa’mo tu PUANG unnea taunNa, sia la sikara-kara Israel.

1 KORINTUS 15:34

La mengkilalamokomi situru’ sipato’na sia da’mo mipengkaolai kasalan: belanna denkomi pira tu tang untandai Puang Matua. Ia sia kupokadai te kumua ammi masiri’.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;

HOSEA 12:2

Iatu Efraim umpodia’ angin sia situ’turan allo unnula’ angin matallo; napapa’i bang tu kamo’rangan sia kasanggangan. Untanan basse sola Asyur na iatu minna’ dibaa lako Mesir.

YEREMIA 25:31

Rorakmo lako randan langi’ tu ongngo’na tananan ra’, belanna PUANG untoe kara-karana mintu’ bangsa sia umpaolai salu mintu’ tolino; sia ussorongi tu to tang mekaaluk lako kandean pa’dang, kadanNa PUANG.

YEREMIA 5:4

Apa kukua, iatu tau iato mai bongko; tau iato mai baga liu, belanna tae’ natandai tu lalanNa PUANG sia katongananNa Kapenombanna.

YESAYA 34:1

E mintu’ bangsa, mengkareke’mokomi ma’perangi, e mintu’ to sangpetayanan tanannimi talinga; melo ke ma’perangii tu lino sola mintu’ issinna sia kuli’na padang sola mintu’ tu tuona diong mai.

YESAYA 1:18

Ammi mane male mai ma’tutu Kupaolaikomi salu, kadanNa PUANG, moi anna susi kaseda tu kasalammi, manassa la memmabusa susi ambun makko, moi anna mararang susi karamisi, manassa la memmabussang ten to bulu domba.

KADA OMBO’ LAKO RASULU’ YOHANES 2:29

Minda-minda ketalinga la naperangii tu apa Napokada Penaa lako mintu’ kombongan.

KADA OMBO’ LAKO RASULU’ YOHANES 2:11

Minda-minda ketalinga la naperangii tu apa Napokada Penaa lako mintu’ kombongan na iatu to patalo tae’ nala urrua lenni kasanggangan kamatean ma’penduan.

YOHANES 8:55

Tae’ kamu mitandai, apa Aku Kutandai. Iake Kukua kumua, tae’ Kutandai, manassa susi bangsiaNa’ kamu mo’rang; apa Kutandai Aku sia Kukaritutui tu kadanNa.

AMOS 7:16

Iamoto, perangii tu kadanNa PUANG. Ma’kadako mukua: Da muma’nubua’ diona ukungan diparampo lako Israel sia da mupalolong kada diona ukunganna bati’na Ishak.

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YEREMIA 34:4

Moi na susito, perangii dukai tu kadanNa PUANG, e Zedekia, datu Yehuda! Inde sia tu kadanNa PUANG tu diona kamu: Tae’ mula mate nakande pa’dang.

YEREMIA 19:3

kumua: Perangii tu kadanNa PUANG, e mintu’ datu Yehuda sia mintu’ to lan Yerusalem. Nakua kadanNa PUANGna mintu’ ma’dandan maritik, Kapenombanna to Israel: Manassa Aku la umparampoi kasanggangan te inan iate, naurungan tilanta’ lan talinganna minda-minda tu umperangii.

YEREMIA 9:20

Iamoto, e kamu mintu’ baine, perangiimi tu kadanNa PUANG, la mitanding talinga tu kada sun dio pudukNa; ada’i tu mintu’ anakna baine umbating sia siadarangkomi ma’rio-rio:

YEREMIA 7:28

Iamoto la mupokada tu diona a’ganna, kumua: Iamote tu misa’ bangsa, tu tang umperangii kadanNa PUANG, Kapenombanna sia untumpu peada’; iatu kabulo-lollongan sisayurammo sia kada tang tongan mannamo dio pudukna.

YEREMIA 6:13

Belanna tau iato mai randuk dio mai to bitti’ sae lako to kapua undaka’ bang saro bu’tu kadake; mintu’nato ma’pakena nasang; la nabi la to minaa.

