HOSEA 2:6 - Sura' Madatu

⁶ Sia la undi unnula’i tu to nasigau’-salan, apa tae’ nalambi’i; nadaka’, apa tae’ naapparanni. Undinna la ma’kada nakua: La moraina’ male angku sule lako muane doloku, belanna iatu dolona mandu melo na iate totemona.

HOSEA 2:6 Referans Kwoze

AYUB 19:8

Naampangi Puang tu batattaku, kuurungan tang tarru’mo, sia Nasamboi kamalillinan tu lalanku.

AYUB 3:23

(Ma’apai Napatiroan masiang) misa’ tau, tu kabunian lalanna, sia iatu Nalontok Puang Matua mintu’ lalanna tu la naola ullendokan kalena?

LUKAS 19:43

Belanna la sae tu allo kamatilakammu sia la natambakukuko mintu’ ualimmu sia natalimbung tamako, sia nasikemunni tikuko sae,

2 KORINTUS 12:7

Sia diona untimbangi tu kamakalaen-laenna tongan mintu’ pa’paombo’. Iamoto dikua da angku pamadaoan kaleku, angku mangka diben duri untossok-tossokki tu kaleku, iamo misa’ pesuanna deata bulituk, tu untumbuina’ pebusuk da angku pamadaoan kaleku.

YEREMIA 18:15

Moi anna susito, tang nakilalai dukaNa’ taungKu; memala’ duka lako apa tae’ gai’na. Iamoto anna titodo tu tau iato mai dio lu lalanna, iamotu lalan masainna, belanna unnola lalan tang dibatatta,

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

HOSEA 10:8

La disanggang tu inan madao dinii memala’ dio Awen, tu napokasalan Israel. La nakabu’ duri sia a’da’ tu inan pemalaranna. Anna ma’kada tu tau iato mai lako buntu, kumua: Samboikan sia lako tanete, kumua: I’pinnikanni!

YESAYA 57:3

Apa kamu, mengkareke’komi mai, e anakna baine ma’balik mata, bati’ muane umpoka rampanan kapa’ sia baine ma’pangan buni.