YEREMIA 4:28

Iamoto, la rosso tu lino sia iatu langi’ dao la ma’pote dibolong, belanna mangkamo Kupokada sia Kura’ta’ tu iannato, sia tae’mo Kupenassanni sia Kuboko’imo.

YEREMIA 2:4

Perangii tu kadanNa PUANG, e mintu’ bati’na Yakub sia mintu’ pa’rapuanna Israel!

YESAYA 66:5

Tananni talinga tu kadanNa PUANG, e kamu tu ma’parondona belanna kadanNa: Iatu mintu’ siulu’mi, tu ungkabiri’komi sia ussisarakangkomi belanna sangangKu ma’kada nakua: Melo ke umpaombo’i kamala’biranNa tu PUANG, angki tiroi tu kasendeammi. Apa ia kalena la kasirisan tu tau iato mai.

YESAYA 34:8

Belanna Naparampomo PUANG tu attu pa’pabala’ sia taun pa’pakkan la urra’ta’ kara-karana Sion.

YESAYA 28:14

Iamoto, e to mangelle’, perangimi tu kadanNa PUANG, e kamu pambaana bangsa iate, tu tonang lan Yerusalem.

YESAYA 5:3

Na totemo, e kamu mintu’ pa’tondokan Yerusalem sia mintu’ muane to Yehuda, paolaiNa’ salu sola pa’lak anggoro’Ku.

YESAYA 1:10

Perangiimi tu kadanNa PUANG, e kamu tedong pariu’na Sodom; tanannimi talinga tu pepasanNa Kapenombanta, e bangsa Gomora.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

YESAYA 59:4

Tae’ misa’ to ma’parapa’ situang kamalamburan sia tae’ misa’ to mangra’ta’ situru’ katonganan; urrannuan kada tang kebattuan sia ma’kada tang tongan, untambuk kamandasan sia untibussanan kasanggangan.

YESAYA 59:8

Iatu lalan kamarampasan tae’ natandai, sia tae’ katonganan dio lu lalanna; lalan kelok bang naolai; tae’i misa’ tu to unnolai, untandai kamarampasan.

YEREMIA 9:3

Ma’neko-neko tu lilana susi pana digi’tingan ponno buttok sia tae’ namalambu’ ma’parenta lan lu tondok sia tae’ upu’na umpasisonda kakadakean napogau’, sia tae’ natandaiNa’ tu tau iato mai, kadanNa PUANG.

YEREMIA 51:5

Belanna iatu to Israel sia to Yehuda tae’ anNa patorro to balui Kapenombanna, PUANGna mintu’ ma’dandan maritik, moi nakabu’i kakadakean tu tondokna umbali-bali Tomaserona to Israel.

YOËL 1:2

Perangiimi, e mintu’ pekaamberan, sia tananni talinga, e mintu’ pa’tondokan! Kela den lenni nadadi tu apa susite tonna attummi, ba’tu iatonna linona nene’ to dolomi.

PA’PUDIAN 81:9

E taungKu, patananni tu talingammu, la Kumotokkiko lila pa’pakilala; e to Israel, ke la moraiko umperangiiNa’!

YEREMIA 2:9

Iamoto la Kupaolaipokomi salu, kadanNa PUANG, ondongpi iatu ampo bati’mi la Kupaolai duka salu.

YEREMIA 9:7

Iamoto, nakua kadanNa PUANGna mintu’ ma’dandan maritik: Manassa la Kupakombong sia la Kusudi tu tau iato mai, belanna apapa tu la Kupogau’ diona anakna baine taungKu?

YEREMIA 11:7

Belanna Kutonganni tongan unnada’i tu nene’ to dolomi allo iato tongKu patassu’i tu tau iato mai lan mai tondok Mesir sae lako allo iate, ke makale’ sia ke karoen kumua: Perangii tu gamarangKu.

YEHEZKIEL 16:35

Iamoto, e bualang, tananni talinga tu kadanNa PUANG.

HOSEA 5:4

Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

HOSEA 12:3

Den kara-karaNa tu PUANGna Yehuda: iamoto anNa ukungi tu Yakub sitinaya kedona sia la Napapakkanni sitinaya penggauranna.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua: